Jujé 2:10 - Maktub gə́ To gə Kəmee

¹⁰ Mbata jeḛ j’oo ta né gə́ Njesigənea̰ ra ar baa-boo-kad gə́ ria lə Baa-Kas lé yi no̰ sí’g tə, loo gə́ seḭ undaje loo mee ɓee gə́ Ejiptə teḛje ləm, j’oo sor né gə́ seḭ raje gə Siho̰ gə Ɔg deḛ joo gə́ to mbaije lə Amɔrje, kel tura-baa gə́ Jurdɛ̰ nu, loo gə́ seḭ tuji deeje ne pugudu lé ləm tɔ.

Jujé 2:10 ပူးပေါင်းရင်းမြစ်များ

Pakɔsje 74:15

I ar kəm-rəw-manje gə ŋgira-manje tuba tir-tir ləm, Man baaje gə́ d’yi kédé gə́ ləw el lé I ar dee tudu kurum-kurum ləm tɔ.

Bula lə Israɛlje 20:14

Loo gə́ d’isi Kades lé Moyis ula njékaḭkulaje rɔ mbai gə́ Edɔm mba kar dee d’ulá pana: Aa oo, ta gə́ ŋgakɔḭje gə́ to Israɛlje pa ɓa nee: Némeeko̰je lai gə́ teḛ dɔ sí’g lé i oo gao ya.

Bula lə Israɛlje 23:22

Ala ar dee d’unda loo mee ɓee gə́ Ejiptə teḛ ləm, Yeḛ nja siŋgá to to gə́ dadɔg bèe mbata lə dee ləm tɔ.

Bula lə Israɛlje 24:8

Ala ar dee d’unda loo mee ɓee gə́ Ejiptə teḛ ləm, Yeḛ nja siŋgá to asəna gə ka̰ dadɔg bèe mbata lə dee ləm tɔ. Deḛ ti ginkoji dəwje gə́ d’ḭ sə dee lé mbidi-mbidi ləm, Deḛ gaŋg siŋga dee dana ɗuguru-ɗuguru ləma, Deḛ rɔ dee gə ɓandaŋgje lə dee ləm tɔ.

Tel tura Godndu 2:30

Nɛ Siho̰, mbai gə́ Esbon lé ndigi kya̰ loo kar sí n’dəsje mee ɓee’g ləa lé el, mbata Ala lə sí gə́ Njesigənea̰ ar ndilee ndəb yèr el ləm, ar mée ndər ləm tɔ gə mba kɔm dee ne ji sí’g to gə́ seḭ ooje ne ɓogənè bèe lé tɔ.

Jujé 24:12

M’ula kṵdarasje no̰ sí’g, m’ar dee tuba deḛ gə́ to mbaije lə Amɔrje gə́ joo lé, ɓó to kiambas lə sí-seḭ el ləm, to ɓandaŋg lə sí-seḭ ɓa seḭ tuba deeje ne el tɔ.

Jujé 4:24

mba kar dəwje lai dɔ naŋg nee d’a gər ne to gə́ ji Njesigənea̰ lé ŋgəŋ ŋgəŋ-ŋgəŋ ləm, gə mba kar sí ɓəlje ne Njesigənea̰, Ala lə sí saar gə no̰ ləm tɔ.

Jujé 5:1

Mbaije lə Amɔrje lai gə́ d’isi par gə́ dɔ-gó lə baa gə́ Jurdɛ̰ ləm, gə mbaije lə njé gə́ Kana̰ lai gə́ d’isi ta baa-boo-kad’g ləm tɔ lé, loo gə́ d’oo to gə́ Njesigənea̰ ar baa gə́ Jurdɛ̰ kai rəa dana no̰ Israɛlje’g saar ar sí n’dəsje loo gə́ tudu kurum-kurum’g ndá meḛ dee ila kas bilim ləm, ndil dee teḛ rɔ dee’g ləm tɔ gə mbata lə Israɛlje lé ya.

Jujé 9:10

gə né gə́ yeḛ ra gə mbaije lə Amɔrje gə́ joo gə́ d’isi kel tura-baa gə́ Jurdɛ̰ gə́ nu gə́ ri dee lə Sihon, mbai gə́ Esbon, gə Ɔg, mbai gə́ Basan, gə́ si Astarot ləm tɔ.