Jujé 2:1 - Maktub gə́ To gə Kəmee

¹ Juje gə́ to ŋgolə Nun lé, loo gə́ naḭ ne mee ɓee gə́ Sitim ɓəi ndá, yeḛ ula njétənlooje joo gə goo ŋgəḭ pana: Awje aw tənje loo mee ɓee’g ooje, nɛ oreeje kəm sí ndəŋ dɔ ɓee-boo gə́ Jeriko ya. Deḛ d’ɔd d’aw ndá teḛ kəi lə kaiya-dené gə́ ria lə Rahab, tɔɓəi deḛ to keneŋ tɔ.

Jujé 2:1 ပူးပေါင်းရင်းမြစ်များ

Gḭ-Néje 42:16

Ɔrje dəw kára mbuna sí’g mba karee aw ree gə ŋgoko̰ sí ndá seḭ ɓa a naije daŋgai’g. Yee ɓa m’a naa ne tapa sí mba gər see tapa sí to ta gə́ tɔgərɔ wa. Ɓó lé bèe el ndá gə goo kisi kəmba lə Parao̰ lé seḭ toje njétə̰lookooje ya.

Gḭ-Néje 42:9

Jisəb lé mée olé dɔ nije gə́ yeḛ ni dɔ dee’g ndá yeḛ ula dee pana: Seḭ toje njétənlookooje ɓa. Seḭ reeje mba koo dəb looje gə́ mee ɓeeko̰’g neelé gə́ siŋga deḛ godo ɓa mba tel kaw kula deeje ɓəi, yee ɓa seḭ reeje ne gə mbəa.

Misee 6:5

Ǝi seḭ dəwje ləm, arje meḛ sí olé dɔ né gə́ Balak, Mbai gə́ Moab wɔji gə mba ra ləm, Gə ta gə́ Balaam, ŋgolə Beɔr ilá keneŋ ləm tɔ. Arje meḛ sí olé dɔ né gə́ teḛ dɔ sí’g Un kudee ɓee gə́ Sitim saar teḛ ne Gilgal Gə mba kar sí gərje ne némajije gə́ Njesigənea̰ ra lé.

Bula lə Israɛlje 13:1

Njesigənea̰ ula Moyis pana:

Bula lə Israɛlje 13:2

Ula dəwje mba kar dee d’aw tən loo mee ɓee gə́ Kana̰ gə́ ma m’ar Israɛlje lé. I a kɔr dəw kára mee ginkoji’g lə bɔ deeje kára kára gə mba kula dee, deḛ lai d’a to dəw dɔ mar deeje mbuna dee’g.

Bula lə Israɛlje 25:1

Israɛlje d’isi Sitim, koso-dəwje d’un kudu tusu rɔ dee kya̰ ji mɔdkaiya’g gə denéje gə́ Moab.

Bula lə Israɛlje 33:49

Deḛ d’isi mbɔr baa gə́ Jurdɛ̰ un kudee Bet-Jesimot saar Abel-Sitim, mee ndag-loo gə́ Moab.

Matiyo 1:5

Salmo̰ to bɔ Boaj gə́ yeḛ ojee gə Rahab, Boaj to bɔ Obed gə́ yeḛ ojee gə Rudu,

Matiyo 10:16

Aa ooje, m’ula sí asəna gə badje bèe mbuna jagmjərje’g. Bèe ndá awje yururu asəna gə lije bèe ləm, awje lɔm to gə́ dərndaje bèe ləm tɔ.

Njé gə́ Epesə 5:5

Maji kar sí gərje gao, dəw gə́ rara gə́ to njemɔdkaiya ləm, əsé njekəmnda ləma, əsé njekwəi-yoo-lar gə́ oo lar asəna gə magəpole ləm tɔ lé deḛje neelé d’askəm kila gɔl dee ɓeeko̰’g lə Kristi gə Ala el.

Ǝbrəje 11:31

Meekun lé ɓa Rahab gə́ to kaiya-dené tuji ne na̰’d gə njékaltaje el, mbata yeḛ ra njéŋgəmlooje mbá bur-bur.

Maktub gə́ Jak ula ne ar ngan-Allaje 2:25

Rahab, kaiya-dené lé kara loo gə́ yeḛ wa njékaḭkulaje gə́ rəa’g ar dee taa rəw gə́ raŋg lé see nérea neelé ɓa deḛ d’ée ne gə́ dəw gə́ njemeekarabasur tɔ el wa.

Jujé 1:18

Dəw gə́ rara gə́ a kal ta ta godndui’g əsé a mbad ra né gə́ rara gə́ i a kun ndui dɔ’g karee ra lé ndá debee neelé d’a tɔlee gə́ tɔl ya. Nɛ i lé a kwa rɔi kɔgərɔ ləm, gə a kwa diŋgam məəi’g ləm tɔ.

Jujé 2:2

D’aḭ d’aw d’ula mbai gə́ Jeriko taree pana: Aa oo, mee til’g neelé dəwje gə́ to Israɛlje ree loo gə́ nee’g gə mba tən loo mee ɓee’g nee koo.

Jujé 21:31

gə Helkat gə looje gə́ gugu dəa sub ləma, gə Reob gə looje gə́ gugu dəa sub ləm tɔ, d’as ɓee-booje sɔ,

Jujé 3:1

Juje ḭta gə ndɔ rad ar Israɛlje lai d’ḭ səa na̰’d ɓee gə́ Sitim d’ɔd d’aw ndá deḛ teḛ ta baa’d gə́ Jurdɛ̰, lée’g neelé deḛ to naŋg keneŋ loondul’g ɓa gə mba bèlè gaŋg baa lé ɓəi.

Jujé 5:10

Israɛlje d’isi Gilgal ndá, ndɔ dɔg-giree-sɔ mee naḭ’g neelé loo gə́ kàr a gə kur naŋg ndá deḛ ra naḭ Pag mee ndag-loo gə́ Jeriko tɔ.

Njéga̰g-Rəwtaje 1:23

Ŋgaka Jisəb lé d’ula njétənlooje Betel d’ar dee d’aw tən loo d’oo. Betel lé kédé ria lə Luj.

Njéga̰g-Rəwtaje 18:14

Yen ŋga dəwje mi gə́ d’aw gə mba tən ɓee gə́ Layis koo lé d’un ta dəji ŋgako̰ deeje pana: See seḭ gərje to gə́ mee kəije’g neelé loo-kwa-Ala-mee’g to keneŋ ləm, néndaji magəje to keneŋ ləma, néndaji gə́ tɔl gə́ tɔl gə yeḛ gə́ léḛ gə́ léḛ to keneŋ ləm tɔ wa. Ɓasinè maji kar sí ooje né gə́ kəm ra ɓa.

Njéga̰g-Rəwtaje 18:17

Dəwje mi gə́ d’aw gə mba tən ɓee koo kédé lé d’andə mee kəi’g d’odo néndaji gə́ tɔl gə́ tɔl ləm, gə loo-kwa-Ala-mee’g ləm, gə néndaji magəje ləma, gə néndaji gə́ léḛ gə́ léḛ ləm tɔ, nɛ njekinjanéməs lé aar tarəwkəi’g na̰’d gə dəwje tɔl-misa̰ (600) gə́ d’wa nérɔje lə dee ji dee’g lé tɔ.

Njéga̰g-Rəwtaje 18:2

Danje lé d’ɔr dəwje mi gə́ to bao-rɔje mbuna gel-bɔje’g lə deḛ lai gə́ d’ḭ Sorea gə Estaol d’ar dee d’aw tən ɓee lé gə mba koo. Tɔɓəi d’ula dee pana: Awje tenje ɓee lé ooje. Deḛ d’aw saar teḛ dɔ mbal’d gə́ Eprayim njal teḛ kəi lə Mika ndá dee to keneŋ.