Jujé 13:3 - Maktub gə́ To gə Kəmee

³ un kudee baa gə́ sihor gə́ tel kəmee ar ɓee gə́ Ejiptə saar teḛ ne rəw-nim-ɓee gə́ Ekro̰ par gə́ dɔgel, dɔ naŋg gə́ kəm tura gə ka̰ Kana̰je na̰’d ar mbaije gə́ boo lə Pilistije mi d’isi keneŋ lé. Mbai gə́ si Gaja ləm, yeḛ gə́ Asdod ləm, yeḛ gə́ Askalo̰ ləm, yeḛ gə́ Gat ləma, gə yeḛ gə́ Ekro̰ ləm tɔ, tɔɓəi Abije kara d’isi keneŋ tɔ,

Jujé 13:3 ပူးပေါင်းရင်းမြစ်များ

Gḭ-Néje 10:6

Ŋgalə Kam ɓa ri dee to nee: Kus, gə Misrayim, gə Put gə Kana̰.

Gḭ-Néje 15:18

Mee ndəa’g neelé Njesigənea̰ man rəa ar Abram pana: Dɔ naŋg neelé ma m’ar ŋgakaije, un kudee baa gə́ Ejiptə saar teḛ ne dɔ baa-boo gə́ to baa gə́ Epratə ləm,

1 Mbaije 8:65

Mee ndəa gən lé Salomo̰ gə koso-dəwje gə́ Israɛl lai səa na̰’d ra naḭ keneŋ. Koso-dəwje gə́ dum tura d’ḭ looje gə́ gugu gir Amat, saar teḛ kəm-rəw-mán gə́ Ejiptə, ree mbo̰ dɔ na̰ no̰ Njesigənea̰ Ala’g lə sí ra ndɔ siri, tɔɓəi ndɔje gə́ raŋg siri ɓəi to aree as ndɔ dɔg-giree-sɔ.

1 Sôrta Gḭka-Israɛlje 13:5

Dabid mbo̰ Israɛlje lai dɔ na̰’d un kudee baa gə́ Sikɔr gə́ wɔji dɔ Ejiptə saar teḛ ne loo-kandə-kaw mee ɓee gə́ Amat gə mba tel gə sa̰duk-manrɔ lə Ala gə́ to Kirjat-Yearim lé ree ne gogo.

Esai 23:3

Dɔ kó gə́ dubu ta baa-boo gə́ ria lə Nil Gə́ to nékiŋga lə baa neelé Deḛ gaŋg ne manje gə́ tad rəg-rəg D’aw ne mba rab ndogo Karee tel to nébao ləa Mbata ɓee neelé to loo-rab-néndogo lə ginkoji dəwje gə raŋg.

Jeremi 2:18

Ɓasinè lé see ɗi ɓa seḭ a raje Mba kaw ne Ejiptə Kaw kai ne mán baa gə́ ria lə Nil lé wa. See ɗi ɓa seḭ a raje mba kaw ne Asiri Kaw kai ne mán baa gə́ ria lə Epratə lé wa.

Tel tura Godndu 2:23

Ŋgalə Abi gə́ d’isi ŋgan-ɓeeje’g dɔ naŋg gə́ Gaja lé Kaptɔrje gə́ d’unda loo gə́ Kaptɔr teḛ lé deḛ tɔl dee ndá taa tor dee d’isi keneŋ tɔ.

Jujé 13:13

Nɛ Israɛlje lé tuba Gesurje gə Maakatje el, ar dee d’isi mbuna Israɛlje’g saar teḛ ne mee ndɔ gə́ ɓogənè.

Njéga̰g-Rəwtaje 16:5

Mbai dɔ Pilistije-je ree rɔ dené’g neelé d’ulá pana: Maji kari su kəmee gə mba koo ne gin boo-siŋgamoŋ ləa ləm, mba koo ne né gə́ j’askəm ra mba dum ne dəa ləm tɔ. Bèe ɓa j’a teá gə kúla mba dum ne dəa ndá jeḛ lé nana kara a kari larnda tɔl-dɔg-dəa-tɔl tɔl (1.100) ya.

Njéga̰g-Rəwtaje 3:3

Ginkoji dəwje gə raŋg lé ɓa nee: Mbaije gə́ mi gə́ to mbai dɔ Pilistije ləm, gə Kana̰je lai ləm, gə Sido̰je ləma, gə Hebje gə́ d’isi kaar mbal gə́ Liba̰, un kudee kaar mbal gə́ Baal-Hermo̰ saar teḛ ne tarəw ɓee-boo gə́ Amat ləm tɔ.

1 Samel 5:1

Pilistije d’un sa̰duk-manrɔ lə Ala d’ḭ ne Eben-Ejer d’aw ne Asdod.

1 Samel 5:10

Yen ŋga deḛ d’ula gə sa̰duk-manrɔ lə Ala ɓee-boo gə́ Ekro̰. Loo gə́ sa̰duk-manrɔ lə Ala teḛ Ekro̰ ndá njé gə́ Ekro̰ d’ila ndu dee naŋg wəl pana: Deḛ ree gə sa̰duk-manrɔ lə Ala lə Israɛlje mba kar sí j’wəije ne, jeḛ ləm gə dəwje lə sí ləm tɔ.

1 Samel 5:8

Deḛ d’ula kula ɓar mbaije lə Pilistije d’ar dee ree mbo̰ dɔ na̰ rɔ dee’g ndá deḛ dəji dee pana: See ɗi ɓa j’a ra gə sa̰duk-manrɔ lə Ala lə Israɛlje lé wa. Mbaije lé tel d’ila dee keneŋ pana: Maji kar dee d’un sa̰duk-manrɔ lé d’aw ne Gat. Deḛ d’un sa̰duk-manrɔ lə Ala lə Israɛlje lé d’aw ne keneŋ ya tɔ.

1 Samel 6:4

Pilistije dəji dee pana: See nékar gə́ ban ɓa j’a kunje karee wa. Deḛ tel d’ila dee keneŋ pana: A karje kɔr larlɔr gə́ tana gə nékuba mi ləm, yee gə́ tana gə yəgje gə́ ndaji dee mi ləm tɔ gə goo bula lə mbaije lə Pilistije mbata yoo-koso gə́ kára ba ya oso dɔ sí’g lai ləm, gə dɔ mbaije’g lə sí ləm tɔ.