Jujé 14:9 - Maktub gə́ To gə Kəmee

⁹ Mee ndəa’g neelé Moyis man rəa pana: Dɔ naŋg gə́ a kila dabla gɔli keneŋ lé a to nédɔji ləi gə no̰ mbata ləi-i ləm gə mbata lə ŋganije ləm tɔ, mbata i ndolè goo Njesigənea̰, Ala ləi gə məəi gə́ kára ba sur ya.

Jujé 14:9 ပူးပေါင်းရင်းမြစ်များ

Pakɔsje 37:9

Mbata njémeeyèrje lé d’a tuji pugudu, Nɛ deḛ gə́ d’unda meḛ dee yel dɔ Njesigənea̰’g lé Ɓee lé a to ka̰ dee-deḛ ya.

Bula lə Israɛlje 13:22

D’un rəw par gə́ dɔkɔl ndá d’aw saar teḛ Ebro̰, lé neelé Ahiman, gə Sesai gə Talmai, ŋgalə Anak d’isi keneŋ. Ebro̰ lé deḛ ra as ləb siri kédé ɓa ra Soan gə́ mee ɓee gə́ Ejiptə ɓəi.

Tel tura Godndu 1:36

nɛ Kaleb, ŋgolə Jepune ya gə karee ba ɓa a koo ya, tɔɓəi dɔ naŋg gə́ yeḛ njaa keneŋ lé m’a karee yeḛ gə ŋganeeje gə́ ka̰ dee mbata yeḛ un dɔ gɔl Njesigənea̰ lad-lad ya.

Tel tura Godndu 11:24

Looje lai gə́ seḭ a kilaje gɔl sí keneŋ lé d’a tel to ka̰ sí: rəw-nim-ɓee lə sí a kun kudee dɔdilaloo’g saar teḛ Liba̰ ləm, a kḭ baa gə́ ria lə Epratə kaw saar teḛ baa-boo-kad’g par gə́ dɔ-gó ləm tɔ.

Jujé 1:3

Looje lai gə́ seḭ a kilaje dabla gɔl si keneŋ ndá ma m’ar sí to gə́ ma m’ula ne Moyis kédé lé ya.

Jujé 14:10

Ɓasinè aa oo, Njesigənea̰ am m’isi kəmba ɓəi to gə́ yeḛ pa ne taree lé ya. Ləbje rɔ-sɔ-giree-mi dəs goo taje gə́ Njesigənea̰ ula Moyis togə́bè loo gə́ Israɛlje njaa ne dɔdilaloo’g lé. Ɓasinè ndá ləbm aḭ rɔ-jinaijoo-giree-mi ɓogənè ŋga.

Njéga̰g-Rəwtaje 1:20

Deḛ d’ar Kaleb ɓee gə́ Ebro̰ to gə́ Moyis pa ne taree kédé lé ndá yeḛ tuba ŋgalə Anakje gə́ munda gə́ d’isi keneŋ lé.