Jujé 2:18 - Maktub gə́ To gə Kəmee

¹⁸ ndɔ gə́ j’a gə kandə mee ɓee’g neelé ndá maji kari tɔ kúla gə́ kas njir-njir kəmbolè-loo gə́ i ar sí n’risi j’ur naŋg keneŋ lé ləm, maji kari ar bɔbije, gə kɔinje, gə ŋgakɔḭje, gə njémeekəije lə bɔbije lai ree d’isi səi na̰’d mee kəi’g ləi ləm tɔ.

Jujé 2:18 ပူးပေါင်းရင်းမြစ်များ

Gḭ-Néje 12:2

M’a kari tel to ginkoji dəwje gə́ boo yaa̰ ləm, m’a tɔr ndum dɔi’g ləm tɔ. M’a kar rii ɓar ləm, i a tel to gin dɔkaisəgərə ləm tɔ.

Gḭ-Néje 7:1

Njesigənea̰ ula Noe pana: I gə njémeekəije ləi lai, a̰dje mee kəi-kag’d. Mbata m’ooi gə́ njemeekarabasur nɔm’g mbuna njé gə́ d’isi dɔ naŋg nee ɓasinè lé.

Este 8:6

Mbata m’a si koo nékəmndoo gə́ a teḛ dɔ dəwje’g ləm bèe to gə́ ban wa. Esé m’a koo ginkoji ləm gə́ a gə tuji lé bèe ya to gə́ ban wa.

Teḛ-Raga 12:13

Məs lé ɓa a to nétɔji dɔ kəije gə́ seḭ síje keneŋ, n’a koo məs neelé ndá n’a dəs dɔ sí’g tar tɔɓəi loo gə́ n’a kila tuji dɔ ɓee gə́ Ejiptə’g ndá tuji-boo neelé a tuji sí el.

Pa gə́ ur dɔ paje 4:3

Ndar tai lé Asəna gə kúla gə́ kas nja̰ bèe ləm, Tapai lel yaa̰ ləm tɔ. Kwojii to asəna gə dəb kuri-dḭ bèe Mee kubu gə́ ila dɔi’g lé.

Ləbije 14:4

njekinjanéməs lé a kun ndia mba kar dee ree gə yelje joo gə́ d’aw kəmba ləm, d’àr ŋgad-ŋgad ləm tɔ, gə barkəm kag-sɛdrə, gə kúla gə́ kas njir-njir, gə gərgənd to mbata lə yeḛ gə́ kəm kɔr won rɔko̰ rəa’g lé.

Bula lə Israɛlje 19:6

Njekinjanéməs lé a kun kag-sɛdrə ləm, gə barkəm gərgənd ləma, gə kubu gə́ kas njir-njir ləm tɔ ndá yeḛ a kɔm dee dan pər’d gə́ deḛ roo ne maŋg lé.

Bula lə Israɛlje 4:8

d’a lab kubu gə́ kas njir-njir dɔ néje’g neelé ndá d’a ndèm gə nékɔn dəa gə́ ra gə ndar da gə́ ɓaree dopḭ lé, tɔɓəi d’a tula kunda kagje gə́ ka̰ kodo ne tabul neelé keneŋ.

Lugu 19:9

Jeju tel ilá keneŋ pana: Ɓogənè ya kaji uru mee kəi’g nee mbata yeḛ neelé to gə́ ŋgoka Abrakam ya tɔ.

Néra Njékaḭkulaje 10:27

Yeḛ ɔr səa sor andə aw səa mee kəi’g ndá iŋga dəwje bula gə́ d’wa dɔ na̰ keneŋ.

Néra Njékaḭkulaje 10:33

Léegəneeya ma m’ula-kula m’ɓari ndá i ra maji ɔd ree tɔ. Ɓasinè lé jeḛ lai j’isi no̰ Ala’g gə mba koo né gə́ Mbaidɔmbaije un ndia ari gə mba kari ula sí lé ŋga.

Néra Njékaḭkulaje 11:14

Yeḛ nja ɓa a kulá néje lai gə́ yeḛ a kaji ne, gə njémeekəije ləi na̰’d tɔ.

2 Timote 1:16

Maji kar Mbaidɔmbaije ra meemaji gə Onesipɔrə gə njénojije ləa mbata yeḛ nja ɓa gɔl məəm gɔl bula ləm, yeḛ ra kəmkul dɔ kúla lar gə́ deḛ tɔm ne el ləm tɔ.

Ǝbrəje 9:19

Moyis lé loo gə yeḛ ɔr godnduje neelé gə ria-ria no̰ koso-dəwje’g ndá yeḛ taa məs ŋgan maŋgje ləm, gə bàl bya̰je ləma, gə mán ləm tɔ. Məs ŋgan maŋgje gə bàl bya̰je lé d’orè gə mán ləm, gə bḭ badə gə́ kas ləma, gə gərgənd ləm tɔ ndá yeḛ saga məs gə mán neelé dɔ maktub’g ləm, gə dɔ dəwje’g lai ləm tɔ pana:

Jujé 2:21

Yeḛ tel ila dee keneŋ pana: Maji karee to gə goo taree gə́ seḭ paje lé ya. Ndá yeḛ ya̰ dee ar dee d’ɔd d’aw. Tɔɓəi yeḛ tɔ kúla gə́ kas njir-njir lé kəmbolè’g lé tɔ.

Jujé 6:23

Basaje gə́ njétənlooje lé d’andə kəi lə Rahab ndá, deḛ teḛ səa gə bɔbeeje, gə kea̰je, gə ŋgakea̰je, gə deḛ lai gə́ to kea̰je, deḛ teḛ gə njénojije ləa lai d’aw sə dee d’ar dee d’isi gir loo-si Israɛlje’g.

Jujé 6:25

Rahab gə́ to kaiya-dené lé ləm, gə njémeekəije lə bɔbeeje, gə deḛ lai gə́ to kea̰je ləm tɔ lé Juje ya̰ dee kəmba, yeḛ si kəmba mbuna Israɛlje’g, un kudee mee ndəa gən saar teḛ ɓogənè, mbata yeḛ iya njétənlooje gə́ Juje ula dee mba kar dee tən loo mee ɓee gə́ Jeriko lé tɔ.