Jujé 11:8 - Maktub gə́ To gə Kəmee

⁸ Njesigənea̰ ya̰ dee ji Israɛlje’g, deḛ dum dɔ dee ləm, tuba goo dee saar teḛ sə dee Sido̰ gə́ boo’g ləm, saar teḛ sə dee Misrepot-Mayim’g ləma, saar teḛ ne wəl-loo gə́ Mispa par gə́ bər ləm tɔ, deḛ dum dɔ dee ɓó d’ya̰ loo d’ar dəw kára kara aḭ aw el.

Jujé 11:8 ပူးပေါင်းရင်းမြစ်များ

Gḭ-Néje 10:15

Kana̰ oji Sido̰ gə́ to ŋgondəree ləm, gə Het,

Gḭ-Néje 49:13

Jabulo̰ a ra ɓee ta baa-boo-kadje’g, Yeḛ a si dɔ koŋgo’g loo-kaar-batoje’g Ndá ŋgaŋ naŋg ləa a kaw njal teḛ Sido̰.

2 Samel 24:6

Deḛ d’aw Galaad ləm, gə mee ɓee gə́ Tahtim-Hodsi ləm tɔ. Deḛ d’aw Da̰-Jaa̰ gə looje gə́ gugu dɔ Sido̰ tɔ.

Esai 23:4

I ɓee-boo gə́ Sido̰, maji kar rɔkul dəb dɔi’g I gə́ to siŋgamoŋ lə baa-boo-kad! Mbata baa-boo-kad lé pa togə́bè pana: Ndóo ram el ləm, M’oji ŋgon el ləm tɔ, M’odo ŋganje gə́ diŋgam ləm M’ar njé gə́ dené tɔg el ləm tɔ.

Jakari 9:2

Ta neelé wɔji dɔ Amat Gə́ to rəw-nim-ɓee gə́ Damas ləma, Gə dɔ Tir gə Sido̰ Gə́ gosɔkəmkàr lə dee to yaa̰ lé ləm tɔ.

Tel tura Godndu 7:2

loo gə́ Ala lə sí gə́ Njesigənea̰ a kɔm dee ji sí’g kar sí tuji deeje lai lé ndá seḭ a tuji deeje mbad-mbad ya ɓó seḭ a manje rɔ sí gə mba kɔmje sə dee na̰’d el ləma, seḭ a raje sə dee meemaji el ləm tɔ.

Tel tura Godndu 9:3

Maji kar sí gərje gao, ɓogənè Ala lə sí gə́ Njesigənea̰ ya a njaa no̰ sí’g asəna gə pər gə́ roo loo bèe, yeḛ nja a gə tuji dee ləm, yeḛ a kar dee d’oso kul no̰ sí’g ləm tɔ, ndá seḭ a tuba deeje ləm, seḭ a kar deeje d’udu kalaŋ to gə́ Njesigənea̰ ula sí lé ləm tɔ.

Jujé 10:20

Loo gə́ Juje gə Israɛlje tɔl dee bula dum dɔ dee gə no̰ mba̰ ndá deḛ gə́ d’askəm kaḭ kaw mba kaji rɔ dee lé d’aḭ d’uru mee ɓee-booje gə́ ndògo-bɔrɔ gugu dɔ dee sub ndá,

Jujé 11:3

gə rɔ Kana̰je gə́ d’isi bər əsé dɔ-gó ləm, gə rɔ Amɔrje’g ləm, gə rɔ Hetje’g ləm, gə rɔ Peresje’g ləm, gə rɔ Yebusje gə́ d’isi kaar mbal’g ləma, gə rɔ Hebje gə́ d’isi mbɔr mbal gə́ Hermo̰ mee ɓee’d gə́ Mispa ləm tɔ.

Jujé 11:7

Juje gə njérɔje ləa lai teḛ dɔ dee’g wai mbɔr mán gə́ Merom ndá dee buŋga na̰ dɔ dee’g gə rɔ.

Jujé 13:6

dəwje lai gə́ d’isi kaar mbal’g, un kudee Liba̰ saar teḛ ne Misrepot-Mayim ləm, gə Sido̰je lai ləm tɔ. M’a tuba dee no̰ Israɛlje’g. Nɛ i lé maji kari kai Israɛlje ɓee neelé gə goo nékwɔji lée gə́ to asəna gə téḛ bèe karee tel to ka̰ dee-deḛ to gə́ m’un ne ndum m’ari lé.

Jujé 19:28

aw par gə́ dɔ Ebro̰’g, gə Reob’g, gə Hamo̰’g, gə Kana’g saar teḛ Sido̰ gə́ boo’g ləm tɔ.

Jujé 21:44

Njesigənea̰ ar dee d’isi lɔm mee looje lai gə́ gugu dɔ dee lé to gə́ yeḛ man ne rəa ar ka deeje lé, dəw kára kara mbuna njéba̰je’g lə dee askəm kaar naŋg gəs no̰ dee’g el ndá Njesigənea̰ ɔm deḛ lai ji dee’g ya.