Jujé 10:5 - Maktub gə́ To gə Kəmee

⁵ Yen ŋga mbaije lə Amɔrje gə́ mi gə́ to mbai gə́ Jerusalem ləm, gə mbai gə́ Ebro̰ ləm, gə mbai gə́ Jarmut ləm, gə mbai gə́ Lakis ləma, gə mbai gə́ Eglo̰ ləm tɔ lé, mbo̰ dɔ na̰ ndá d’aw gə njérɔje lə dee na̰’d lai, deḛ ree d’isi mbɔr Gabao̰’g ndá d’ubá naŋg bus rɔ səa tɔ.

Jujé 10:5 ပူးပေါင်းရင်းမြစ်များ

Gḭ-Néje 15:16

Ŋgakaije gə́ njekɔm’g sɔ lé d’a tel ree loo gə́ nee’g gogo ɓəi. Mbata néra Amɔrje gə́ ndɔji pɔdɔdɔ lé nai ɓəi ɓó teḛ lai el ɓəi.

Jeremi 34:7

Mee ndəa’g neelé njérɔje lə mbai gə́ Babilɔn rɔ gə Jerusalem gə ɓee-booje gə́ Juda gə́ raŋg lai ləm, gə Lakis gə Ajeka ləm tɔ mbata deḛje nee ɓa to ɓee-booje gə́ siŋga dee to yaa̰ gə́ nai mbuna ɓee-booje gə́ Juda lé.

Bula lə Israɛlje 13:29

Amalekje d’isi par gə́ dɔkɔl, Hetje, gə Yebusje gə Amɔrje d’isi dɔ mbal’g, tɔɓəi Kana̰je d’isi mbɔr baa-boo-kad’g ləm, gə dɔ koŋgo baa gə́ Jurdɛ̰’g ləm tɔ.

Jujé 10:16

Mbaije gə́ mi lé d’aḭ d’iya rɔ dee mee bolè mbal gə́ Makéda.

Jujé 10:6

Njé gə́ Gabao̰ d’ula kula rɔ Juje’g loo-siée’g Gilgal d’ulá pana: Maji kari uba kuraje ləi ya̰ dee gə goo ŋgalee el ləm, ḭ kalaŋ gə tɔgi ree rɔ sí’g taa sí ɔm sí tar la ne sə sí ləm tɔ, mbata mbaije lə Amɔrje lai gə́ d’isi kaar mbal’g lé d’unda siŋga dee na̰’d rɔ sə sí.

1 Samel 7:14

Ɓee-booje gə́ Pilistije taa ji Israɛlje’g lé tel to ka̰ Israɛlje gogo, un kudee Ekro̰ saar teḛ Gat gə dɔ naŋg lə dee. Israɛlje taa dee ji Pilistije’g. Togə́bè ɓa meelɔm to ne mbuna Israɛlje’g gə Amɔrje’g tɔ.