Jujé 22:9 - Maktub gə́ To gə Kəmee

⁹ Rubḛje, gə Gadje gə ges ginkoji Manasə lé d’ya̰ Israɛlje Silo, mee ɓee gə́ Kana̰ ndá deḛ tel d’aw mee ɓee gə́ Galaad gə́ to dɔ naŋg lə dee, loo gə́ deḛ ra ɓee keneŋ kédé, to gə́ Njesigənea̰ un ne ndia ar dee gə ndu Moyis lé.

Jujé 22:9 ပူးပေါင်းရင်းမြစ်များ

2 Samel 2:9

Yeḛ undá gə́ mbai lə Galaadje ləm, gə Gesurje ləm, gə Jisreelje ləm, gə Eprayimje ləm, gə Bḛjamije ləma, gə dɔ Israɛlje’g lai ləm tɔ.

1 Sôrta Gḭka-Israɛlje 5:9

loo gə́ par gə́ bər lé yeḛ ra ɓee keneŋ saar teḛ dɔdilaloo gə́ un kudee baa gə́ Epratə mbata nékulje lə dee bula mee ɓee gə́ Galaad tɔ.

Pakɔsje 60:7

Maji kari ila jikɔli dɔ sí’g aji sí ne Ɓó gə ila sí keneŋ Mba kar deḛ gə́ i unda dee dan kəmi’g lé D’ɔr ne dɔ dee kúla’g.

Bula lə Israɛlje 32:1

Ginkoji Rubḛje gə ginkoji Gadje lé deḛ to njénékulje gə́ bula digi-digi, tɔɓəi deḛ d’oo to gə́ ɓee gə́ Jajer gə ɓee gə́ Galaad lé to loo gə́ maji mbata nékulje.

Bula lə Israɛlje 32:20

Moyis ula dee pana: Ɓó lé seḭ raje togə́bè, lé seḭ odoje nérɔje gə mba kaw rɔ ne no̰ Njesigənea̰’g ləm,

Bula lə Israɛlje 32:22

lé seḭ a telje el saar kar ɓee neelé tel to ka̰ Njesigənea̰ ləm tɔ ndá ta kára kara a kwa dɔ sí kəm Njesigənea̰’g el ləm, əsé kəm Israɛlje’g el ləm tɔ. Bèe ɓa dɔ naŋg neelé a tel to ka̰ sí-seḭ ya no̰ Njesigənea̰’g ɓəi.

Bula lə Israɛlje 32:26

Ŋgan síje ləm, gə denéje lə sí ləm, gə koso-nékulje lə sí ləma, gə nékulje lə sí lai ləm tɔ, d’a nai mee ɓee-booje gə́ Galaad,

Bula lə Israɛlje 32:29

Yeḛ ula dee pana: Ɓó lé ginkoji Gadje gə ginkoji Rubḛje gaŋg sə sí baa gə́ Jurdɛ̰ gə nérɔje rɔ dee’g gə mba rɔ ne no̰ Njesigənea̰’g ləm, ɓó lé deḛ la sə sí mba kar sí dumje dɔ dee ləm tɔ ndá seḭ a kar deeje dɔ naŋg gə́ Galaad gə́ né ka̰ dee-deḛ ya.

Tel tura Godndu 3:18

Mee ndəa’g neelé ma m’un ndum m’ar sí m’pana: Njesigənea̰, Ala lə sí ar sí ɓee neelé mba kar sí taaje gə́ né ka̰ sí. Seḭ lai gə́ toje gə́ njérɔje lé seḭ a kodoje nérɔje lə sí kawje ne no̰ ŋgako̰ síje’d gə́ to Israɛlje lé.

Tel tura Godndu 3:20

saar gə mba kar Njesigənea̰ ar ŋgako̰ síje loo-kwa-rɔ dee to gə́ yeḛ ar sí ne seḭ bèe ləm ɓa, kar dee-deḛ kara taa ɓee gə́ Ala lə sí gə́ Njesigənea̰ ar dee kel tura-baa’d gə́ Jurdɛ̰ gə́ nu gə́ né ka̰ dee-deḛ lé bèe tɔ. Bèe ɓa seḭ a telje kawje kar nana kara a kaw loo-siée’d gə́ m’ar sí lé ɓəi.

Tel tura Godndu 34:1

Moyis ḭ ndag-looje gə́ Moab tuga dɔ mbal gə́ Nebo aw dɔ sém mbal gə́ Pisga gə́ wɔji dɔ Jeriko njoroŋ. Ndá Njesigənea̰ aree oo ɓeeje lai tɔ, bèe ɓa,

Jujé 13:11

tɔɓəi Galaad, dɔ naŋg ɓee lə Gesurje gə Maakatje ləm, dɔ mbal’d gə́ Hermo̰ lai ləma, gə Basan lai saar teḛ ne Salka ləm tɔ,

Jujé 13:25

Deḛ d’iŋga dɔ naŋg gə́ Jajer ləm, gə ɓee-booje lai gə́ Galaad ləm, gə ges ɓee lə Amo̰je saar teḛ Aroer gə́ wɔji dɔ Raba njoroŋ ləm,

Jujé 13:31

Ges ɓee gə́ Galaad, gə Astarot gə Edrei gə́ to ɓee-booje gə́ to mee ɓeeko̰’g lə Ɔg gə́ Basan lé d’ar ŋgalə Makir gə́ to ŋgolə Manasə ləm, gə d’ar ges ŋgalə Makir gə goo gel-bɔje lə dee lə dee ləm tɔ.

Jujé 22:10

Loo gə́ deḛ teḛ dɔ naŋg’d mbɔr baa gə́ Jurdɛ̰ gə́ wɔji dɔ ɓee gə́ Kana̰ lé ndá, Rubḛje gə Gadje, gə ges ginkoji Manasə ra loo-nékinjaməs keneŋ ta baa gə́ Jurdɛ̰, yee gə́ to loo-nékinjaməs gə́ boi yaa̰ gə́ to tar ɗaŋg kəm dee’g lé.

Njéga̰g-Rəwtaje 20:1

Un kudee Dan saar teḛ Beer-Seba gə ɓee gə́ Galaad lé Israɛlje lai d’unda loo teḛ ndá koso-dəwje mbo̰ dɔ na̰ to gə́ dəw gə́ kára ba bèe no̰ Njesigənea̰’g loo gə́ Mispa.

Njéga̰g-Rəwtaje 5:17

Galaadje gə́ d’isi kel tura-baa gə́ Jurdɛ̰ gə́ nu lé D’uba loo-si dee d’ya̰ el. See gelee ban ɓa Danje d’isi ne meḛ batoje’g ɓəi wa. Aserje kara d’isi dɔ koŋgo baa-boo-kad’g, Deḛ d’wa rɔ dee kəmkaije’g lə dee.