Jujé 18:7 - Maktub gə́ To gə Kəmee

⁷ Nɛ Ləbije d’a kiŋga dɔ naŋg gə́ né ka̰ dee-deḛ mbuna sí’g el mbata kula gə́ wɔji dɔ kinja néməs kar Njesigənea̰ ɓa to gə́ né ka̰ dee-deḛ ya. Gadje, gə Rubḛje, gə ges ginkoji Manasə ndá, d’iŋga dɔ naŋg gə́ né ka̰ dee gə́ Moyis, kura lə Njesigənea̰ ar dee kel tura-baa gə́ nu par gə́ bər mba̰.

Jujé 18:7 ပူးပေါင်းရင်းမြစ်များ

Bula lə Israɛlje 18:20

Njesigənea̰ ula Aaro̰ pana: I a kiŋga né kaḭ kára kara mee ɓee’g lə dee el ləm, i a kiŋga loo gə́ wɔji dɔi mbuna dee’g el ləm tɔ, ma nja m’a to né gə́ wɔji dɔi gə né kaḭ mbuna Israɛlje’g.

Bula lə Israɛlje 18:23

Ləbije ɓa d’a ra kula gə́ wɔji dɔ kəi-kubu-kiŋga-na̰ ndá ta néra kori-korije lə dee a kwa dɔ dee-deḛ ya. D’a kiŋga nénduba gə́ wɔji dɔ dee mbuna Israɛlje’g el, yee ɓa a to godndu gə́ a to gə no̰ mbuna ŋgaka síje’d gə́ kédé-kédé ya.

Bula lə Israɛlje 18:7

I seḭ gə ŋganije na̰’d lé a tɔsje kəm sí bao-bao dɔ kula ra sí gə́ wɔji dɔ nékinjaməs ləm, mbata lə néje lai gə́ wɔji dɔ loo-nékinjaməs ləma, gə mbata lə né gə́ to mee kubu-gaŋg-mee-kəi’g ləm tɔ: yee ɓa to kula ra sí gə́ seḭ a raje. Kula gə́ wɔji dɔ nékinjaməs lé to nojimeenda gə́ ma m’wa sə sí. Dəw-dɔ-ɓee gə́ tibi mbɔree ndá d’a tɔlee gə́ tɔl ya.

Tel tura Godndu 10:9

Gelee gə́ nee ɓa ginkoji Ləbije d’iŋga ne né gə́ wɔji dɔ dee gə́ nédɔji lə dee gə ŋgako̰ deeje el, Njesigənea̰ ɓa to gə́ nédɔji lə dee to gə́ Njesigənea̰ Ala lə dee ula dee ne lé tɔ.

Jujé 12:6

Moyis, kura lə Njesigənea̰ lé deḛ gə Israɛlje dum dɔ dee ya, ndá ɓeeje lə dee neelé, Moyis gə́ to kura lə Njesigənea̰ lé wa ar ginkoji Rubḛje, gə Gadje, gə ges ginkoji Manasə gə́ né ka̰ dee-deḛ ya.

Jujé 13:33

Ginkoji lə Ləbi ya gə karee ba ɓa Moyis ar dee dɔ naŋg gə́ né ka̰ dee-deḛ el, Njesigənea̰, Ala lə Israɛlje lé ɓa to nédɔji lə dee to gə́ yeḛ ula dee ne kédé lé tɔ.