Jujé 13:6 - Maktub gə́ To gə Kəmee

⁶ dəwje lai gə́ d’isi kaar mbal’g, un kudee Liba̰ saar teḛ ne Misrepot-Mayim ləm, gə Sido̰je lai ləm tɔ. M’a tuba dee no̰ Israɛlje’g. Nɛ i lé maji kari kai Israɛlje ɓee neelé gə goo nékwɔji lée gə́ to asəna gə téḛ bèe karee tel to ka̰ dee-deḛ to gə́ m’un ne ndum m’ari lé.

Jujé 13:6 ပူးပေါင်းရင်းမြစ်များ

Pakɔsje 80:8

Ala gə́ njeboo-néje maji kari tel un sí ur sí tar ləm, Ar kəmi to jḛ̀ dɔ sí’g ləm tɔ Ndá j’a kaji ne ya.

Bula lə Israɛlje 33:54

Seḭ a kaije na̰ ɓeeje neelé gə goo gel-bɔje lə sí gə goo nékwɔji lée ɓa. Deḛ gə́ bula yaa̰ ndá seḭ a gaŋgje boi karee as dɔ bula lə dee gə́ yaa̰ ləm, deḛ gə́ bula lam ba ndá seḭ a gaŋgje lam karee as dɔ bula lə deḛ gə́ lam ba ya ləm tɔ. Nana kara a kiŋga loo gə́ wɔji dəa gə goo nékwɔji lée gə́ yeḛ un lé, seḭ a kiŋgaje gə́ né ka̰ sí-seḭ gə goo ginkojije lə bɔ síje-je.

Jujé 1:6

Wa rɔi kɔgərɔ ləm, gə wa diŋgam məəi’g ləm tɔ, mbata i nja ɓa a kar dəwje neelé taa ɓee neelé gə́ ka̰ dee-deḛ to gə́ ma man ne rɔm m’ar bɔ deeje-je gə mba kar dee lé ya.

Jujé 11:12

Juje taa ɓee-booje lə mbaije neelé lai ləm, wa mbaije gə́ keneŋ lai ləm tɔ ndá yeḛ tuji dee ne pugudu-pugudu gə kiambas to gə́ Moyis, kura lə Njesigənea̰ un ne ndia kédé aree lé.

Jujé 11:8

Njesigənea̰ ya̰ dee ji Israɛlje’g, deḛ dum dɔ dee ləm, tuba goo dee saar teḛ sə dee Sido̰ gə́ boo’g ləm, saar teḛ sə dee Misrepot-Mayim’g ləma, saar teḛ ne wəl-loo gə́ Mispa par gə́ bər ləm tɔ, deḛ dum dɔ dee ɓó d’ya̰ loo d’ar dəw kára kara aḭ aw el.

Jujé 13:7

Ɓasinè i a kai ɓee neelé dana kar ginkojije gə́ jinaikara ləm, gə ges ginkoji lə Manasə gə́ nénduba lə dee ləm tɔ.

Jujé 23:13

maji kar sí gərje gao, Ala lə sí gə́ Njesigənea̰ a tuba ginkoji dəwje gə raŋg neelé no̰ sí’g kəmee gə́ kédé-kédé el, nɛ d’a tel to gə́ ba̰də əsé gum kwa sí ləm, gə ndəi kunda sí ləma, gə kunje gə́ tɔs kəm sí ləm tɔ, saar kar sí tujije ne mee ɓee gə́ maji gə́ Njesigənea̰, Ala lə sí ar sí lé ya.

Jujé 23:4

Aa ooje, dɔ naŋg lə ginkoji dəwje gə raŋg gə́ nai neelé, un kudee baa gə́ Jurdɛ̰, na̰’d gə dɔ naŋg lə ginkoji dəwje gə raŋg gə́ ma m’tuji dee nee saar m’teḛ ne baa-boo-kad gə́ boi gə́ par gə́ loo kur naŋg’d lə kàr gə́ ma m’ar sí gə́ né ka̰ sí-seḭ gə goo nékwɔji lée gə́ to asəna gə téḛ bèe ləm, gə goo ginkojije lə sí ləm tɔ.

Jujé 23:5

Njesigənea̰, Ala lə sí a kɔs dee rəw no̰ sí’g ləm, a tuba dee no̰ sí’g ləm tɔ, ndá seḭ a taaje ɓee lə dee gə́ né ka̰ sí-seḭ to gə́ Njesigənea̰, Ala lə sí pa ne ar sí lé ya.