Jujé 12:7 - Maktub gə́ To gə Kəmee

⁷ Ri mbaije gə́ Juje gə Israɛlje dum dɔ dee kel tura-baa gə́ Jurdɛ̰ gə́ to par gə́ dɔ-gó, un kudee Baal-Gad gə́ to mee wəl-loo’d gə́ Liba̰ saar teḛ ne kaar mbal’d gə́ né uba keneŋ el gə́ ḭ par gə́ Seir lé ɓa nee: Ɓeeje lə dee lé Juje ar Israɛlje gə́ né ka̰ dee-deḛ, ar nana kara iŋga yee gə́ wɔji dəa-dəa

Jujé 12:7 ပူးပေါင်းရင်းမြစ်များ

Gḭ-Néje 14:6

deḛ dum dɔ Hɔrije dɔ mbal’g lə dee gə́ Seir njal teḛ kag-sɛnə’g lə Paran gə́ to mbɔr dɔdilaloo’g dəb ləm tɔ.

Gḭ-Néje 32:3

Loo gə́ Jakob oo dee ndá yeḛ pana: Loo neelé to loo-si njérɔje lə Ala! Ndá yeḛ unda ri loo neelé lə Mahanayim.

Gḭ-Néje 36:20

Aa ooje, ŋgalə Seir, yeḛ gə́ to ginkoji lə Hɔri, deḛ gə́ d’isi mee ɓee’g neelé kédé lé ɓa ri dee to nee: Lotan, gə sobal, gə Sibeon, gə Ana,

Gḭ-Néje 36:30

gə mbai Dison, gə mbai Etser, gə mbai Disan. Deḛ nja to mbai dɔ Horije, to mbaije gə́ d’isi ɓee gə́ Seir ya.

Gḭ-Néje 36:8

Esawu ra ɓee dɔ mbal gə́ Seir. Esawu lé to Edɔm.

Pakɔsje 135:11

Siho̰, mbai gə́ ɓee lə Amɔrje ləm, Gə Ɔg, mbai gə́ ɓee lə Basanje ləma, Gə mbaije lai gə́ Kana̰ lé ləm tɔ.

Tel tura Godndu 2:1

Jeḛ j’ɔs n’telje ndá j’awje dɔdilaloo’g gə rəw gə́ aw gə́ baa-boo Kas’g, to gə́ Njesigənea̰ ulam ne lé, jeḛ n’guguje gir mbal gə́ Seir kur sí əw.

Tel tura Godndu 2:4

Seḭ a dəsje mbɔr rəw-nim-ɓee’g lə ŋgako̰ síje gə́ to ŋgalə Esawu gə́ d’isi dɔ mbal’d gə́ Seir lé. Deḛ d’a gə ɓəl sí, nɛ maji kar sí undaje kəmkàr dɔ rɔ sí’g tɔ.

Jujé 11:17

un kudee kaar mbal gə́ né uba keneŋ el gə́ ḭ par gə́ Seir saar teḛ Baal-Gad gə́ to mee wəl-loo gə́ Liba̰, mbɔr mbal gə́ Hermo̰’g. Ndá yeḛ twa mbaije gə́ keneŋ lai kunda dee tɔl dee.

Jujé 11:23

Togə́bè ɓa Juje taa ɓeeje neelé lai gə goo taje lai gə́ Njesigənea̰ ula Moyis kédé lé tɔ. Tɔɓəi Juje wa ɓee neelé ar Israɛlje gə́ né ka̰ dee-deḛ ar nana kara iŋga loo gə́ wɔji dəa-dəa gə goo ginkojee-kojee. Bèe ɓa ɓee neelé to ne lɔm ar rɔ godo keneŋ tɔ.

Jujé 3:17

Njékinjanéməsje gə́ to njékun sa̰duk manrɔje lə Njesigənea̰ lé d’aar kɔgərɔ dɔ gɔl dee’g dɔ naŋg gə́ tudu kurum-kurum’g dan baa’d gə́ Jurdɛ̰, ar Israɛlje lai dəs dɔ naŋg gə́ tudu kurum-kurum’g saar ar ginkoji dəwje lai dəs baa gə́ Jurdɛ̰ ya.

Jujé 9:1

Loo gə́ d’oo sor néje neelé ndá mbaije lai gə́ d’isi kel tura-baa gə́ Jurdɛ̰ gə́ nee, deḛ gə́ d’isi dɔ mbalje’g əsé wəl-looje’g əsé kaar koŋgo baa-boo-kad gə́ boi njal teḛ mbɔr ɓee gə́ Liba̰ lé gə́ to Hetje ləm, gə Amɔrje ləm, gə Kana̰je ləm, gə Peresje ləm, gə Hebje ləma, gə Yebusje ləm tɔ lé