Jujé 2:5 - Maktub gə́ To gə Kəmee

⁵ Loondul’g loo gə́ d’a gə kudu tarəwkɔg ndá dəwje neelé d’unda loo teḛ ya nɛ m’gər loo gə́ d’aḭ d’aw keneŋ el, ɔsje rɔ sí ɓad tubaje goo dee ndá a kiŋga deeje ya.

Jujé 2:5 ပူးပေါင်းရင်းမြစ်များ

Nehemi 13:19

Yen ŋga m’un ndum mba kar dee d’udu tarəwkɔgje gə́ Jerusalem loo gə́ kàr a gə kandə kédé ɓa kar ndɔ-kwa-rɔ teḛ ɓəi ndá d’a kɔr ta dee el saar ndɔ-kwa-rɔ godo ɓa. Tɔɓəi ma m’unda kuraje ləm gə́ na̰je tarəwkɔgje’g gə mba kɔg dee loo kandə keneŋ gə nékodo gə́ wɔi gə ndɔ-kwa-rɔ’g lé.

Esai 60:11

Tarəwkɔgje ləi d’a to tag bə̰dəŋ ya Ɓó d’a kudu dan kàrá əsé loondul’g el Gə mba kya̰ loo kar ginkoji dəwje gə raŋg Ree gə nébaoje lə dee mee kəi’g ləi ləm, Kar mbaije lə dee gə njé’g lə dee d’a ree ne ləm tɔ.

Jeremi 50:20

Njesigənea̰ pana: Mee ndəaje gə mee kàree’g neelé D’a saŋg néramajel lə Israɛlje Nɛ d’a kiŋga el ləm, D’a saŋg kaiya ra Judaje Nɛ d’a kiŋga kára kara el ləm tɔ. Mbata m’a kar məəm oso lemsé Dɔ ges deeje gə́ m’a kya̰ dee lé.

Ejekel 47:12

Mbɔr kəm-rəw-mán’g lé kag sɔje gə́ gə gel dee gel dee d’a kuba dɔ koŋgeeje’g loo joo bɔr. Kagje neelé kam dee a ndòlé nda̰ el ləm, kandə dee a godo nda̰ el ləm tɔ. D’a kandə gə naḭje kára-kára lai mbata mán a kḭ mee loo gə́ to gə kəmee’g teḛ kula gel dee’g. Kandə dee a to nékul rɔ ləm, kam dee a to kuma̰-kaji-rɔ ləm tɔ.

Jujé 2:4

Dené lé wa dəwje gə́ joo neelé aw iya dee, tɔɓəi yeḛ pana: Tɔgərɔ ya, dəwje neelé ree kəi ləm ya, nɛ m’gər loo gə́ d’ḭ keneŋ el.

Jujé 2:6

Nɛ yeḛ ar njétənlooje neelé tuga loo d’aw dɔ kəi’g tar ndá yeḛ iya dee gel kag-palégalje’d gə́ yeḛ naji dɔ kəi’g tar lé.

Jujé 2:7

Dəwje neelé tuba goo dee gə rəw gə́ aw gə́ baa gə́ Jurdɛ̰ loo gə́ mán ur keneŋ el tɔɓəi loo gə́ deḛ teḛ raga ndá d’udu tarəwkɔg lé goo dee’g tɔ.

Loo gə́ killa rea kəm Ja̰’g 21:25

D’a kudu tarəwje neelé el mbata loo gə́ ndul ɗigi godo keneŋ.

1 Samel 19:14

Loo gə́ Sawul ula njékulaje mba kar dee d’wa Dabid ndá Mikal ula dee pana: Rea tée.