Jujé 3:1 - Maktub gə́ To gə Kəmee

¹ Juje ḭta gə ndɔ rad ar Israɛlje lai d’ḭ səa na̰’d ɓee gə́ Sitim d’ɔd d’aw ndá deḛ teḛ ta baa’d gə́ Jurdɛ̰, lée’g neelé deḛ to naŋg keneŋ loondul’g ɓa gə mba bèlè gaŋg baa lé ɓəi.

Jujé 3:1 ပူးပေါင်းရင်းမြစ်များ

Gḭ-Néje 21:14

Abrakam ḭta gə ndɔ rad. Yeḛ un muru ləm, gə mán mee ɓɔl ndar’g ləm tɔ ar Agar ndá yeḛ unda dee dɔ tamee’g. Tɔɓəi yeḛ ula ŋgon lé jia’g tɔ ndá yá̰ aree ɔd aw ŋga. Agar lé ɔd aw ndá yeḛ ila tar gə́ yo gə́ nee dɔdilaloo gə́ Beer-Seba.

Gḭ-Néje 22:3

Abrakam ḭ gə ndɔ rad, tɔ né gir mulayḛ̀je’g ləa, ar basaje joo gə Isaak d’aw səa na̰’d. Yeḛ ria kir gə́ ka̰ roo ne nékinjaməs lé ndá ɔd gə mba kaw loo gə́ Ala ulá keneŋ lé tɔ.

Pakɔsje 119:60

M’ɔs rɔm ɓad gə mba ra godnduije ya Ɓó m’ŋgira kudum el.

Jeremi 25:3

Un kudee mee ləb gə́ njekɔm’g dɔg-giree-munda gə́ Jojias, ŋgolə Amo̰, mbai gə́ Juda o̰ ne ɓee saar ɓogənè lé Njesigənea̰ ulam ta as ləb rɔ-joo-giree-munda ŋga. Ma m’ula sí taree, m’ula sí taree ya teḛ gə́ ndɔ rad nɛ seḭ unje mbi sí rəw dɔ ta’g ləm.

Jeremi 26:5

gə mba koo taje lə kuraje ləm gə́ njéteggintaje gə́ m’ula dee rɔ sí’g un kudee gə ndɔ rad nɛ seḭ ooje ta lə dee el ləm tɔ lé ndá

Jeremi 7:13

Njesigənea̰ pana: Ɓasinè to gə́ seḭ raje néje nee lai ləm, to gə́ ma m’pata m’ar sí un kudee gə ndɔ rad ya nɛ seḭ ndigi kooje el ləma, to gə́ ma m’ɓar sí nɛ seḭ ndigije tam’g el ləm tɔ ndá

Misee 6:5

Ǝi seḭ dəwje ləm, arje meḛ sí olé dɔ né gə́ Balak, Mbai gə́ Moab wɔji gə mba ra ləm, Gə ta gə́ Balaam, ŋgolə Beɔr ilá keneŋ ləm tɔ. Arje meḛ sí olé dɔ né gə́ teḛ dɔ sí’g Un kudee ɓee gə́ Sitim saar teḛ ne Gilgal Gə mba kar sí gərje ne némajije gə́ Njesigənea̰ ra lé.

Bula lə Israɛlje 25:1

Israɛlje d’isi Sitim, koso-dəwje d’un kudu tusu rɔ dee kya̰ ji mɔdkaiya’g gə denéje gə́ Moab.

Mark 1:35

Taginloo gə́ loo àr el nja ɓəi ndá Jeju teḛ aw dɔdilaloo’g mba ra tamaji keneŋ.

Jujé 2:1

Juje gə́ to ŋgolə Nun lé, loo gə́ naḭ ne mee ɓee gə́ Sitim ɓəi ndá, yeḛ ula njétənlooje joo gə goo ŋgəḭ pana: Awje aw tənje loo mee ɓee’g ooje, nɛ oreeje kəm sí ndəŋ dɔ ɓee-boo gə́ Jeriko ya. Deḛ d’ɔd d’aw ndá teḛ kəi lə kaiya-dené gə́ ria lə Rahab, tɔɓəi deḛ to keneŋ tɔ.

Jujé 6:12

Juje ḭta gə ndɔ rad ar njékinjanéməsje d’un sa̰duk-manrɔ lə Njesigənea̰ lé d’aw ne.

Jujé 6:15

Ndɔ gə́ njekɔm’g siri lé deḛ d’ḭta gə ndɔ rad, loo gə́ loo to gḭdo-gḭdo ɓəi ndá deḛ njaa gugu dɔ ɓee-boo neelé to gə́ kédé ya nɛ as gɔl siri, mee ndəa gə́ kára neelé ya ba deḛ njaa gugu dɔ ɓee-boo neelé gɔl siri ɓəi.

Jujé 7:16

Juje ḭta gə ndɔ rad, tɔɓəi yeḛ ar Israɛlje ree gə goo ginkojije lə dee lə dee ndá deḛ teḛ dɔ ginkoji Judaje’g.

Jujé 8:10

Bèlè gə ndɔ rad ndá Juje ḭta aw tən njérɔje lé, tɔɓəi yeḛ gə ŋgatɔg Israɛlje d’ɔr no̰ dee mba kaw rɔ ne gə njé gə́ Ai tɔ.

Njéga̰g-Rəwtaje 20:19

Loo gə́ loo àr yərərə ndá Israɛlje d’ḭ d’aw d’wa loo-si dee mbɔr Gibea’g dəb.

1 Samel 17:20

Dabid ḭta gə ndɔ rad. Yeḛ ya̰ badje ar njeŋgəm dee ɓa odo nékodo ləa ɔd aw to gə́ Isai ulá ne lé. Loo gə́ yeḛ teḛ kəi-si dee’g ndá njérɔje d’isi tɔs rɔ dee gə goo na̰ goo na̰ mba kaw rɔ tɔɓəi kò-rɔ ɓar ta dee’g wəl-wəl tɔ.