Jujé 24:7 - Maktub gə́ To gə Kəmee

⁷ Ka síje-je no̰ ta Njesigənea̰’g. Ndá Njesigənea̰ ar loondul gaŋg mbuna sí-seḭ gə njé gə́ Ejiptə tɔɓəi yeḛ ar mán baa-boo-kad tel ree tula dɔ dee. Seḭ ooje né gə́ ma m’ra gə njé gə́ Ejiptə gə kəm sí gao ya. Tɔɓəi seḭ naije dɔdilaloo’g lé kur sí əw tɔ.

Jujé 24:7 ပူးပေါင်းရင်းမြစ်များ

Tel tura Godndu 4:34

See ndɔ kára magə kára saŋg loo gə mba taa ginkoji dəwje mbuna ginkoji dəwje gə́ raŋg’d gə mbata ləa gə goo nénaaje ləm, gə nétɔjije ləm, gə némɔrije ləm, gə rɔ ləm, gə jia gə́ ɓar mèr-mèr gə́ ula ndiŋ ləma, gə néje gə́ to ɓəl kədm-kədm ləm tɔ to gə́ Ala lə sí gə́ Njesigənea̰ ra ɔr sí ne mee ɓee gə́ Ejiptə kəm sí’g nee lé ya to wa.

Teḛ-Raga 14:20

Mum lé aar loo gə́ dana mbuna njé gə́ Ejiptə’g ləm, gə Israɛlje’g ləm tɔ. Mum neelé debee gə́ kára to loondul nɛ debee gə́ raŋg ndogó loondul’g tɔ. Togə́bè ɓa mee tilee’g neelé kudu dəwje gə́ joo neelé tibi mbɔr na̰ el.

Teḛ-Raga 14:10

Parao̰ unda dɔ dee dəb. Israɛlje lé d’ɔm rəd ndá aa oo, deḛ d’oo njé gə́ Ejiptə gə́ d’aw tuba goo dee lé. Njé gə́ Israɛl lé ɓəl unda dee badə gaŋg dee ar dee no̰ gə́ rɔ Njesigənea̰’g.

Teḛ-Raga 14:31

Israɛlje d’oo ji siŋgamoŋ lə Njesigənea̰ gə́ ɓar mèr-mèr gə́ yeḛ ula ndiŋ dɔ njé gə́ Ejiptə’g lé. Togə́bè ɓa koso-dəwje ɓəl ne Njesigənea̰, tɔɓəi deḛ d’ɔm ne meḛ dee dɔ Njesigənea̰’g ləm, gə dɔ Moyis gə́ to kura ləa ləm tɔ.

Jujé 5:6

Mbata Israɛlje njaa dɔdilaloo’g as ləb dee rɔ-sɔ, saar mba kar ginkoji dəwje gə́ to njérɔje lai gə́ d’unda loo mee ɓee gə́ Ejiptə teḛ lé d’udu guduru mbata deḛ d’ila ŋgonkoji dɔ torndu Njesigənea̰’g el. Gelee gə́ nee ɓa Njesigənea̰ lé man ne rəa gə mba kar ɓee gə́ yeḛ man rəa ar bɔ deeje gə mba kar síjeḛ lé d’a koo el, to ɓee gə́ mbà gə ubu tə̰ji to keneŋ yaa̰.

Tel tura Godndu 29:2

seḭ ooje nénaaje gə́ boo gə némɔrije gə nédumkooje gə́ boo ləm tɔ.

Tel tura Godndu 1:46

Gelee gə́ nee ɓa seḭ síje ne Kades as ndɔje bula ləm, gə kur sí əw ne yaa̰ ləm tɔ.

Ǝbrəje 3:17

See mee Ala ḭ səa jugugu as ləb rɔ-sɔ dɔ na̰je’g wa. See to deḛ gə́ ra kaiya lé el wa. See to deḛ gə́ nin dee to gə loo-loo dɔdilaloo’g lé el wa.

Tel tura Godndu 2:14

Loo gə́ j’ḭje Kades-Barnea saar j’awje Jered lé, jeḛ n’ra ləb sí rɔ-munda-giree-jinaijoo, ndá njérɔje gə́ to njéboakojije lə na̰ lé d’wəi lai loo-si dee’g to gə́ Njesigənea̰ man ne rəa ar dee lé tɔ.