Jujé 2:9 - Maktub gə́ To gə Kəmee

⁹ tɔɓəi yeḛ ula dee pana: Ma m’gər gao, Njesigənea̰ ar sí ɓee neelé ləm, no̰ néra sí ɔm ɓəl dɔ sí’g ləma, dəwje lai gə́ mee ɓee’g neelé d’unda bala tigi-tigi no̰ sí’g ləm tɔ.

Jujé 2:9 ပူးပေါင်းရင်းမြစ်များ

Gḭ-Néje 35:5

Gée gə́ gogo deḛ d’ɔd d’aw tɔ. Ɓəl Ala gə́ to ɓəl gə́ boo lé oso dɔ ɓee-booje’g lai gə́ gugu dɔ dee ndá deḛ tuba goo ŋgalə Jakob lé el.

2 Samel 17:10

Bèe ɓa bao-rɔje gə́ to njésiŋgamoŋje lé lé meḛ dee to asəna gə mee toboḭ ya kara meḛ dee a gaŋg mán. Mbata Israɛlje lai gər to gə́ bɔbije to bao-rɔ ləm, deḛ gə́ d’aw səa kara to bao-rɔje ya ləm tɔ.

2 Mbaije 5:15

Léegəneeya yeḛ ɔs tel gə dəwje gə́ gée’g lai aw ne rɔ dəw lə Ala’g lé aw aar ne nea̰’g ulá pana: Aa oo, ɓasinè ma m’gər to gə́ dɔ naŋg nee lai lé Ala gə́ raŋg godo nɛ mee ɓee’g lə Israɛlje ya kára ba. Ma m’ra ndòo rɔi’g mba kari taa gə́ nénoji ji kura’g ləi ya.

2 Mbaije 7:6

Mbaidɔmbaije ar kaa pusu-rɔje gə kaa kundaje, gə ndu boo-njérɔje ɓar mee loo-si njérɔje gə́ Siri’g ndá deḛ d’ula na̰ ta yo gə́ nee pana: Aa ooje, mbai gə́ Israɛl uga mbaije gə́ Het, gə mbaije gə́ Ejiptə gə mba kar dee ree rɔ sə sí.

Nehemi 6:16

Loo gə́ deḛ lai gə́ to njéba̰je lə sí d’oo ndá ginkoji dəwje gə raŋg lai gə́ gugu gir sí lé ɓəl unda dee badə gaŋg dee. Rɔkul-boo dəb dɔ dee’g ndá deḛ gər to gə́ kula neelé jeḛ n’tɔleeje bém gə goo torndu Ala lə sí lé ya.

Este 8:17

Mee dəb ɓeeko̰je kára kára lai ləm, gə mee ɓee-booje kára kára lai ləm tɔ lé loo gə́ d’ila mber ndukun lə mbai keneŋ ndá loo gə́ mbuna Jibje’g lé rɔlel gə boo-rɔkal gə ra muru-gad gə ra naḭje ɓa to keneŋ ya. Tɔɓəi dəwje bula mbuna koso-dəwje gə́ mee ɓee’g tel rɔ dee gə́ Jibje mbata ɓəl gə́ deḛ ɓəl Jibje lé ɓa unda dee badə gaŋg dee tɔ.

Maktub gə́ wɔji dɔ Jɔb 19:25

Nɛ ma m’gər gao, njekuga dɔm si kəmba ya, Ndɔ gə́ rudu lé ndá yeḛ nja a k’ḭta dɔ naŋg nee tɔ.

Pakɔsje 112:10

Njemeeyèr lé aa loo ée ndá Oŋg ḭ səa pu ləm, Yeḛ sɔ ŋgaŋgee dəa’g pəgərə-pəgərə ɓa Lée dumee təs ɓəi ləm tɔ. Néje gə́ njémeeyèrje ndiŋga lé Tel to né gə́ kari ba.

Pakɔsje 115:16

Dara lé to dara gə́ ka̰ Njesigənea̰ ya, Nɛ yeḛ wa naŋg nee ar dəwje lé.

Teḛ-Raga 18:11

Ɓasinè, ma m’gər gao to gə́ Njesigənea̰ lé ur dɔ magəje’g lai, mbata némeeyèr lə njé gə́ Ejiptə lé tel oso dɔ dee-deḛ’g ya.

Teḛ-Raga 23:27

M’a kar néɓəlje ləm d’ɔr no̰ sí ləm, m’a kar dəwje lai gə́ seḭ a teḛje rɔ dee’g lé d’a buŋga na̰ kaḭ sanéna̰ kad-kad ləma, njéba̰je lə sí kara m’a kar dee tel gir dee d’ar sí d’aḭ ne no̰ sí’g ləm tɔ.

Njekillamber 8:12

Lé bèe kara ɓó lé Njekaiya ra némajel as gɔl tɔl (100) Si ne ŋgəd-ŋgəd kuree əw kara Ma m’gər gao to gə́ si dan maji’g to Mbata lə deḛ gə́ ɓəl Ala Deḛ d’ila koji dəa’g ya.

Esai 19:1

Ndərta gə́ pa wɔji dɔ ɓee gə́ Ejiptə. Aa ooje, pélé lə ndi gə́ aiŋgwɔd kalaŋ lé Yee ɓa Njesigənea̰ uba aw ne Ejiptə, Bèe ɓa magəje gə́ Ejiptə d’unda bala tigi-tigi nea̰’g ləm, Mee Ejiptəje kara təd ne mán ləm tɔ.

Esai 23:5

Loo gə́ Ejiptəje d’a koo sorta neelé ndá D’a kunda bala tigi-tigi Loo gə́ d’oo ta koso lə ɓee gə́ Tir lé.

Jeremi 27:5

To ma nja m’ra dɔ naŋg, gə dəwje, gə daje gə́ d’aw keneŋ gə goo siŋgamoŋ ləm gə́ ur dɔ loo ləm, gə jim gə́ m’ula ndiŋ ləm tɔ ndá dɔ naŋg lé m’ar dəw to gə́ məəm ya ndigi.

Nahum 2:10

Maji kar sí undaje larnda gə larlɔr gə́ nébanrɔ! Mbata nébaoje gə́ ɔs dɔ maree-maree to keneŋ ləm, Nébaoje gə́ ra gə néje gə́ gad dee to yaa̰ Gə gel dee gel dee lé to keneŋ ləm tɔ.

Bula lə Israɛlje 20:14

Loo gə́ d’isi Kades lé Moyis ula njékaḭkulaje rɔ mbai gə́ Edɔm mba kar dee d’ulá pana: Aa oo, ta gə́ ŋgakɔḭje gə́ to Israɛlje pa ɓa nee: Némeeko̰je lai gə́ teḛ dɔ sí’g lé i oo gao ya.

Bula lə Israɛlje 20:24

Aaro̰ a gə kwəi kaw kiŋga njé’g ləa, yeḛ a kandə mee ɓee gə́ ma m’ar Israɛlje lé el mbata seḭ ɔsje ndukun ləm gə́ wɔji dɔ mán gə́ Meriba lé rəw.

Matiyo 20:15

See né gə́ m’wɔji məəm’g gə mba ra gə néje ləm lé see m’askəm ra el wa. See kəmi kas ŋgɔgərɔ dɔm’g mbata néram gə́ maji lé wa.

Tel tura Godndu 11:25

Dəw kára kara a kaskəm kaar ges naŋg no̰ sí’g el. Ala lə sí gə́ Njesigənea̰ a kar sí toje gə́ néɓəl gə nékunda bala mee ɓeeje lai gə́ seḭ a njaaje keneŋ lé to gə́ yeḛ ula sí ne lé.

Tel tura Godndu 2:25

Un kudee ɓogənè ya m’a kar sí toje gə́ gin ɓəl gə gin ndəb lə koso-dəwje lai-lai gə́ d’isi dɔ naŋg bura lé, d’a koo kaa né gə́ seḭ raje ndá d’a kunda ne bala tigi-tigi kar ɓəŋgərə dee ti ne dus tɔ.

Tel tura Godndu 28:10

Koso-dəwje lai d’a koo to gə́ ri Njesigənea̰ ɓar dɔ sí’g ndá deḛ d’a ɓəl sí ne.

Tel tura Godndu 32:8

Loo gə́ Njesisémdara’g ar ginkoji dəwje gə raŋg nénduba ləm, Loo gə́ yeḛ kai ŋgalə dəwje ɓəd-ɓəd ləm tɔ lé ndá, Yeḛ wɔji rəw-nim dɔ naŋg lə koso-dəwje-dəwje Gə goo bula lə Israɛlje.

Ǝbrəje 11:31

Meekun lé ɓa Rahab gə́ to kaiya-dené tuji ne na̰’d gə njékaltaje el, mbata yeḛ ra njéŋgəmlooje mbá bur-bur.

Jujé 2:11

Jeḛ j’ooje taree ndá meḛ sí ila kas ləm, ndil síjeḛ lai ya teḛ kág igi mbata lə sí ləm tɔ, mbata Njesigənea̰, Ala lə sí lé to Ala gə́ njesi sém dara gə́ tar ləm, gə dɔ naŋg nee ləm tɔ.

Jujé 2:24

Deḛ d’ula Juje pana: Tɔgərɔ, Njesigənea̰ ila ɓee neelé lai ji sí’g ləm, ar njéɓeeje lai kara d’unda bala tigi-tigi no̰ sí’g ləm tɔ.

Jujé 2:8

Ɓad ɓa gə mba kar njétənlooje to naŋg ɓəi ndá Rahab tuga loo aw rɔ dee’g dɔ kəi’g tar,

Jujé 5:1

Mbaije lə Amɔrje lai gə́ d’isi par gə́ dɔ-gó lə baa gə́ Jurdɛ̰ ləm, gə mbaije lə njé gə́ Kana̰ lai gə́ d’isi ta baa-boo-kad’g ləm tɔ lé, loo gə́ d’oo to gə́ Njesigənea̰ ar baa gə́ Jurdɛ̰ kai rəa dana no̰ Israɛlje’g saar ar sí n’dəsje loo gə́ tudu kurum-kurum’g ndá meḛ dee ila kas bilim ləm, ndil dee teḛ rɔ dee’g ləm tɔ gə mbata lə Israɛlje lé ya.

Jujé 6:2

Njesigənea̰ ula Juje pana: Aa oo, ma m’ya̰ Jeriko gə mbai gə́ keneŋ gə bao-rɔje ləa jii’g.

Jujé 9:10

gə né gə́ yeḛ ra gə mbaije lə Amɔrje gə́ joo gə́ d’isi kel tura-baa gə́ Jurdɛ̰ gə́ nu gə́ ri dee lə Sihon, mbai gə́ Esbon, gə Ɔg, mbai gə́ Basan, gə́ si Astarot ləm tɔ.

Jujé 9:24

Deḛ d’ila Juje keneŋ pana: Dəwje ndaji ta d’ar kuraje ləi d’oo ndukun gə́ Njesigənea̰, Ala ləi ar Moyis gə́ to kura ləa mba kya̰ ɓee neelé lai ji sí’g ləm, gə mba tuji deḛ lai gə́ d’isi keneŋ no̰ sí’g ləm tɔ ndá ree lə sí neelé ɔm ɓəl-boo dɔ sí’g mbata kwəi gə́ j’a gə kwəi lé: gelee gə́ nee ɓa jeḛ n’raje ne sə sí bèe gə mbəa.

Jujé 9:9

Deḛ d’ilá keneŋ pana: Kuraje ləi d’ḭ ɓee gə́ əw yaa̰ mbata no̰ ri Njesigənea̰, Ala ləi gə́ oso lé, mbata j’ooje ta gə́ wɔji dəa ləm, gə néje lai gə́ yeḛ ra Ejiptə ləm,

Njéga̰g-Rəwtaje 7:14

Kuramaree lé tel ilá keneŋ pana: To né gə́ raŋg el, nɛ to kiambas lə Gedeo̰, ŋgolə Joas, dəw gə́ Israɛl lé ya, Ala uba Madianje gə boo-njérɔje lai ya̰ dee jia’g.