Jujé 2:12 - Maktub gə́ To gə Kəmee

¹² Ɓasinè lé ma m’ra ndòo rɔ sí’g, maji kar sí manje rɔ sí gə ri Njesigənea̰ amje mba ra gə njémeekəije lə bɔm meemaji to gə́ ma kara m’ra ne sə sí bèe ya tɔ.

Jujé 2:12 ပူးပေါင်းရင်းမြစ်များ

Gḭ-Néje 21:23

Ɓasinè, maji kari un ndui gə ri Ala gə mba kər kəm el ləm, gə kəm ŋganəmje el ləma, gə kəm ŋgakamje el ləm tɔ, gə mba kar meemaji gə́ ma m’ra səi lé i kara a ra səm bèe ləm, a ra bèe gə dɔ naŋg gə́ i si keneŋ nee ya ləm tɔ.

Gḭ-Néje 24:3

ndá m’a kari un ndui gə ri Njesigənea̰, Ala gə́ dara ləm, gə Ala gə́ naŋg neelé ləm tɔ, gə mba kari taa dené mbuna ŋganje gə́ dené lə Kana̰je gə́ m’isi mbuna dee’g neelé ar ŋgonəm el.

Gḭ-Néje 24:9

Kura neelé ila jia gin bḭgi Abrakam’g, yeḛ gə́ to ɓéeje ndá yeḛ un ndia aree gə mba ra néje neelé ya.

Gḭ-Néje 40:14

Nɛ loo gə́ i a si dan rɔlel’g ndá maji kari ar məəi olé dɔm’g ləm, ra səm meemaji ləm tɔ ar Parao̰ oo ta ləm ɓó gə mba kam m’teḛ ne kəi neelé gə́ raga.

2 Sôrta Gḭka Israɛlje 36:13

Yeḛ ḭ gə mbai Nebukadnesar gə́ aree man rəa gə ri Ala ɔsee rəw ləm, yeḛ tel to njegwɔbkelkwɔi gə njemeendər ɓó yeḛ ɔs tel gə́ rɔ Njesigənea̰ Ala’g lə Israɛlje lé el ləm tɔ.

Este 8:6

Mbata m’a si koo nékəmndoo gə́ a teḛ dɔ dəwje’g ləm bèe to gə́ ban wa. Esé m’a koo ginkoji ləm gə́ a gə tuji lé bèe ya to gə́ ban wa.

Teḛ-Raga 12:13

Məs lé ɓa a to nétɔji dɔ kəije gə́ seḭ síje keneŋ, n’a koo məs neelé ndá n’a dəs dɔ sí’g tar tɔɓəi loo gə́ n’a kila tuji dɔ ɓee gə́ Ejiptə’g ndá tuji-boo neelé a tuji sí el.

Jeremi 12:16

Ɓó lé deḛ ndoo panjaa koso-dəwje lə neḛ ləm, ɓó lé deḛ manrɔ dee gə ri neḛ pa ne pana: Njesigənea̰ to Njesikəmba to gə́ deḛ ndoo koso-dəwje lə neḛ d’ar dee manrɔ dee gə ri Baal ləm tɔ lé ndá d’a si dan rɔlel’g mbuna koso-dəwje’g lə neḛ ya.

Mark 14:44

Yeḛ gə́ njekun dəa lé tɔji dee nda né gə́ d’a gə gəree ne ula dee pana: Yeḛ gə́ m’a gə kil ɓɔlee njɔd-njɔd ndá to yeḛ nja kən-ə, ubáje wáje kègègè awje səa né lə sí.

Njé gə́ Rɔmə 1:31

Ŋgonkoji to rɔ dee’g nda̰ bèe el ləm, d’unda na̰ dan kəm na̰’d el ləma, d’oo kəmtondoo lə mar deeje el ləm tɔ.

1 Timote 5:8

Ɓó lé nana ɓa tɔs kəmee dɔ njénojije’g ləa gə dɔ njékojeeje’g el ndá debee neelé uba meekun ləa ya̰ mba̰ ləm, yeḛ neelé majel ur dɔ dəw gə́ njetar-Ala’g gə́ tar ɓəi ləm tɔ.

Maktub gə́ Jak ula ne ar ngan-Allaje 2:13

Yeḛ gə́ meekɔrjol ləa godo ndá loo-gaŋg-rəwta lé meekɔrjol ləa a godo keneŋ tɔ. Nɛ meekɔrjol lé rəwta-gaŋg a kudu ne tɔ.

Jujé 2:13

Tɔjimje né kára mba kamje m’gər to gə́ seḭ a raje bèe ya ɓa. Seḭ a kya̰je bɔmje, gə kɔmje, gə ŋgakɔmje gə́ diŋgam gə njé gə́ dené, gə deḛ lai gə́ to gə́ ka̰ dee-deḛ kəmba ɓó kar sí j’wəi el ɓa.

Jujé 2:18

ndɔ gə́ j’a gə kandə mee ɓee’g neelé ndá maji kari tɔ kúla gə́ kas njir-njir kəmbolè-loo gə́ i ar sí n’risi j’ur naŋg keneŋ lé ləm, maji kari ar bɔbije, gə kɔinje, gə ŋgakɔḭje, gə njémeekəije lə bɔbije lai ree d’isi səi na̰’d mee kəi’g ləi ləm tɔ.

Jujé 2:19

Ɓó lé dəw kára dan dee’g a kunda loo mee kəi’g ləi teḛ raga ndá ta məsee a kwa dəa-yeḛ ya ɓó a kwa dɔ síjeḛ el, nɛ ɓó lé dəw ula jia ɔrɔ ne rɔ dəw gə́ rara ɓa mbuna deḛ gə́ d’isi səi mee kəi’g ləi ndá ta məs debee neelé a nai dɔ síjeḛ’g ya tɔ.

Jujé 6:22

Juje ula njétənlooje gə́ joo gə́ d’aw tən loo mee ɓee’g neelé kédé lé pana: Awje mee kəi’g lə kaiya-dené lé, aw teḛje səa-yeḛ gə deḛ lai gə́ to kea̰je, to gə́ seḭ manje ne rɔ sí areeje lé tɔ.

Jujé 9:15

Juje wa dee gə́ rəa’g ləm, ɔm sə dee na̰’d mba kya̰ dee kar dee d’isi kəmba ləma, njékaa dɔ koso-dəwje kara manrɔ dee d’ar dee ləm tɔ.

Njéga̰g-Rəwtaje 1:24

Njétənlooje lé d’oo dəw kára gə́ ḭ ɓee-boo’g teḛ gə́ raga ndá deḛ dəjee pana: Tɔji sí tarəw gə́ j’askəm kandə ne mee ɓee-boo’g neelé ndá j’a ra səi meemaji.

1 Samel 30:15

Dabid dəjee pana: See i a kɔr nɔm teḛ səm rɔ kudu-njérɔje’g nee wa. Ndá yeḛ ilá’g pana: Ubu rɔi gə ri Ala ləi am to gə́ i a tɔlm el ləm, a kilam ji ɓémje’g el ləm tɔ ndá m’a kari teḛ rɔ kudu-njérɔje’g nee ya.