Jujé 15:7 - Maktub gə́ To gə Kəmee

⁷ Tɔɓəi yee aw Dəbir gə́ to gə kuree ɗegəse gə wəl-loo gə́ Akɔr, tɔɓəi aw par gə́ dɔgel gə́ mbɔr Gilgal’d gə́ wɔji dɔ dɔdərloo gə́ Adumim njoroŋ par gə́ dɔkɔl lə baa lé. Yee dəs mbɔr kəm-rəw-manje gə́ En-Semes, aw njal teḛ kəm-rəw-mán gə́ En-Rogel tɔ.

Jujé 15:7 ပူးပေါင်းရင်းမြစ်များ

2 Samel 17:17

Jonatan gə Ahimaas d’isi loo’d gə́ En-Rogel. Ŋgonjelookisi gə́ dené aw ula dee mba kar dee d’aw d’ula mbai Dabid lé taree, mbata deḛ lé d’askəm kar dəwje d’oo dee el ləm, əsé d’askəm kandə mee ɓee-boo’g el ləm tɔ.

1 Mbaije 1:9

Adonija ra naḭ inja ne badje, gə maŋgje, gə bɔ maŋgje gə́ rɔ dee to ndəb-ndəb gə́ nékinjanéməsje mbɔr mbal’d gə́ Johélet gə́ to dəb gə loo gə́ En-Rogel, ndá yeḛ ɓar ŋgakea̰je lai gə́ to ŋgalə mbai ləm, gə dəwje gə́ Juda lai gə́ ra kula lə mbai ləm tɔ.

Esai 65:10

Loo gə́ Saron a to loo-ko̰-mu lə ŋgan nékulje ləm, Wəl-loo gə́ Akɔr a to loo-to maŋgje ləm tɔ Gə mbata lə koso-dəwje ləm gə́ d’a saŋgəm lé.

Ojee 2:5

Ɓó lé bèe el ndá n’a tɔr kubu rəa’g, Kyán kudee dum to gə́ ndɔ kojee’g bèe ləm, N’a karee to asəna gə dɔdilaloo gə́ tudu kurum-kurum bèe ləma, N’a karee wəi yoo-kunda-mán ləm tɔ.

Jujé 10:43

Gée gə́ gogo ndá Juje gə Israɛlje lai tel d’aw loo-si dee’g Gilgal tɔ.

Jujé 15:15

Yeḛ ḭ keneŋ aw rɔ gə dəwje gə́ Dəbir: Dəbir lé kédé ria lə Kirjat-Seper.

Jujé 15:6

Yee aw par gə́ Bet-Ogla, dəs loo gə́ dɔgel lə Bet-Araba, ḭ keneŋ aw njal teḛkɔr mbal’g lə Bohan, ŋgolə Rubḛ.

Jujé 18:17

Yee aw kəmee gə́ kédé par gə́ dɔgel saar teḛ ne En-Semes, tɔɓəi aw teḛ Gelilot gə́ wɔji dɔ dɔdərloo gə́ Adumim njoroŋ, ɓa dəs tar gə́ dɔ mbal’g lə Bohan gə́ to ŋgolə Rubḛ lé tɔ.

Jujé 4:19

Ndɔ dɔg lə naḭ gə́ dɔtar lé ɓa koso-dəwje d’unda loo dan baa gə́ Jurdɛ̰ teḛ ndá d’isi Gilgal gə́ to rəw-nim ɓee-boo gə́ Jeriko par gə́ bər lé.

Jujé 7:24

Juje gə Israɛlje lai səa na̰’d d’wa Akan, ŋgolə Jera ləm, d’odo larnda gə kubu gə́ boi yul, gə rɔm-larlɔr ləm, d’wa ŋgalə Akan gə́ diŋgam gə njé gə́ dené, gə maŋgje ləa, gə mulayḛ̀je-je ləa, gə badje ləa ləma, d’odo kəi-kubu ləa gə néje lai gə́ to kea̰ ləm tɔ, ndá d’aw sə dee mee wəl-loo gə́ ria lə Akɔr.

Jujé 7:26

Tɔɓəi deḛ daa kɔri-ərje dɔ na̰’d sururu dɔ Aka̰’g d’aree to un kudee mee ndəa gən saar teḛ ɓogənè tɔ. Bèe ɓa Njesigənea̰ ar goo oŋg ləa gə́ nuŋga kəd-kəd lé yɔr ne. Gelee gə́ nee ɓa deḛ d’unda ne ri loo neelé lə wəl-loo lə Akɔr saar teḛ ne mee ndəa gən tɔ.