Jujé 14:4 - Maktub gə́ To gə Kəmee

⁴ Ŋgalə Jisəb lé tel to ginkojije gə́ joo gə́ ri dee lə Manasə gə Eprayim. Ləbije lé d’iŋga dɔ naŋg gə́ né ka̰ dee-deḛ mee ɓee’g neelé el, nɛ d’ar dee ɓee-booje mba kar dee d’isi keneŋ ləm, gə looje gə́ gugu dɔ ɓee-booje mbata lə nékulje lə dee gə nékiŋgaje lə dee ləm tɔ.

Jujé 14:4 ပူးပေါင်းရင်းမြစ်များ

Gḭ-Néje 41:51

Jisəb unda ri ŋgondəree lə Manasə mbata yeḛ pana: Ala ar məəm wəi dɔ kula meekonje’g ləm lai ləm, gə dɔ kəi lə bɔmje’g lai ləm tɔ.

Gḭ-Néje 41:52

Ŋgon gə́ njekɔm’g joo lé yeḛ unda ria lə Eprayim mbata yeḛ pana: Ala am m’oji ŋganje dɔ naŋg gə́ deḛ ra səm néurti keneŋ.

Gḭ-Néje 46:20

Jisəb oji Manasə gə Eprayim mee ɓee gə́ Ejiptə gə Asnat, ŋgolə Poti-Pera gə́ to njekinjanéməs gə́ Ɔn lé.

Gḭ-Néje 48:1

Gée gə́ gogo ndá deḛ ree d’ula Jisəb pana: Aa oo, bɔbije lé rəa tée. Togə́bè ɓa yeḛ ar ŋganeeje joo, Manasə gə Eprayim d’aw səa na̰’d.

Gḭ-Néje 48:5

Ɓasinè, ŋganije gə́ diŋgam joo, deḛ gə́ i oji dee Ejiptə kédé ɓa ma m’ree rɔi’g Ejiptə ɓəi lé d’a to kamaje ya. Eprayim gə Manasə d’a to kamaje to gə́ Rubḛ gə Simeo̰ bèe tɔ.

Gḭ-Néje 48:6

Nɛ ŋganje gə́ i oji dee goo dee’g lé d’a to kaḭje ya. D’a ɓar dee gə ri ŋgako̰ deeje loo-kiŋga-nénduba’g lə dee lé.

2 Sôrta Gḭka Israɛlje 30:1

Ejekias ula njékaḭkulaje mee ɓee gə́ Israɛl gə Juda lai ndá yeḛ ndaŋg maktub ar Eprayimje gə Manasəje to mba kar dee ree mee kəi’g lə Njesigənea̰ gə́ to Jerusalem mba kar dee ra naḭ Pag d’ula ne rɔnduba dɔ Njesigənea̰, Ala’g lé lə Israɛlje tɔ.

Bula lə Israɛlje 26:28

Ŋgalə Jisəb gə goo njémeekəije lə dee ɓa nee: Manasə gə Eprayim.

Jujé 16:4

Lée’g neelé ɓa to dɔ naŋg gə́ Manasə gə Eprayim, ŋgaka Jisepje d’iŋga gə́ né ka̰ dee-deḛ lé.