Jujé 17:2 - Maktub gə́ To gə Kəmee

² Ŋgaka Manasə gə́ diŋgam gə́ raŋg kara d’ar dee loo kára gə goo nékwɔji lée gə́ to asəna gə téḛ bèe gə goo gel-bɔje lə dee lə dee, deḛ gə́ to ŋgalə Abiejer ləm, gə ŋgalə Helek ləm, gə ŋgalə Asriel ləm, gə ŋgalə Sikem ləm, gə ŋgalə Eper ləma, gə ŋgalə Semida ləm tɔ: deḛje neelé ɓa to ŋgalə Manasə gə́ diŋgam, yeḛ gə́ to ŋgolə Jisəb, gə goo gel-bɔje lə dee lə dee lé.

Jujé 17:2 ပူးပေါင်းရင်းမြစ်များ

1 Sôrta Gḭka-Israɛlje 7:18

Konanee Hamoléket oji Isɔd, gə Abiejer gə Makla.

Jujé 17:1

Ginkoji Manasə lé iŋga loo kára gə goo nékwɔji lée gə́ to asəna gə téḛ bèe mbata yeḛ to ŋgondər Jisəb. Makir gə́ to ŋgondər Manasə, gə́ to bɔ Galaadje lé iŋga Galaad gə Basan to mbata yeḛ lé to bao-rɔ.

Jujé 17:3

Selopad, gə́ to ŋgolə Eper, gə́ to ŋgolə Galaad, gə́ to ŋgolə Makir, gə́ to ŋgolə Manasə lé ŋganeeje gə́ diŋgam godo, nɛ aa ooje, ri ŋganeeje gə́ dené ɓa nee: Makla, gə Noa, gə Hogla, gə Milka, gə Tirsa.

Njéga̰g-Rəwtaje 6:11

Kura lə Njesigənea̰ gə́ dara ree si gel kag-terebḭtə gə́ Opra gə́ to ka̰ Joas, gə́ to gel bɔ lə Abiejer. Gedeo̰ gə́ to ŋgonee lé aar unda kó loo-kundá’g mba kodo kaḭ ne Madianje.

Njéga̰g-Rəwtaje 8:2

Gedeo̰ ila dee keneŋ pana: See ɗi ɓa m’ra gə́ né gə́ as gə ka̰ sí-seḭ wa. See kwa ɓuru lə Eprayimje maji yaa̰ unda tḭja nduú lə Abiejerje el wa.