Jujé 11:6 - Maktub gə́ To gə Kəmee

⁶ Njesigənea̰ ula Juje pana: Ɓəl dee el mbata bèlè kàr to gə́ maree bèe ndá m’a kɔm yoo dee no̰ Israɛlje’g. I a tuga kwɔi kunda-kaw-rɔje lə dee gaŋg ləm, i a roo pusu-rɔje lə dee ləm tɔ.

Jujé 11:6 ပူးပေါင်းရင်းမြစ်များ

2 Samel 8:4

Dabid taa njérɔ gə kundaje ləa tɔl-dɔg gə dɔ dee tɔl-siri ləm (1.700), gə goŋ-rɔje tɔl-dɔg-loo-rɔ-joo (20.000) ləm tɔ. Yeḛ ŋgəm kundaje gə́ njḛ́dɔr pusu-rɔje as tɔl (100) nɛ yeḛ gaŋg kwɔi kundaje gə́ raŋg lai ya.

2 Mbaije 6:16

Yeḛ ilá keneŋ pana: Ɓəl el mbata njé gə́ d’aar sə síjeḛ lé bula yaa̰ d’unda njé gə́ d’aar sə dee-deḛ ɓəi.

2 Sôrta Gḭka Israɛlje 20:16

Bèlè ndá maji kar sí awje aw iŋga deeje, deḛ d’a gə kaw dɔdərloo gə́ Sis ndá seḭ a kiŋga deeje ŋgaŋ wəl-loo gə́ wɔji dɔ dɔdilaloo gə́ Jeruel njoroŋ tɔ.

Pakɔsje 46:10

Yeḛ nja ɓa ar dee təd rɔ saar d’ɔr rudu naŋg nee njal ləm, Yeḛ guru ga̰dè ɓandaŋgje rug-rug ləm, Yeḛ təd niŋga-ndəije kərm-kərm ləma, Yeḛ roo pusu-rɔje dula-dula ləm tɔ.

Pakɔsje 46:11

Maji kar sí aarje gèŋ ooje to gə́ ma m’to Ala ya, Ma m’o̰ ɓee dɔ ginkoji dəwje gə raŋg’g ləm, Ma m’o̰ ɓee dɔ naŋg nee bura ləm tɔ.

Pakɔsje 46:9

Maji kar sí gə́ reeje, Ooje kula raje lə Njesigənea̰, Ooje nétujije gə́ yeḛ ra dɔ naŋg nee.

Gosota-Kəmkàrje 20:7

Njemeekarabasur lé njaa gə goo rəbee, Rɔlel nai gə ŋganeeje gə́ gée’d gogo.

Esai 30:16

Seḭ pajena: Wah! j’a kaḭ gə kundaje ɓa! Gelee gə́ nee ɓa seḭ a kaḭje ne ya Nɛ a kaḭje ne gə́ kaḭ ɓa. Seḭ pajena: J’a kaḭ gə kunda ŋgwɔdje! Nɛ deḛ gə́ njékɔrə síje kara Rɔ dee a kwɔilɔ pélé-pélé kunda sí!

Esai 31:1

Meeko̰ a koso dɔ deḛ gə́ d’aw Ejiptə Gə mba saŋg né gə́ a la sə dee keneŋ, Deḛ gə́ d’ɔm meḛ dee dɔ kundaje’g ləm, Gə dɔ bula lə pusu-rɔje gə́ to rib-rib ləma, Gə dɔ siŋgamoŋ lə njérɔ gə kundaje ləm tɔ Nɛ deḛ tel kəm dee par gə́ rɔ yeḛ gə́ to Njerɔkunda lə Israɛlje lé el ləm, Deḛ ndolè goo Njesigənea̰ el ləm tɔ.

Ejekel 39:9

Yen ŋga deḛ gə́ d’isi mee ɓee-booje gə́ Israɛl d’a teḛ raga ləm, deḛ d’a roo nérɔje dula-dula, dər-gugujuje gə dərje gə́ lam-lam ləm, gə kag ɓandaŋgje gə kandə ɓandaŋgje ləma, kagje gə́ tɔl dəa gə niŋga ndəije ləm tɔ, d’a ra ne pər as ləb siri.

Ojee 14:3

Gə́ telje gə́ rɔ Njesigənea̰’g Tɔrje ndu sí areeje Uláje pajena: Maji kari ar məəi ti mbidi dɔ néra kori-korije’g lə sí lai Wa sí gə́ rɔi’g ɓó ɔs sí rəw el! J’a kula rɔnduba dɔi’g gə ta gə́ teḛ ta sí’g Yee ɓa maji unda kar sí j’injaje bɔ maŋgje ɓa gə́ nékinjaməs j’arije ya.

Nahum 2:13

Toboḭ lé to̰ da tɔlee gaŋgee mbidi-mbidi mbata lə ŋganeeje ləm, Gə mbata lə ko̰ toboḭje ləm tɔ. Yeḛ ɔm nékwaje ləa duu loo-tée’g aree rusu tub-tub tɔ.

Tel tura Godndu 7:16

Seḭ a tɔlje koso-dəwje lai gə́ Ala lə sí gə́ Njesigənea̰ ɔm dee ji sí’g lé, seḭ a kunje kəm sí rəw dɔ dee’g lal koo ne kəmtondoo lə dee ləm, a raje né kar magəje lə dee el ləm tɔ mbata a tel to gum kwa sí ya.

Jujé 10:8

Njesigənea̰ ula Juje pana: Ɓəl dee el mbata m’ɔm dee jii’g yəg mba̰ ndá dəw kára kara dan dee’g a kaar gəs nɔḭ’g el.

Jujé 11:5

Mbaije gə́ lai neelé d’wɔji loo d’iŋga na̰ keneŋ ɓa ree d’wa loo-si dee mbɔr mán gə́ Merom gə mba kḭ kaw rɔ gə Israɛlje ɓəi.

Jujé 11:7

Juje gə njérɔje ləa lai teḛ dɔ dee’g wai mbɔr mán gə́ Merom ndá dee buŋga na̰ dɔ dee’g gə rɔ.

Jujé 11:9

Juje ra sə dee to gə́ Njesigənea̰ ulá ne lé ya, yeḛ tuga kwɔi kunda-kaw-rɔje lə dee gaŋg ləm, yeḛ roo pusu-rɔje lə dee ləm tɔ.

Jujé 3:5

Juje ula koso-dəwje pana: Maji kar sí saŋgje rɔ sí mbata bèlè Njesigənea̰ a ra nédumkooje mbuna sí’g.

Njéga̰g-Rəwtaje 20:28

ndá mee ndəa’g neelé Pines, ŋgolə Eləajar, gə́ to ŋgoka Aaro̰ ɓa to njekaar no̰ Ala’g lé. Deḛ dəjee pana: See j’a kɔr rɔ kaw rɔ gə Bḛjamije gə́ to ŋgako̰ síje lé əsé j’a kaw el wa. Njesigənea̰ ila dee keneŋ pana: Awje ya mbata bèlè m’a kuba dee kya̰ dee ji sí’g ŋga.

Njéga̰g-Rəwtaje 7:9

Njesigənea̰ ula Gedeo̰ loondul’g pana: Ḭta aw loo-si dee’g mbata ma m’uba dee m’ya̰ dee jii’g mba̰.

1 Samel 11:9

Deḛ d’ula njékaḭkulaje gə́ ree lé pana: Seḭ a kulaje dəwje gə́ Jabɛs gə́ Galaad’g lé pajena: Bèlè loo gə́ kàr a nuŋga kəd-kəd ndá seḭ a kiŋgaje njétaa dɔ síje ya. Njékaḭkulaje d’aw gə ta neelé d’aw d’ula njé gə́ Jabɛs d’ar rɔlel rusu meḛ dee tub-tub