Jujé 13:8 - Maktub gə́ To gə Kəmee

⁸ Ginkoji Rubḛje gə Gadje gə ges ginkoji Manasə gə́ nai lé d’iŋga dɔ naŋg gə́ né ka̰ dee-deḛ to gə́ Moyis gə́ to kura lə Njesigənea̰ ar dee ne kel tura baa gə́ Jurdɛ̰’g nu par gə́ bər kédé mba̰ lé:

Jujé 13:8 ပူးပေါင်းရင်းမြစ်များ

Bula lə Israɛlje 32:19

jeḛ j’a taaje sə dee loo kel tura-baa gə́ Jurdɛ̰ gə́ nu el ləm, əsé loo gə́ raŋg el ləm tɔ mbata jeḛ j’iŋgaje né ka̰ síjeḛ kel tura-baa gə́ Jurdɛ̰ gə́ nee par gə́ bər mba̰.

Tel tura Godndu 3:8

Togə́bè ɓa mee ndəaje gən lé jeḛ dumje dɔ mbaije lə Amɔrje joo, kel tura-baa gə́ Jurdɛ̰ gə́ nu, un kudee baa gə́ Arno̰ saar teḛ ne dɔ mbal gə́ Hermo̰

Jujé 12:1

Aa ooje, ri mbaije gə́ Israɛlje dum dɔ dee ləm, gə taa ɓee lə dee gə́ to kel tura-baa gə́ Jurdɛ̰ gə́ nu loo kuba gə́ lə kàr, un kudee baa gə́ Arno̰ saar teḛ ne mbal gə́ Hermo̰, gə ndag-loo gə́ to par gə́ bər bura ləm tɔ lé ɓa nee:

Jujé 12:6

Moyis, kura lə Njesigənea̰ lé deḛ gə Israɛlje dum dɔ dee ya, ndá ɓeeje lə dee neelé, Moyis gə́ to kura lə Njesigənea̰ lé wa ar ginkoji Rubḛje, gə Gadje, gə ges ginkoji Manasə gə́ né ka̰ dee-deḛ ya.

Jujé 13:7

Ɓasinè i a kai ɓee neelé dana kar ginkojije gə́ jinaikara ləm, gə ges ginkoji lə Manasə gə́ nénduba lə dee ləm tɔ.

Jujé 13:9

un kudee Aroer gə́ to ta baa gə́ Arno̰ ləm, un kudee ɓee-boo gə́ to mee wəl-loo’g dana bab ləma, ndag-looje lə Médeba lai saar teḛ ne Dibo̰ ləm tɔ.

Jujé 22:4

Ɓasinè Njesigənea̰, Ala lə sí ar ŋgako̰ síje loo-kwa-rɔ lə dee to gə́ yeḛ ula dee ne kédé lé bèe ndá maji kar sí telje awje mee kəi-kubuje’g lə sí mee ɓee gə́ to ka̰ sí to gə́ Moyis kura lə Njesigənea̰ ar sí kel tura-baa gə́ Jurdɛ̰ par gə́ bər lé.

Jujé 4:12

Ginkoji Rubḛje, gə ginkoji Gadje, gə ges ginkoji Manasə lé d’wa nérɔje ji dee’g d’ɔr ne no̰ Israɛlje to gə́ Moyis ula dee ne kédé lé tɔ.

1 Samel 13:7

Ǝbrəje gə́ na̰je kara d’unda mán baa gə́ Jurdɛ̰ gaŋg d’aḭ d’aw ɓeeje gə́ Gad gə Galaad tɔ. Sawul ɓa nai Gilgal ɓəi ndá njérɔje lai gə́ nai rəa’g lé d’unda bala tigi-tigi.