Jujé 11:2 - Maktub gə́ To gə Kəmee

² gə rɔ mbaije gə́ d’isi dɔgel par gə́ kaar mbalje’g ləm, gə deḛ gə́ d’isi ndag-loo’g par gə́ dɔkɔl lə Kineret ləm, gə deḛ gə́ d’isi wəl-loo’g ləm, gə deḛ gə́ d’isi dɔdərlooje gə́ Dor par gə́ dɔ-gó ləm,

Jujé 11:2 ပူးပေါင်းရင်းမြစ်များ

1 Mbaije 15:20

Ben-Adad ndigi ta lə mbai Asa lé ya tɔ ndá, yeḛ ula ɓé-njérɔje ləa mba kar dee d’aw rɔ gə ɓee-booje gə́ Israɛl ndá yeḛ dum dɔ Ijo̰, gə Dan, gə Abel-Bet-Maaka ləm, gə ɓeeje gə́ Kineret lai ləma, gə ɓeeje gə́ Neptali lai ləm tɔ.

1 Mbaije 4:11

Ŋgolə Abinadab guburu ɓee dɔ naŋgje gə́ Dor. Yeḛ lé taa Tapat, ŋgolə Salomo̰ gə́ dené ləa.

Bula lə Israɛlje 34:11

yee a kḭ Sepam rəm par gə́ Ribla gə́ to par gə́ bər loo gə́ Aḭ, rəw-nimee a rəm saar kun dɔ koŋgo baa-boo gə́ Kineret par gə́ bər,

Lugu 1:39

Mee ndəa’g neelé Mari ḭ kalaŋ aw gə tɔgee par gə́ dɔ mbal’g mee ɓee-boo’g lə Juda.

Lugu 5:1

Loo gə́ Jeju aar ta mán baa-boo gə́ ria lə Genesaret ar boo-dəwje d’aw dɔ na̰’d wur-wur rəa’g mba koo ta lə Ala lé

Jujé 10:40

Togə́bè Juje dum dɔ ɓeeje neelé lai, ɓeeje gə́ to kaar mbal’g ləm, gə njé gə́ par gə́ dɔkɔl ləm, gə njé gə́ to ndag-loo’g ləma, gə njé gə́ to dɔdərloo’g ləm tɔ ndá yeḛ tuji mbaije lai, yeḛ ya̰ loo ar dəw kára kara aḭ aw el ləm, yeḛ tuji néje lai gə́ d’əmə ləm tɔ, to gə́ Njesigənea̰, Ala lə Israɛlje un ne ndia aree lé.

Jujé 10:6

Njé gə́ Gabao̰ d’ula kula rɔ Juje’g loo-siée’g Gilgal d’ulá pana: Maji kari uba kuraje ləi ya̰ dee gə goo ŋgalee el ləm, ḭ kalaŋ gə tɔgi ree rɔ sí’g taa sí ɔm sí tar la ne sə sí ləm tɔ, mbata mbaije lə Amɔrje lai gə́ d’isi kaar mbal’g lé d’unda siŋga dee na̰’d rɔ sə sí.

Jujé 11:16

Togə́bè ɓa Juje taa ne ɓeeje neelé lai: loo gə́ kaar mbal’g ləm, gə loo gə́ par gə́ dɔkɔl lai ləm, gə loo gə́ Gosen lai ləm, gə loo gə́ to wəl-loo’g ləm, gə loo gə́ to ndag-loo’g ləma, gə loo gə́ to kaar mbal gə́ Israɛl əsé wəl-looje gə́ keneŋ ləm tɔ,

Jujé 11:21

Mee ndəaje’g neelé ya Juje ḭ aw rɔ gə Anakje gə́ d’isi kaar mbal gə́ Ebro̰ ləm, gə Dəbir ləm, gə Anab ləma, gə kaar mbal gə́ Juda gə kaar mbal gə́ Israɛl lai ləm tɔ, tɔl dee ne mbad-mbad, Juje tuji dee-deḛ gə ɓee-booje lə dee pugudu-pugudu.

Jujé 12:23

gə ɓee-boo gə́ Dor gə́ to dɔdərlooje gə́ Dor ləm, gə ɓee-boo gə́ Gojim gə́ to mbɔr Gilgal’g ləma,

Jujé 12:3

mee ndag-loo’g saar teḛ baa-boo-kad gə́ Kineret par gə́ bər ləm, saar teḛ baa-boo-kad gə́ to ndag-loo’d gə́ to baa-boo-kad gə́ ria lə Baa-Kad par gə́ bər mbɔr Bet-Jesimot’g ləm tɔ, tɔɓəi loo gə́ par gə́ dɔkɔl mbɔr mbal’d gə́ Pisga tɔ.

Jujé 13:27

gə ɓeeje gə́ to mee wəl-loo gə́ ri dee lə Bet-Haram, gə Bet-Nimra, gə Sukot, gə Sapo̰ gə́ to ges ɓeeko̰ lə Siho̰, mbai gə́ Esbon ləm tɔ, ar baa gə́ Jurdɛ̰ to gə́ rəw-nim-ɓee saar teḛ ne ta baa-boo-kad gə́ Kineret gə́ to kel tura-baa gə́ Jurdɛ̰ gə́ nu par gə́ bər lé.

Jujé 17:11

Ɓee-booje gə́ na̰je gə́ to ka̰ Manasə gə́ to dɔ naŋg’d lə Isakarje gə Aserje lé ri dee ɓa nee: Bet-səan gə ɓee-kogoje ləa ləm, Jibləam gə ɓee-kogoje ləa ləm, njé gə́ d’isi Dor gə ɓee-kogoje ləa ləm, njé gə́ d’isi Taanak gə ɓee-kogoje ləa ləma, gə njé gə́ d’isi Megido gə ɓee-kogoje ləa ləm tɔ, yee ɓa to dəb ɓeeko̰je gə́ munda lé.

Njéga̰g-Rəwtaje 1:27

Manasə tuba dəwje gə́ d’isi Bet-Səan gə ɓee-booje gə́ wɔji dəa el ləm, gə Taanak gə ɓee-booje gə́ wɔji dəa el ləm, gə Dor gə ɓee-booje gə́ wɔji dəa el ləm, gə Jibləam gə ɓee-booje gə́ wɔji dəa el ləma, gə Megido gə ɓee-booje gə́ wɔji dəa el ləm tɔ, bèe ɓa Kana̰je ndigi nai ne mee ɓee’g neelé tɔ.