Jujé 10:3 - Maktub gə́ To gə Kəmee

³ Togə́bè Adoni-Sedek, mbai gə́ Jerusalem ula kula rɔ Hoham, mbai gə́ Ebro̰ ləm, gə rɔ Piream, mbai gə́ Jarmut ləm, gə rɔ Japia, mbai gə́ Lakis ləma, gə rɔ Dəbir, mbai gə́ Eglo̰ ləm tɔ pana:

Jujé 10:3 ပူးပေါင်းရင်းမြစ်များ

Gḭ-Néje 23:2

Sara wəi ɓee gə́ Kirjat-Arba gə́ to Ebro̰ dɔ naŋg ɓee gə́ Kana̰. Ndá Abrakam ree mba kwa ndòo yoo Sara ləm, gə mba no̰ neán ləm tɔ.

Gḭ-Néje 37:14

Israɛl ulá pana: Aw goo ŋgakɔḭje oo, see d’isi gə́ majee ya wa. See koso-nékulje kara d’aw gə́ majee to wa. Ndá i a tel ree kulam taree ya. Togə́bè yeḛ aree ḭ wəl-loo gə́ Ebro̰ ndá Jisəb aw teḛ Sikem.

2 Samel 2:11

Ndɔje gə́ Dabid o̰ ne ɓee dɔ Judaje’g mee ɓee gə́ Ebro̰ lé to ləb siri gə naḭ misa̰.

2 Mbaije 18:14

Ejekias, mbai gə́ Juda ula kula Lakis rɔ mbai gə́ Asiri’g pana: Ma m’ra né kára gə́ to lée’g el. Ɔr rɔi rɔm’g gə́ raŋg. Néje lai gə́ i a kwɔji dɔm’g lé m’a ra née ya. Yen ɓa mbai gə́ Asiri wɔji larnda as nékwɔji kwɔi-lə-né tɔl-dɔg-loo-jinaikara (9.000) ləm, gə larlɔr as nékwɔji kwɔi-lə-né tɔl-jinaikara (900) ləm tɔ dɔ Ejekias, mbai gə́ Juda’g.

2 Mbaije 18:17

Mbai gə́ Asiri ula Tarta̰, gə Rab-Saris, gə Rabsake, ar dee d’ḭ Lakis gə bao-rɔje bula gə mba kaw rɔ ne gə mbai Ejekias lé ndá deḛ teḛ Jerusalem. Loo gə́ deḛ teḛ keneŋ mba̰ ndá d’aar naŋg mbɔr bwa kəm-rəw-mán gə́ to loo ŋgəm mán gə́ to dɔ maree’g, bwa kəm-rəw-mán neelé to rəw ndɔ’g lə njetogo kubu karee ndá kələw-kələw.

2 Sôrta Gḭka Israɛlje 11:9

gə Adorayim, gə Lakis, gə Aseka,

Jeremi 34:7

Mee ndəa’g neelé njérɔje lə mbai gə́ Babilɔn rɔ gə Jerusalem gə ɓee-booje gə́ Juda gə́ raŋg lai ləm, gə Lakis gə Ajeka ləm tɔ mbata deḛje nee ɓa to ɓee-booje gə́ siŋga dee to yaa̰ gə́ nai mbuna ɓee-booje gə́ Juda lé.

Misee 1:13

Seḭ dəw-mee-ɓeeje gə́ Lakis lé Maji kar sí tɔje kundaje gə́ ŋgwɔd no̰ pusu-rɔje’g lə sí. Seḭ nja gə́ njḛdɔr Jerusalem dan kaiya’g dɔtar Mbata némajel lə Israɛlje lé D’iŋga rɔ sí-seḭ’g ya.

Bula lə Israɛlje 13:22

D’un rəw par gə́ dɔkɔl ndá d’aw saar teḛ Ebro̰, lé neelé Ahiman, gə Sesai gə Talmai, ŋgalə Anak d’isi keneŋ. Ebro̰ lé deḛ ra as ləb siri kédé ɓa ra Soan gə́ mee ɓee gə́ Ejiptə ɓəi.

Jujé 10:1

Loo gə́ Adoni-Sedek, mbai gə́ Jerusalem oo to gə́ Juje taa ɓee gə́ Ai tujee pugudu-pugudu ləm, oo to gə́ yeḛ ra gə Ai gə mbai gə́ keneŋ to gə́ yeḛ ra gə Jeriko gə mbai gə́ keneŋ ləma, oo to gə́ njé gə́ Gabao̰ d’ɔm na̰’d gə Israɛlje d’isi ne mbuna dee’g ləm tɔ ndá,

Jujé 10:23

Deḛ ra togə́bè ya, mbaije gə́ mi gə́ d’ar dee d’unda loo mee bolè mbal’g teḛ raga gə́ deḛ ree sə dee rəa’g lé ɓa nee: mbai gə́ Jerusalem ləm, gə mbai gə́ Ebro̰ ləm, gə mbai gə́ Jarmut ləm, gə mbai gə́ Lakis ləma, gə mbai gə́ Eglo̰ ləm tɔ.

Jujé 10:34

Juje gə Israɛlje lai d’ḭ Lakis d’aw Eglo̰, deḛ d’wa loo-si dee ta ɓee’g neelé ɓa d’ur dəa’g gə rɔ ɓəi.

Jujé 10:5

Yen ŋga mbaije lə Amɔrje gə́ mi gə́ to mbai gə́ Jerusalem ləm, gə mbai gə́ Ebro̰ ləm, gə mbai gə́ Jarmut ləm, gə mbai gə́ Lakis ləma, gə mbai gə́ Eglo̰ ləm tɔ lé, mbo̰ dɔ na̰ ndá d’aw gə njérɔje lə dee na̰’d lai, deḛ ree d’isi mbɔr Gabao̰’g ndá d’ubá naŋg bus rɔ səa tɔ.

Jujé 14:15

Ebro̰ lé kédé d’unda ria lə Kirjat-Arba, Arba lé to dəw gə́ boo ur dɔ Anakje’g lai ya. Togə́bè ɓa ɓee neelé to ne lɔm ar rɔ godo ne keneŋ tɔ.

Jujé 15:54

gə Umta, gə Kirjat-Arba gə́ to Ebro̰ gə Siɔr, ɓee-booje jinaikara gə ɓee-kogoje lə dee.

Jujé 15:63

Judaje lé d’askəm tuba njé gə́ Yebus gə́ d’isi Jerusalem lé el ndá d’ar njé gə́ Yebus d’isi gə Judaje Jerusalem saar teḛ ne mee ndɔ gə́ ɓogənè lé tɔ.

Jujé 18:28

gə Sela, gə Elep, gə Yebus gə́ to Jerusalem, gə Gibea, gə Kirjat, d’as ɓee-booje dɔg-giree-sɔ gə ɓee-kogoje lə dee. Yee ɓa to dɔ naŋg lə ŋgaka Bḛjamije gə goo gel-bɔje lə deḛ gə́ d’iŋga gə́ né ka̰ dee lé tɔ.