Jujé 12:1 - Maktub gə́ To gə Kəmee

¹ Aa ooje, ri mbaije gə́ Israɛlje dum dɔ dee ləm, gə taa ɓee lə dee gə́ to kel tura-baa gə́ Jurdɛ̰ gə́ nu loo kuba gə́ lə kàr, un kudee baa gə́ Arno̰ saar teḛ ne mbal gə́ Hermo̰, gə ndag-loo gə́ to par gə́ bər bura ləm tɔ lé ɓa nee:

Jujé 12:1 ပူးပေါင်းရင်းမြစ်များ

1 Mbaije 4:19

Geber, ŋgolə Uri guburu ɓee gə́ Galaad, yeḛ aa dɔ loo gə́ dɔ naŋg lə Sihon, mbai lə Amɔrje ləm, gə Ɔg, mbai gə́ Basan ləm tɔ. Ɓeeje neelé njekaa dɔ néje gə́ keneŋ kára ba.

Pakɔsje 133:3

To asəna gə mán-tàl gə́ ḭ dɔ mbal gə́ Hermo̰’g Oso dɔ looje gə́ ndəw gə́ Sio̰ bèe, Lée neelé ɓa Njesigənea̰ ula gə né ndutɔr keneŋ Yee ɓa to si kəmba saar-saar gə no̰ lé.

Pakɔsje 136:21

Ar ɓee lə dee to nénduba ya Mbata meekɔrjol ləa lé to saar-saar gə no̰.

Pakɔsje 89:12

Dara gə naŋg neelé to gə́ kaḭ-i nja bura, I nja ɓa tum gin naŋg nee Unda néje lai gə́ to keneŋ ləm tɔ.

Esai 16:2

To gə́ yelje d’aḭ sanéna̰ pə ləm, Ŋgan yelje ɓəl mee kəi dee’g ləm tɔ lé Denéje gə́ Moab kara D’a to togə́bè loo-gaŋg-baa gə́ Arno̰ tɔ.

Bula lə Israɛlje 21:13

D’ḭ keneŋ d’aw d’wa loo-si dee kel tura-baa gə́ Arno̰ gə́ ḭ dɔ naŋg’d lə njé gə́ Amor aw dɔdilaloo’g, mbata Arno̰ lé to rəw-nim-ɓee lə Moabje, gə́ to mbuna njé gə́ Moab’g gə njé gə́ Amor’g.

Bula lə Israɛlje 21:21

Israɛlje d’ula njékaḭkulaje rɔ Sihon’g, mbai lə Amɔrje mba kar dee d’ulá pana:

Bula lə Israɛlje 21:24

Israɛlje tɔl dee gə kiambas, tɔɓəi deḛ taa ɓee ləa un kudee Arno̰ saar teḛ Jabok ləm, saar rəw-nim-ɓee lə njé gə́ Amo̰je ləm tɔ, mbata rəw-nim-ɓee lə njé gə́ Amo̰je lé ŋgəm kègègè.

Bula lə Israɛlje 32:19

jeḛ j’a taaje sə dee loo kel tura-baa gə́ Jurdɛ̰ gə́ nu el ləm, əsé loo gə́ raŋg el ləm tɔ mbata jeḛ j’iŋgaje né ka̰ síjeḛ kel tura-baa gə́ Jurdɛ̰ gə́ nee par gə́ bər mba̰.

Bula lə Israɛlje 32:32

J’a kodoje nérɔje kaw ne no̰ Njesigənea̰’g mba teḛ ne mee ɓee gə́ Kana̰’g ya, nɛ maji kar sí j’iŋgaje dɔ naŋg gə́ to ka̰ síjeḛ kel Jurdɛ̰ gə́ nee ya ɓa.

Bula lə Israɛlje 32:33

Ɓeeko̰ lə Sihon, mbai lə Amɔrje ləm, gə ɓeeko̰ lə Ɔg, mbai lə Basanje ləm tɔ, dɔ naŋg gə ɓee-booje ləa ləm, gə dɔ naŋg gə́ gugu dɔ ɓee-booje lai sub ləm tɔ lé Moyis ar ginkoji Gadje ləm, gə ginkoji Rubḛje ləma, gə ges ginkoji Manasə gə́ to ŋgolə Jisəb ləm tɔ.

Tel tura Godndu 2:24

Ḭje ta awje aw gaŋgje baa gə́ Arno̰. Oo, m’ila Siho̰, mbai gə́ Esbon gə́ to Amor lé gə ɓee ləa jii’g. Wa dɔ gɔl rɔi ndá, aw rɔ səa.

Tel tura Godndu 2:32

Siho̰ gə koso-dəwje ləa lai teḛ tila kəm sí gə mba rɔ sə sí loo gə́ Jahas.

Tel tura Godndu 3:1

Jeḛ j’ɔsje n’telje tɔɓəi j’unje rəw gə́ Basan. Ndá Og, gə koso-dəwje ləa lai teḛ tila kəm sí, d’ila rɔ dɔ sí’g mee ɓee gə́ Edrei.

Tel tura Godndu 4:44

Tornduje, gə godnduje, gə ndukunje gə́ Moyis unda no̰ Israɛlje’g ɓa nee ləm,

Tel tura Godndu 4:46

To kel tura-baa gə́ Jurdɛ̰ gə́ nu mee wəl-loo gə́ wɔji dɔ Bet-Peor njoroŋ mee ɓee’g lə Siho̰, mbai lə Amɔrje gə́ si Esbon, yeḛ gə́ Moyis gə Israɛlje tɔlee loo gə́ deḛ d’unda ne loo mee ɓee gə́ Ejiptə teḛ lé.

Tel tura Godndu 4:48

Dɔ naŋg lə dee un kudee Aroer gə́ to koŋgo baa gə́ Arno̰, aw saar dɔ mbal gə́ Sion gə́ ria lə Hermo̰ lé

Jujé 1:15

saar ndɔ gə́ Njesigənea̰ a kar ŋgako̰ síje loo-kwa-rɔ lə dee to gə́ yeḛ ar sí ne seḭ bèe ləm, gə mba kar dee taa ne ɓee gə́ Njesigənea̰, Ala lə sí ar dee gə́ né ka̰ dee-deḛ ləm tɔ ɓa. Gée gə́ gogo ɓa seḭ a telje reeje mba si ne mee ɓee gə́ to né ka̰ sí-seḭ gə́ Moyis gə́ to kura lə Njesigənea̰ ar sí kel tura-baa gə́ Jurdɛ̰ gə́ nu par gə́ bər ɓəi.

Jujé 11:17

un kudee kaar mbal gə́ né uba keneŋ el gə́ ḭ par gə́ Seir saar teḛ Baal-Gad gə́ to mee wəl-loo gə́ Liba̰, mbɔr mbal gə́ Hermo̰’g. Ndá yeḛ twa mbaije gə́ keneŋ lai kunda dee tɔl dee.

Jujé 11:3

gə rɔ Kana̰je gə́ d’isi bər əsé dɔ-gó ləm, gə rɔ Amɔrje’g ləm, gə rɔ Hetje’g ləm, gə rɔ Peresje’g ləm, gə rɔ Yebusje gə́ d’isi kaar mbal’g ləma, gə rɔ Hebje gə́ d’isi mbɔr mbal gə́ Hermo̰ mee ɓee’d gə́ Mispa ləm tɔ.

Jujé 13:8

Ginkoji Rubḛje gə Gadje gə ges ginkoji Manasə gə́ nai lé d’iŋga dɔ naŋg gə́ né ka̰ dee-deḛ to gə́ Moyis gə́ to kura lə Njesigənea̰ ar dee ne kel tura baa gə́ Jurdɛ̰’g nu par gə́ bər kédé mba̰ lé:

Jujé 22:4

Ɓasinè Njesigənea̰, Ala lə sí ar ŋgako̰ síje loo-kwa-rɔ lə dee to gə́ yeḛ ula dee ne kédé lé bèe ndá maji kar sí telje awje mee kəi-kubuje’g lə sí mee ɓee gə́ to ka̰ sí to gə́ Moyis kura lə Njesigənea̰ ar sí kel tura-baa gə́ Jurdɛ̰ par gə́ bər lé.

Njéga̰g-Rəwtaje 11:18

Tɔɓəi deḛ d’un rəw gə́ dɔdilaloo’g ga̰ gir ɓee’d gə́ Edɔm gə ɓee gə́ Moab ɓa ree par gə́ bər lə Moab ɓəi, deḛ d’wa loo-si dee kel tura-baa gə́ Arno̰ gə́ nu ɓó d’andə dɔ naŋg ɓee gə́ Moab’g el mbata baa gə́ Arno̰ ɓa to rəw-nim-ɓee gə́ Moab tɔ.