Jujé 18:8 - Maktub gə́ To gə Kəmee

⁸ Loo gə́ dəwje neelé d’a gə kḭ kaw gə mba ndaŋg ta néje gə́ wɔji dɔ ɓee neelé ndá Juje un ndia ar dee pana: Awje, njaaje gə loo-loo mee ɓee’g, tɔɓəi ndaŋgje maktub gə́ wɔji dəa ɓa telje reeje ne rɔm’g nee ɓəi, bèe ɓa m’a ra nékwɔji lé gə́ to asəna gə téḛ bèe mbata lə sí no̰ Njesigənea̰’g mee ɓee gə́ Silo tɔ.

Jujé 18:8 ပူးပေါင်းရင်းမြစ်များ

Gḭ-Néje 13:17

Uba naŋg ḭta, njaa mee ɓee’g neelé gə looje lai-lai, ŋgalee ləm, gə tadee ləm tɔ mbata m’a gə kari gə́ kaḭ ya.

Esai 34:17

Yeḛ ra nékwɔji-loo kaiyee mbata lə dee Ndá jia-yeḛ nja ɓa a kai dee dɔ naŋg neelé gə kúla, D’a taa gə́ né ka̰ dee-deḛ saar gə no̰ ləm, D’a si keneŋ gə ləb dee ləb dee gə no̰ ləm tɔ.

Njé gə́ Rɔmə 14:19

Yen ŋga ar sí n’saŋgje loo gə mba kɔm na̰’d ləm, gə mba kar rɔ sí ɔs na̰’d ləm tɔ.

Jujé 13:7

Ɓasinè i a kai ɓee neelé dana kar ginkojije gə́ jinaikara ləm, gə ges ginkoji lə Manasə gə́ nénduba lə dee ləm tɔ.

Jujé 15:1

Dɔ naŋg gə́ ginkoji Judaje d’iŋga gə goo nékwɔji lée ləm gə goo gel-bɔje lə dee lə dee ləm tɔ lé aw par gə́ rəw-nim-ɓee gə́ Edɔm saar teḛ ne dɔdilaloo gə́ Sin gə́ to dɔkɔl, gə́ to ŋgaŋ loo gə́ dɔkɔl tɔ.

Jujé 18:1

Koso-dəwje gə́ Israɛl lai mbo̰ dɔ na̰ Silo ndá la kəi-kubu-kiŋga-na̰ keneŋ. Deḛ dum dɔ dəwje gə́ mee ɓee’g neelé.

Jujé 18:10

Juje ra nékwɔji lé gə́ to asəna gə téḛ bèe lé mbata lə dee no̰ Njesigənea̰’g mee ɓee’d gə́ Silo ndá yeḛ kai Israɛlje ɓee neelé ar nana kara iŋga dəb loo gə́ wɔji dəa-dəa ya.

Jujé 18:6

Seḭ lé seḭ a ndaŋgje maktub gə́ wɔji dɔ kai ɓee neelé loo siri ndá seḭ a reeje ne rɔm’g nee ya. M’a ra nékwɔji lé gə́ to asəna gə téḛ bèe mbata lə sí no̰ Njesigənea̰, Ala’g lə sí.

Jujé 18:9

Dəwje neelé d’ɔd d’aw gə loo-loo mee ɓee’g ndá deḛ ndaŋg ta gə́ wɔji dɔ kai ɓee loo siri gə goo ɓee-booje, ndaŋg taree mee maktub’g ya, ndá deḛ tel ree ne rɔ Juje’g loo-si dee’g Silo tɔ.

1 Samel 14:41

Sawul ula Njesigənea̰ ta pana: Ala lə Israɛlje! Gə́ ula sí ta gə́ tɔgərɔ ya ar sí j’ooje. Taree lé oso dɔ Jonatan’g gə Sawul’g ɓa, nɛ ta wa dɔ njérɔje lé el.