Jujé 15:3 - Maktub gə́ To gə Kəmee

³ Rəw-nimee lé aw par gə́ dɔkɔl lə dɔdərloo gə́ Akrabim ləm, dəs aw dɔdilaloo gə́ Sin ləma, ḭ par gə́ dɔkɔl lə Kades-Barnea ləm tɔ dəs aw par gə́ Hesron ɓa aw Adar ndá yee tel aw Karkaa ɓəi,

Jujé 15:3 ပူးပေါင်းရင်းမြစ်များ

Gḭ-Néje 14:7

Tɔɓəi deḛ d’ɔs tel gogo ree En-Mispat gə́ to Kades ndá deḛ dum dɔ Amalekje dɔ naŋg lə deḛ lai ləm, gə Amɔrje gə́ d’isi Hasaso̰-Tamar ləm tɔ.

Bula lə Israɛlje 20:1

Koso-dəwje gə́ Israɛl lai ree dɔdilaloo gə́ Sin mee naḭ gə́ dɔtar tɔɓəi deḛ d’isi loo gə́ Kades. Lée neelé ɓa Miriam wəi ar dee dubee keneŋ.

Bula lə Israɛlje 32:8

Bɔ síje-je kara loo gə́ m’ula dee m’ar dee d’ḭ Kades-Barnea gə mba kaw tən ɓee lé deḛ ra togə́bè tɔ.

Bula lə Israɛlje 34:4

Yee a tel par gə́ dɔkɔl lə dɔdərloo lə Akrabim, a dəs par gə́ dɔdilaloo gə́ Sin tɔɓəi a kaw njal teḛ par gə́ dɔkɔl loo gə́ Kades-Barnea, yee a kaw gə́ kédé par gə́ Hasar-Adar ndá a dəs par gə́ Asmo̰ tɔ.

Jujé 15:2

Togə́bè ɓa rəw-nim-ɓee lə deḛ gə́ dɔkɔl lé un kudee ta baa-boo-kad gə́ ria lə Baa-Kad par gə́ kəmkai gə́ wɔji dɔ loo gə́ dɔkɔl njoroŋ.

Jujé 15:4

gée gə́ gogo yee dəs par gə́ Asmo̰ ɓa aw saar teḛ baa gə́ Ejiptə mba kunda ŋgaŋgee ta baa-boo-kad’g tɔ. Yee ɓa a to rəw-nim-ɓee lə sí gə́ par gə́ dɔkɔl ya.

Njéga̰g-Rəwtaje 1:36

Dɔ naŋg lə Amɔrje lé tadee un kudee dɔdərloo gə́ Akrabim ləm, un kudee Sela ləm ndá aw saar gə́ kédé ləm tɔ.