Jujé 21:4 - Maktub gə́ To gə Kəmee

⁴ Deḛ ra nékwɔji lé gə́ to asəna gə téḛ bèe mbata gel-bɔje lə Keatje, ndá Ləbije gə́ to ŋgan Aaro̰je gə́ njekinjanéməs lé d’iŋga ɓee-booje dɔg-giree-munda mbuna ginkoji Judaje’g, gə Simeo̰je’g, gə Bḛjamije’g gə goo nékwɔji lée gə́ to asəna gə téḛ bèe lé.

Jujé 21:4 ပူးပေါင်းရင်းမြစ်များ

1 Sôrta Gḭka-Israɛlje 6:39

Aa ooje, ɓee-booje lə dee gə́ d’wɔji ŋgaŋgee d’ar dee gə goo loo-si dee si dee ɓa nee: Ŋgaka Aaro̰ gə goo gel-bɔje lə Keat lé to gə́ doŋgɔr gə goo nékwɔji lée

Teḛ-Raga 6:16

Aa oo, ri ŋgalə Ləbi gə ŋgaka deeje ɓa nee: Gerso̰, Keat gə Merari. Ləb si kəmba lə Ləbi lé aḭ tɔl-dəa-rɔ-munda-giree-siri (137).

Teḛ-Raga 6:20

Amram taa Jokebed gə́ to beneje, təa gə́ dené ləa, yeḛ oji səa Aaro̰ gə Moyis. Ləb si kəmba lə Amram lé aḭ tɔl-dəa-rɔ-munda-giree-siri (137) tɔ.

Bula lə Israɛlje 3:27

Ŋgaka Keatje lé to gel-bɔje lə Amramje ləm, gel-bɔje lə Jisəarje ləm, gel-bɔje lə Ebro̰je ləma, gə gel-bɔje lə Ujielje ləm tɔ, deḛ ɓa d’ore dee na̰’d ɓar dee gel-bɔje lə Keatje ya.

Jujé 21:3

Togə́bè ɓa Israɛlje d’ɔr kəm looje mbuna dɔ naŋgje’d gə́ d’iŋga gə́ né ka̰ dee-deḛ d’ar Ləbije ndá d’ar dee ɓee-booje gə looje gə́ gugu dɔ dee gə goo godndu Njesigənea̰ lé.

Jujé 21:5

Ŋgalə Keatje gə́ raŋg d’iŋga ɓee-booje dɔg mbuna gel-bɔje lə ginkoji Eprayimje gə Danje’g, gə ges ginkoji Manasə’g tɔ, gə goo nékwɔji lée gə́ to asəna gə téḛ bèe.

Jujé 24:33

Eləajar, ŋgolə Aaro̰ lé wəi tɔ ndá deḛ dubee Gibeat-Pines gə́ d’ar ŋgalə Pines kédé kaar mbal gə́ Eprayim lé tɔ.