Njesigənea̰ a kar duu-mán lə baa-boo-kad gə́ Ejiptə yi tə ləm, Yeḛ a kula jia ndiŋ dɔ baa’g tó lel dɔ’g gə siŋgamoŋ ləm tɔ, Ndá yeḛ a kai kəm rəbeeje loo siri Kar dəwje dəs keneŋ gə né gɔl dee’g.
Dəb loo gə́ bər a to baa gə́ Jurdɛ̰ mbuna Habran gə Damas gə Galaad ləm, gə ɓee lə Israɛlje ləm tɔ, seḭ a kwɔjije un kudee rəw-nim gə́ dɔgel saar teḛ baa-boo-kad gə́ to par gə́ bər, yee ɓa a to dəb loo gə́ bər.
Yeḛ ulam pana: Man neelé a kaḭ gə́ dəb ɓee gə́ to par gə́ bər ndá a teḛ ndag-mbo’g kaw kur dan baa-boo-kad’g, loo gə́ yee a kur danee’g ndá mán baa-boo-kad lé a tel maji.
Rəw-nim-ɓee lə sí gə́ par gə́ dɔkɔl lé a kun kudee dɔdilaloo gə́ Sin saar teḛ Edɔm. Par gə́ bər lé rəw-nim-ɓee lə sí gə́ dɔkɔl lé a kun kudee ŋgaŋ baa-boo gə́ ria lə Baa-kad.
Dɔ naŋg gə́ ginkoji Judaje d’iŋga gə goo nékwɔji lée ləm gə goo gel-bɔje lə dee lə dee ləm tɔ lé aw par gə́ rəw-nim-ɓee gə́ Edɔm saar teḛ ne dɔdilaloo gə́ Sin gə́ to dɔkɔl, gə́ to ŋgaŋ loo gə́ dɔkɔl tɔ.
Rəw-nimee lé aw par gə́ dɔkɔl lə dɔdərloo gə́ Akrabim ləm, dəs aw dɔdilaloo gə́ Sin ləma, ḭ par gə́ dɔkɔl lə Kades-Barnea ləm tɔ dəs aw par gə́ Hesron ɓa aw Adar ndá yee tel aw Karkaa ɓəi,
mán gə́ ḭ tar ula lé gaŋg ŋgəji tɔɓəi ndur dɔ na̰’d loo kára ba gə kuree, teḛ mbɔr ɓee-boo gə́ ria lə Adam gə́ to mbɔr Sartan’g, ar mán gə́ ḭ ula par gə́ baa-boo-kad gə́ ria lə Baa-Kad gə́ to mee ndag-loo’g lé gaŋg ŋgəji tɔ. Koso-dəwje gaŋg baa loo gə́ wɔji dɔ Jeriko njoroŋ tɔ.