Jujé 22:6 - Maktub gə́ To gə Kəmee

⁶ Togə́bè ɓa Juje tɔr ndia dɔ dee’g ndá ya̰ dee ar dee tel d’aw gə́ kəi-kubuje’g lə dee.

Jujé 22:6 ပူးပေါင်းရင်းမြစ်များ

Gḭ-Néje 14:19

Yeḛ tɔr ndia dɔ Abram’g pana: Maji kar Ala gə́ Njekurdɔloo, yeḛ gə́ to mbai dɔ dara gə naŋg nee lé tɔr ndia dɔ Abram’g!

Gḭ-Néje 47:10

Jakob tɔr ndia dɔ Parao̰’g ndá yeḛ ḭ no̰ Parao̰’g teḛ raga.

Gḭ-Néje 47:7

Jisəb ree gə bɔbeeje gə́ Jakob aree aar no̰ Parao̰’g ndá Jakob tɔr ndia dɔ Parao̰’g tɔ.

2 Samel 6:18

Loo gə́ Dabid tɔl ta kula nékinjanéməsje gə́ ka̰ roo ləm, gə ka̰ kɔm na̰’d ləm tɔ ndá yeḛ tɔr ndia dɔ koso-dəwje’g gə ri Njesigənea̰ gə́ njeboo-néje lé tɔ.

2 Samel 6:19

Tɔɓəi yeḛ kai koso-dəwje gə́ Israɛl lai, diŋgamje gə denéje lé nana kara yeḛ aree pil muru kára ləm, gə kɔr da ləm, gə mbə gə́ d’ila ləma, gə Kandə-nduú ləm tɔ. Ndá koso-dəwje lai d’ḭ d’aw, nana kara aw kəi ləa kəi ləa ya.

2 Samel 6:20

Dabid tel aw gə mba kaw tɔr ndia dɔ njémeekəije’g ləa ndá Mikal, ŋgolə Sawul gə́ dené lé teḛ iŋgá. Yeḛ dəjee pana: Rɔnduba gə́ ban ɓa d’ula dɔ mbai lə Israɛlje’g ɓogənè ɓa aree tɔr ne kubu rəa’g kəm ŋganjélookisije’g ləa gə́ dené gə diŋgam to gə́ lə dəw gə́ kari ba ɓa tɔr kubu rəa’g bèe nee wa.

1 Mbaije 8:66

Ndɔ gə́ njekɔm’g jinaijoo ndá yeḛ ya̰ koso-dəwje ar dee d’aw. Tɔɓəi deḛ tɔr ndu dee dɔ mbai’g lé bèe ɓa deḛ d’ɔd d’aw mee kəi-kubuje’g lə dee gə rɔlel, gə meendakaḭ mbata némeemajije lai gə́ Njesigənea̰ ra gə kura ləa gə́ Dabid, kura ləa gə koso-dəwje ləa gə́ Israɛl lé tɔ.

2 Sôrta Gḭka Israɛlje 30:18

Togə́bè ɓa ges koso-dəwje lə Eprayimje gə Manasəje gə Isakarje gə Jabilo̰je gə́ d’ɔr won rɔ dee el lé bula yaa̰ ndá deḛ d’usɔ né-Pag lé lal ra né gə goo taree gə́ ndaŋg lé tɔ. Nɛ Ejekias ra tamaji mbata lə dee pana: Njesigənea̰, i gə́ to njemeemaji lé

Teḛ-Raga 39:43

Moyis tən kulaje neelé lai, ndá aa oo, deḛ ra to gə́ Njesigənea̰ un ne ndia ar dee lé deḛ ra togə́bè ya. Bèe ɓa Moyis tɔr ne ndia dɔ dee’g ya.

Lugu 2:34

Simeo̰ tɔr ne ndia dɔ dee’g, ula Mari gə́ ko̰ ŋgonje lé pana: Aa oo, ŋgon neelé d’unda no̰ dee’g ɗaŋg gə né kɔr koso gə nékuba loo kḭ lə dəwje bula gə́ Israɛl ləm, gə nétɔji gə́ a kar dee d’aw ne gə na̰ puduru-puduru ya ləm tɔ.

Lugu 24:50

Yeḛ ɔr no̰ dee njal kəmee gə́ Betani, tɔɓəi yeḛ odo jia gə́ tar tɔr ne ndia dɔ dee’g.

Jujé 14:13

Juje tɔr ndia dɔ Kaleb, ŋgolə Jepune’g, tɔɓəi yeḛ aree Ebro̰ gə́ né kea̰-yeḛ tɔ.

Jujé 24:28

Yen ŋga Juje ya̰ koso-dəwje lé ar nana kara tel aw dɔ naŋg gə́ ləa-ləa.

1 Samel 10:25

Samel ar koso-dəwje gər né gə́ wɔji dɔ ɓeeko̰ ndá yeḛ ndaŋg taree mee maktub’g ila no̰ Njesigənea̰’g. Tɔɓəi yeḛ ya̰ koso-dəwje lai ar nana kara aw kəi ləa-ləa ya.

1 Samel 13:2

Tɔɓəi Sawul mbər njérɔje gə́ Israɛl as tɔl-dɔg-loo-munda (3.000) ndá ar deḛ gə́ tɔl-dɔg-loo-joo (2.000) d’isi səa Mikmas ləm gə dɔ mbal gə́ Betel ləm, ar deḛ gə́ tɔl-dɔg (1.000) d’isi gə Jonatan mee ɓee gə́ Gibea gə́ ka̰ Bḛjamije ləm tɔ. Ndá yeḛ ya̰ ges koso-dəwje gə́ nai lé ar nana kara aw kəi-kubu’g ləa-ləa.

1 Samel 2:20

Eli tɔr ndia dɔ Elkana’g gə dɔ dené’g ləa pana: Maji kar Njesigənea̰ ari iŋga ŋganje gə́ raŋg gə dené neelé mba kar dee taa tor yeḛ gə́ yeḛ unee ar Njesigənea̰ lé! Yee ɓa deḛ tel d’aw ɓee lə dee ɓəi.