Jujé 17:1 - Maktub gə́ To gə Kəmee

¹ Ginkoji Manasə lé iŋga loo kára gə goo nékwɔji lée gə́ to asəna gə téḛ bèe mbata yeḛ to ŋgondər Jisəb. Makir gə́ to ŋgondər Manasə, gə́ to bɔ Galaadje lé iŋga Galaad gə Basan to mbata yeḛ lé to bao-rɔ.

Jujé 17:1 ပူးပေါင်းရင်းမြစ်များ

Gḭ-Néje 41:51

Jisəb unda ri ŋgondəree lə Manasə mbata yeḛ pana: Ala ar məəm wəi dɔ kula meekonje’g ləm lai ləm, gə dɔ kəi lə bɔmje’g lai ləm tɔ.

Gḭ-Néje 41:52

Ŋgon gə́ njekɔm’g joo lé yeḛ unda ria lə Eprayim mbata yeḛ pana: Ala am m’oji ŋganje dɔ naŋg gə́ deḛ ra səm néurti keneŋ.

Gḭ-Néje 46:20

Jisəb oji Manasə gə Eprayim mee ɓee gə́ Ejiptə gə Asnat, ŋgolə Poti-Pera gə́ to njekinjanéməs gə́ Ɔn lé.

Gḭ-Néje 48:17

Loo gə́ Jisəb oo to gə́ bɔbeeje ila jikɔlee dɔ Eprayim’g ndá rəa lelee el. Yeḛ wa ji bɔbeeje gə́ dɔ Eprayim’g mba telee gə́ dɔ Manasə’g.

Gḭ-Néje 48:18

Tɔɓəi Jisəb ula bɔbeeje pana: Togə́bè el, bɔm, mbata yeḛ gə́ neelé to gə́ ŋgondərm. Maji kari ila jikɔli dəa-yeḛ’g ɓa.

Gḭ-Néje 50:23

Jisəb oo ŋgan mee Eprayimje as ŋgakadɔg deeje gə́ gel munda. Ŋgalə Makir gə́ to ŋgolə Manasə kara yeḛ odo dee dɔ biŋgee’g tɔ.

2 Samel 2:9

Yeḛ undá gə́ mbai lə Galaadje ləm, gə Gesurje ləm, gə Jisreelje ləm, gə Eprayimje ləm, gə Bḛjamije ləma, gə dɔ Israɛlje’g lai ləm tɔ.

1 Sôrta Gḭka-Israɛlje 2:23

Gesurje gə Aramje taa ɓee-kogoje lə Jayir ləm, gə Kenat gə ɓee-booje gə́ gugu dəa lé as rɔ-misa̰ ləm tɔ. Deḛ lai neelé to ŋgalə Makir gə́ to bɔ Galaadje lé.

Ejekel 47:13

Mbaidɔmbaije gə́ Njesigənea̰ pa togə́bè pana: Aa ooje, rəw-nimje lə ɓee gə́ seḭ a kaije ginkoji Israɛlje gə́ dɔg-gir-dee-joo gə́ né ka̰ dee lé ɓa nee: Ka̰ Jisəb a to loo joo.

Ejekel 48:4

Ginkoji Manasəje d’a kiŋga dəb loo kára mbɔr rəw-nim’g lə Neptalije un kudee bər saar teḛ dɔ-gó.

Bula lə Israɛlje 26:29

Ŋgalə Manasə: Makir to ka Makirje. Makir oji Galaad. Galaad to ka Galaadje.

Bula lə Israɛlje 27:1

Ŋgalə Selopad gə́ dené, yeḛ gə́ to ŋgolə Eper, gə́ to ŋgolə Galaad, gə́ to ŋgolə Makir, gə́ to ŋgolə Manasə, mbuna njénojije’g lə Manasə, gə́ to ŋgolə Jisəb lé ri dee lə Makla, Noa, Hogla, Milka gə Tirsa,

Bula lə Israɛlje 32:33

Ɓeeko̰ lə Sihon, mbai lə Amɔrje ləm, gə ɓeeko̰ lə Ɔg, mbai lə Basanje ləm tɔ, dɔ naŋg gə ɓee-booje ləa ləm, gə dɔ naŋg gə́ gugu dɔ ɓee-booje lai sub ləm tɔ lé Moyis ar ginkoji Gadje ləm, gə ginkoji Rubḛje ləma, gə ges ginkoji Manasə gə́ to ŋgolə Jisəb ləm tɔ.

Tel tura Godndu 21:17

Nɛ ŋgolə dené gə́ yeḛ ndigee el lé yeḛ a kée gə́ ŋgondəree ya ləm, yee a karee némajije ləa gə́ ur dɔ maree’g as loo joo ləm tɔ, mbata ŋgon neelé to doŋgɔr siŋgamoŋgee ndá né gə́ wɔji dɔ ŋgondər lé to gə́ kea̰ ya.

Jujé 17:2

Ŋgaka Manasə gə́ diŋgam gə́ raŋg kara d’ar dee loo kára gə goo nékwɔji lée gə́ to asəna gə téḛ bèe gə goo gel-bɔje lə dee lə dee, deḛ gə́ to ŋgalə Abiejer ləm, gə ŋgalə Helek ləm, gə ŋgalə Asriel ləm, gə ŋgalə Sikem ləm, gə ŋgalə Eper ləma, gə ŋgalə Semida ləm tɔ: deḛje neelé ɓa to ŋgalə Manasə gə́ diŋgam, yeḛ gə́ to ŋgolə Jisəb, gə goo gel-bɔje lə dee lə dee lé.

Jujé 22:7

Kédé lé Moyis ar ges ginkoji Manasə dɔ naŋg gə́ wɔji dɔ Basan par gə́ bər lə baa gə́ Jurdɛ̰ gə́ né ka̰ dee-deḛ. Tɔɓəi Juje ar ges ginkojije gə́ nai dɔ naŋg lə dee mbɔr ŋgako̰ deeje’g kel tura-baa gə́ Jurdɛ̰ par gə́ dɔ-gó tɔ. Loo gə́ Juje ya̰ dee ar dee tel d’aw gə́ kəi-kubuje’g lə dee ndá yeḛ tɔr ndia dɔ dee’g,

Njéga̰g-Rəwtaje 5:14

Njéɓeeje gə́ Amalek d’ḭ Eprayim ree ləm, Bḛjamije njaa gooi’g mbuna kudu-njérɔje’g ləm, Mbaije d’ḭ Makir ləma, Ɓé-njérɔje d’ḭ Jabulo̰ ree ləm tɔ.