Jujé 18:1 - Maktub gə́ To gə Kəmee

¹ Koso-dəwje gə́ Israɛl lai mbo̰ dɔ na̰ Silo ndá la kəi-kubu-kiŋga-na̰ keneŋ. Deḛ dum dɔ dəwje gə́ mee ɓee’g neelé.

Jujé 18:1 ပူးပေါင်းရင်းမြစ်များ

2 Samel 7:6

Mbata un kudee mee ndəa gə́ n’ar Israɛlje d’unda ne loo mee ɓee gə́ Ejiptə teḛ lé neḛ n’isi mee kəi’g el ya saar teḛ ɓogənè, nɛ kəi-kubu gə́ to kəi-si-Ala ɓa neḛ n’ai keneŋ ya.

1 Mbaije 14:2

Ndá Jeroboam ula dené ləa pana: M’ra ndòo rɔi’g, maji kari ḭta tel rɔi ɓəd mba kar dee gəri gə́ dené lə Jeroboam el ndá ɔd aw Silo. Lée gə́ neelé Aija, njetegginta si keneŋ, yeḛ gə́ pata dɔm’g to gə́ m’a gə to mbai lə koso-dəwje neelé.

1 Mbaije 14:4

Dené lə Jeroboam ra togə́bè ya tɔ, yeḛ aw Silo ndá andə mee kəi’g lə Aija. Aija ɓuga yaa̰ ar kəmee oo loo el.

1 Mbaije 2:27

Togə́bè ɓa Salomo̰ ɔr Abiatar loo kulaje’g ləa gə́ wɔji dɔ kinja néməs kar Njesigənea̰ lé gə mba kar ta gə́ Njesigənea̰ pa wɔji ne dɔ njémeekəije lə Eli mee ɓee gə́ Silo lé aw ne lée’g béréré tɔ.

Nehemi 9:24

Bèe ɓa ŋgan deeje d’aw taa ne ɓee lé gə́ ka̰ dee ya. I ar njéɓeeje neelé gə́ to Kana̰je lé D’aw ŋguna-ŋguna no̰ dee’g Ndá i ya̰ dee ji dee’g gə mbaije lə dee ləm, Gə koso-dəwje gə́ mee ɓee’g ləm tɔ Mba kar dee ra sə dee né to gə́ meḛ dee ndigi.

Pakɔsje 78:60

Yeḛ uba ne loo-siée gə́ Silo ya̰, Yee ɓa to kəi-kubu gə́ yeḛ si ne mbuna dəwje’g lé.

Pakɔsje 78:66

Yeḛ kunda njéba̰je ləa gə́ d’aḭ nea̰’g ləm, Yeḛ ar rɔkul-boo gə́ to gə no̰ lé dəb dɔ dee’g ləm tɔ.

Jeremi 26:6

m’a ra gə kəi neelé to gə́ m’ra gə Silo bèe ləm, m’a kar ɓee-boo neelé tel to nékila ndɔl dɔ’g lə ginkoji dəwje gə raŋg lai gə́ dɔ naŋg nee ləm tɔ.

Jeremi 26:9

Gə mba ɗi ɓa i tegginta gə ri Njesigənea̰ pa ne pana: Kəi gə́ nee a to kasəna gə Silo bèe ləm, ɓee-boo gə́ nee a tuji kar dəw godo keneŋ ləm tɔ wa. Koso-dəwje lai ɓugu na̰ dɔ Jeremi’g mee kəi’g lə Njesigənea̰.

Jeremi 41:5

dəwje rɔ-jinaijoo gə́ d’ḭ Sikem, gə Silo, gə Samari ree, deḛ neelé ndisa mbaita dee ləm, kubuje lə dee ŋgisi ləma, deḛ tḭja rɔ dee pədərə-pədərə ləm tɔ. Deḛ ree gə nékarje gə néje gə́ ə̰də sululu mba kaw ne mee kəi’g lə Njesigənea̰.

Bula lə Israɛlje 32:22

lé seḭ a telje el saar kar ɓee neelé tel to ka̰ Njesigənea̰ ləm tɔ ndá ta kára kara a kwa dɔ sí kəm Njesigənea̰’g el ləm, əsé kəm Israɛlje’g el ləm tɔ. Bèe ɓa dɔ naŋg neelé a tel to ka̰ sí-seḭ ya no̰ Njesigənea̰’g ɓəi.

Néra Njékaḭkulaje 7:45

Kəi-kubu neelé bɔ síjeḛ-je d’iŋga d’aw ne saar loo gə́ Juje ɔr no̰ dee ar dee d’aw ne mee ɓeeje’g lə ginkoji dəwje gə raŋg gə́ Ala tuba dee no̰ dee’g ndá kəi-kubu neelé to keneŋ saar teḛ ne mee ndəa’g lə Dabid tɔ.

Jujé 18:2

Ges ginkoji Israɛlje gə́ d’iŋga dɔ naŋg gə́ né ka̰ dee-deḛ el ɓəi lé nai as siri.

Jujé 18:8

Loo gə́ dəwje neelé d’a gə kḭ kaw gə mba ndaŋg ta néje gə́ wɔji dɔ ɓee neelé ndá Juje un ndia ar dee pana: Awje, njaaje gə loo-loo mee ɓee’g, tɔɓəi ndaŋgje maktub gə́ wɔji dəa ɓa telje reeje ne rɔm’g nee ɓəi, bèe ɓa m’a ra nékwɔji lé gə́ to asəna gə téḛ bèe mbata lə sí no̰ Njesigənea̰’g mee ɓee gə́ Silo tɔ.

Jujé 19:51

Deeje neelé ɓa to dɔ naŋgje gə́ Eləajar, njekinjanéməs, gə Juje ŋgolə Nun, gə mbai dɔ gel-bɔje lə ginkoji Israɛlje kai dee gə́ né ka̰ dee-deḛ gə goo nékwɔji lée gə́ to asəna gə téḛ bèe no̰ Njesigənea̰’g loo gə́ Silo, tarəw kəi-kubu-kiŋga-na̰’g lé. Togə́bè ɓa deḛ d’unda ne ŋgaŋ kai na̰ ɓee lé ɓəi tɔ.

Jujé 21:2

Deḛ d’ula dee ta mee ɓee gə́ Silo dɔ naŋg gə́ Kana̰ pana: Njesigənea̰ un ndia gə ndu Moyis mba kar dee d’ar sí ɓee-booje gə mba si keneŋ ləm, gə looje gə́ gugu dɔ dee mbata nékulje lə sí ləm tɔ.

Jujé 22:12

Koso-dəwje gə́ Israɛl lai mbo̰ dɔ na̰ ɓee gə́ Silo mba kḭ kɔr rɔ kaw rɔ sə dee.

Jujé 22:19

Nɛ ɓó lé seḭ ooje dɔ naŋg ka̰ sí gə́ né gə́ mina̰ ndá gə́ reeje mee ɓee gə́ to ka̰ Njesigənea̰’g, loo gə́ kəi-kubu-si-Njesigənea̰ to keneŋ ndá raje ɓee mbuna sí’g ya, nɛ maji kar sí raje loo-nékinjaməs gə́ raŋg gə́ orè dɔ loo-nékinjaməs’g lə Njesigənea̰, Ala lə sí gə mba kḭ ne gə Njesigənea̰ kɔsee ne rəw el ləm, ɔrje rɔ sí rɔ síjeḛ’g el ləm tɔ.

Jujé 22:9

Rubḛje, gə Gadje gə ges ginkoji Manasə lé d’ya̰ Israɛlje Silo, mee ɓee gə́ Kana̰ ndá deḛ tel d’aw mee ɓee gə́ Galaad gə́ to dɔ naŋg lə dee, loo gə́ deḛ ra ɓee keneŋ kédé, to gə́ Njesigənea̰ un ne ndia ar dee gə ndu Moyis lé.

Njéga̰g-Rəwtaje 18:31

Néndaji gə́ tɔl gə́ tɔl gə́ Mika ra lé deḛ d’unda tar mbata lə dee gə ndəaje lai gə́ kəi-Ala to ne mee loo gə́ Silo’g lé tɔ.

Njéga̰g-Rəwtaje 21:12

Mbuna dəwje gə́ Jabɛs dɔ naŋg gə́ Galaad lé d’iŋga ŋgama̰dje tɔl-sɔ (400) gə́ gər ŋgaw el keneŋ ndá deḛ ree sə dee loo-si dee’d gə́ Silo gə́ to mee ɓee’d gə́ Kana̰ lé.

Njéga̰g-Rəwtaje 21:19

Togə́bè deḛ tel pana: Aa ooje, mee ləbje kára-kára lai lé jeḛ n’raje naḭ lə Njesigənea̰ mee ɓee gə́ Silo, gə́ to kel dɔgel lə Betel gə́ to par gə́ bər lə rəw gə́ ḭ Betel aw Sikem ləm, gə dɔkɔl lə Lebona ləm tɔ.

1 Samel 1:24

Loo gə́ yeḛ ɔgee mbà mba̰ ndá yeḛ aw səa gə bɔ maŋgje munda ləm, gə nduji gə́ ndá léréré as nékwɔji kwɔi-lə-né rɔ-munda ləma, gə mán-nduú gə́ mḭ mee ɓɔl-ndar’g kára ləm tɔ. Yeḛ aw səa kəi-si Njesigənea̰’d gə́ to Silo lé. Ŋgon lé nai gɔ ɓəi.

1 Samel 1:3

Gə ləbje kára-kára lai lé dəw neelé ḭ ɓee ləa gə́ Rama lé aw mee ɓee-boo gə́ Silo mba kwa Njesigənea̰ gə́ njeboo-néje mée’g ləm, gə mba kinja nékinjanéməsje karee ləm tɔ. Lée neelé Opni gə Pines, ŋgalə Eli gə́ to njékinjanéməsje lé d’isi keneŋ.