Jujé 2:14 - Maktub gə́ To gə Kəmee

¹⁴ Dəwje neelé d’ilá keneŋ pana: Ɓó lé i un dɔ sí el ndá kisi kəmba lə síjeḛ lé a to gin kisi kəmba ləi ya, bèe ɓa loo gə́ Njesigənea̰ a kar sí ɓee neelé ndá jeḛ kara j’a ra səi meemaji gə ŋgonkoji ya tɔ.

Jujé 2:14 ပူးပေါင်းရင်းမြစ်များ

Gḭ-Néje 24:49

Ɓasinè ɓó lé seḭ ndigije raje meemaji gə ɓémje kwaje ne səa noji ndá ulamje təsərə ya. Ɓó lé bèe el tɔ ndá ulamje təsərə amje m’oo ɓa m’a kaw par gə́ dɔkɔl əsé gə́ dɔgel ɓəi.

Gḭ-Néje 47:29

Loo gə́ ndɔ kwəi lə Israɛl nai dəb ndá yeḛ ɓar ŋgonee gə́ Jisəb ulá pana: Ɓó lé ma m’taa kəmi rəgm ndá ma m’ra ndòo rɔi’g mba kari ula jii gel biŋgim’g un ne ndui mba ra səm némeemaji ləm, gə ŋgonkoji ləm tɔ. Ma m’ra ndòo rɔi’g mba kari dubum mee ɓee gə́ Ejiptə neelé el!

2 Samel 2:5

Ndá Dabid ula njékaḭkulaje rɔ koso-dəwje gə́ Jabɛs gə́ Galaad mba kar dee d’ula dee pana: Maji kar dɔkaisəgərə lə Njesigənea̰ nai sə sí mbata seḭ raje meemaji gə Sawul gə́ to mbai lə sí dubeeje ne.

2 Samel 2:6

Bèe ndá ɓasinè maji kar Njesigənea̰ ra sə sí meemaji gə goo meenda londoŋ ləa. Ma kara m’a ra sə sí maji to gə́ seḭ raje lé ya tɔ.

2 Samel 9:1

Dabid pana: See dəw kára mbuna njémeekəije’g lə Sawul nai gə mba kam m’ra səa meemaji mbata lə Jonatan ya el wa.

1 Mbaije 20:39

Loo gə́ mbai lé dəs ndá yeḛ ra né wəl aree pana: Kura ləi aar dan rɔ’g dana bab, ndá aa oo, dəw kára wa ɓər kára ree səa rɔm’g pa ne pana: Gə́ ŋgəm dəw neelé, ɓó lé kəmə ləa godo ndá i kara kəmə ləi a godo tɔ, əsé a kuga gə larnda tɔl-dɔg-loo-munda (3.000) tɔ.

Gosota-Kəmkàrje 14:22

Deḛ gə́ la̰ji tor néra gə́ majel meḛ dee’g lé See ndəm ne el wa. Nɛ deḛ gə́ la̰ji tor néra gə́ maji meḛ dee’g lé Ra né gə meemaji gə ŋgonkoji tɔ.

Gosota-Kəmkàrje 18:24

Dəw gə́ baokuraje ləa bula lé Tel to némeeko̰ ləa, Nɛ baokura gə́ ɔm səi na̰’d sad lé Unda ŋgokɔḭ tɔ.

Matiyo 5:7

Deḛ gə́ d’oo kəmtondoo lə mar deeje lé rɔ dee lel dee, Mbata d’a koo kəmtondoo lə dee-deḛ tɔ.

Néra Njékaḭkulaje 23:22

Ɓad ɓa kar ɓé-njérɔje ar basa lé ɔd aw ɓəi ndá yeḛ ndəjee bər-bər mba karee ula dəw kára kara ta neelé el.

Jujé 2:13

Tɔjimje né kára mba kamje m’gər to gə́ seḭ a raje bèe ya ɓa. Seḭ a kya̰je bɔmje, gə kɔmje, gə ŋgakɔmje gə́ diŋgam gə njé gə́ dené, gə deḛ lai gə́ to gə́ ka̰ dee-deḛ kəmba ɓó kar sí j’wəi el ɓa.

Jujé 2:15

Yen ŋga, yeḛ ila kúla kəmbolè’g aree oso raga ar dee risi d’ur ne naŋg mbata yeḛ rɔd kəi ləa ta ndògo-bɔrɔ gə́ gugu dɔ ɓee neelé sub.

Jujé 6:17

Ɓee-boo neelé gə néje lai gə́ to keneŋ lé seḭ a tuji deeje pugudu-pugudu gə goo ndukun lə Njesigənea̰. Nɛ Rahab gə́ to kaiya-dené gə deḛ lai gə́ d’isi səa mee kəi’g na̰’d lé seḭ a kya̰ deeje kəmba mbata yeḛ iya njétənlooje gə́ jeḛ j’ula dee lé tɔ.

Jujé 6:22

Juje ula njétənlooje gə́ joo gə́ d’aw tən loo mee ɓee’g neelé kédé lé pana: Awje mee kəi’g lə kaiya-dené lé, aw teḛje səa-yeḛ gə deḛ lai gə́ to kea̰je, to gə́ seḭ manje ne rɔ sí areeje lé tɔ.

Jujé 6:25

Rahab gə́ to kaiya-dené lé ləm, gə njémeekəije lə bɔbeeje, gə deḛ lai gə́ to kea̰je ləm tɔ lé Juje ya̰ dee kəmba, yeḛ si kəmba mbuna Israɛlje’g, un kudee mee ndəa gən saar teḛ ɓogənè, mbata yeḛ iya njétənlooje gə́ Juje ula dee mba kar dee tən loo mee ɓee gə́ Jeriko lé tɔ.

1 Samel 20:8

Bèe ndá maji kari tɔji kura ləi meemaji ləi ɓa mbata kédé jeḛ səi lé jeḛ manje rɔ sí j’ar na̰ no̰ Njesigənea̰’g. Ɓó lé néra gə́ gə goo rəbee el to rɔm’g ndá maji kari-i nja tɔlm ŋga mən, mba ɗi tɔɓəi ɓa a kaw ne səm saar rɔ bɔbije’g tɔɓəi wa.