Jujé 22:4 - Maktub gə́ To gə Kəmee

⁴ Ɓasinè Njesigənea̰, Ala lə sí ar ŋgako̰ síje loo-kwa-rɔ lə dee to gə́ yeḛ ula dee ne kédé lé bèe ndá maji kar sí telje awje mee kəi-kubuje’g lə sí mee ɓee gə́ to ka̰ sí to gə́ Moyis kura lə Njesigənea̰ ar sí kel tura-baa gə́ Jurdɛ̰ par gə́ bər lé.

Jujé 22:4 ပူးပေါင်းရင်းမြစ်များ

1 Sôrta Gḭka-Israɛlje 22:18

Njesigənea̰ gə́ to Ala lə sí lé see yeḛ nai sə sí ar sí waje rɔ sí gə looje lai el wa. Mbata yeḛ ya̰ koso-dəwje gə́ mee ɓee’g neelé jim’g ndá njé gə́ dɔ naŋg nee lé d’ula dɔ dee no̰ Njesigənea̰’g ləm, gə no̰ koso-dəwje’g ləa ləm tɔ.

Teḛ-Raga 33:14

Njesigənea̰ ilá keneŋ pana: Ma nja m’a korè səi rəw na̰’d més ləm, m’a kari iŋga loo-kwa-rɔ ləi ləm tɔ.

Bula lə Israɛlje 32:18

J’a tel kaw mee kəije’g lə sí el saar gə mba kar Israɛlje lé nana kara a kiŋga loo gə́ wɔji dəa gə́ kea̰-yeḛ ya ɓa,

Tel tura Godndu 12:9

mbata seḭ teḛje loo-kwa-rɔ gə́ Ala lə sí gə́ Njesigənea̰ ar sí gə́ nédɔji lə sí lé el ɓəi.

Tel tura Godndu 29:8

Maji kar sí aaje dɔ ta manrɔje neelé kər-kər ləm, raje née ləm tɔ ɓa gə mba kar sí teḛje ne kɔr dɔ néje’g lai gə́ seḭ a gə raje lé.

Tel tura Godndu 3:20

saar gə mba kar Njesigənea̰ ar ŋgako̰ síje loo-kwa-rɔ dee to gə́ yeḛ ar sí ne seḭ bèe ləm ɓa, kar dee-deḛ kara taa ɓee gə́ Ala lə sí gə́ Njesigənea̰ ar dee kel tura-baa’d gə́ Jurdɛ̰ gə́ nu gə́ né ka̰ dee-deḛ lé bèe tɔ. Bèe ɓa seḭ a telje kawje kar nana kara a kaw loo-siée’d gə́ m’ar sí lé ɓəi.

Ǝbrəje 4:8

Tɔgərɔ ya ɓó lé Juje ar dee loo-kwa-rɔ lə dee ndá Ala a pa kwɔji ne ndɔ gə́ raŋg el ŋga.

Jujé 1:15

saar ndɔ gə́ Njesigənea̰ a kar ŋgako̰ síje loo-kwa-rɔ lə dee to gə́ yeḛ ar sí ne seḭ bèe ləm, gə mba kar dee taa ne ɓee gə́ Njesigənea̰, Ala lə sí ar dee gə́ né ka̰ dee-deḛ ləm tɔ ɓa. Gée gə́ gogo ɓa seḭ a telje reeje mba si ne mee ɓee gə́ to né ka̰ sí-seḭ gə́ Moyis gə́ to kura lə Njesigənea̰ ar sí kel tura-baa gə́ Jurdɛ̰ gə́ nu par gə́ bər ɓəi.

Jujé 12:6

Moyis, kura lə Njesigənea̰ lé deḛ gə Israɛlje dum dɔ dee ya, ndá ɓeeje lə dee neelé, Moyis gə́ to kura lə Njesigənea̰ lé wa ar ginkoji Rubḛje, gə Gadje, gə ges ginkoji Manasə gə́ né ka̰ dee-deḛ ya.

Jujé 13:15

Moyis ar ginkoji Rubḛje loo kára kára gə goo gel-bɔje lə dee lə dee.

Jujé 13:8

Ginkoji Rubḛje gə Gadje gə ges ginkoji Manasə gə́ nai lé d’iŋga dɔ naŋg gə́ né ka̰ dee-deḛ to gə́ Moyis gə́ to kura lə Njesigənea̰ ar dee ne kel tura baa gə́ Jurdɛ̰’g nu par gə́ bər kédé mba̰ lé:

Jujé 22:3

Un kudee mee ndəa gə́ ləw ba ya saar teḛ ɓogənè lé seḭ ubaje goo ŋgako̰ síje ya̰ deeje el, tɔɓəi seḭ aaje dɔ ndukunje, gə godnduje lə Njesigənea̰, Ala lə sí kər-kər tɔ.