Jujé 1:7 - Maktub gə́ To gə Kəmee

⁷ Wa rɔi kɔgərɔ ya ləm, wa diŋgam məəi’g ləm tɔ gə mba ra néje lai gə goo godndu Moyis gə́ to kura ləm gə́ yeḛ un ari lé. A ra karee ɔr rɔd ɓó a k’aw ne yo-yo nee-nee el, bèe ɓa né gə́ rara gə́ i a gə ra lé a teḛ mbi gə teḛ boo ya tɔ.

Jujé 1:7 ပူးပေါင်းရင်းမြစ်များ

1 Mbaije 2:2

M’a gə kun rəw gə́ dəwje lai gə́ dɔ naŋg nee d’un lé ya. Maji kari wa rɔi kɔgərɔ gə́ dəw gə́ diŋgam ya.

1 Mbaije 2:3

Maji kari aa dɔ godnduje lə Njesigənea̰, Ala ləi kər-kər ləm, gə njaa kila-rəwje’g ləa ləm, gə aa dɔ godndiaje, gə ndukunje ləa gə rəwta-gaŋgje ləa gə tandooje ləa ləm tɔ gə goo ta gə́ ndaŋg mee maktub godndu’g lə Moyis lé, togə́bè ɓa i a teḛ ne kɔr dɔ néje lai gə́ i a gə ra’g ləm, gə looje lai gə́ i a gə njaa keneŋ ləm tɔ.

2 Mbaije 22:2

Yeḛ ra né gə́ danasur kəm Njesigənea̰’g un ne dɔ gɔl keaje Dabid ya lad-lad, yeḛ aw yo-yo nee-nee el tɔ.

1 Sôrta Gḭka-Israɛlje 22:13

Togə́bè ɓa i a teḛ ne kɔr loo gə́ i a tɔs kəmi bao-bao dɔ ndukunje gə godnduje gə́ Njesigənea̰ un ar Moyis mbata lə Israɛlje lé. Wa rɔi kɔgərɔ ləm, wa diŋgam məəi’g ləma, ɓəl əsé unda bala el ləm tɔ.

2 Sôrta Gḭka Israɛlje 15:7

Nɛ seḭ lé ɓasinè maji kar sí waje diŋgam meḛ sí’g ləm, arje ji sí unda ndolè el ləm tɔ mbata kula ra sí lé seḭ a kiŋgaje nédɔji sí keneŋ ya.

2 Sôrta Gḭka Israɛlje 26:5

Yeḛ ula rəa ndubu ndolè ne goo Ala, loo gə́ Jakari yeḛ gə́ to njégər goso némḭdije lə Ala si ne kəmba ɓəi lé. Mee ləbje gə́ yeḛ ndolè ne goo Njesigənea̰ lé Ala aree si dan maji’g tɔ.

Maktub gə́ wɔji dɔ Jɔb 1:8

Njesigənea̰ dəji Njekurai pana: See i oo kura ləm Jɔb wa. Gar dəw gə́ togə́bè godo dɔ naŋg nee. Yeḛ to njera né gə́ gə goo rəbee ləm, gə njenéra gə́ danasur ləm tɔ, yeḛ ɓəl Ala ləm, unda ne rəa ɓad dɔ néra gə́ majel’g ləm tɔ.

Pakɔsje 80:19

Nɛ jeḛ lé j’a kundaje rɔ sí rɔi’g ŋgərəŋ el ŋga, Maji kari ar sí n’tel j’isije kəmba gogo Ndá j’a ɓar ne rii ya tɔ.

Gosota-Kəmkàrje 4:27

Maji kari tel aw gə́ dɔkɔl əsé dɔgel el ləm, Ila gɔli rəw gə́ majel’g el ləm tɔ.

Gosota-Kəmkàrje 8:20

Ma m’njaa rəw néra gə́ gə dɔ najee’g, Dan kila-rəwje’g lə néra gə́ danasur

Loo gə́ killa rea kəm Daniel’g 10:19

Tɔɓəi yeḛ ulam pana: I gə́ Ala undai dan kəmee’g lé maji kari ɓəl el ləm, si gə meelɔm ləma, wa rɔi kɔgərɔ wa diŋgam məəi’g ləm tɔ! Loo gə́ yeḛ si ulam ta bèe-bèe ndá siŋgam tel ree rɔm’g am m’pana: Maji kar mbai ləm pata ya mbata i am siŋgam mba̰ ya.

Bula lə Israɛlje 27:23

Yeḛ ila jia dəa’g ləm, yeḛ un ndia aree ləm tɔ, to gə́ Njesigənea̰ ya un ne ndia ar Moyis lé.

Tel tura Godndu 11:8

Togə́bè ɓa seḭ a kaaje dɔ tornduje gə́ ma m’un m’ar sí ɓogənè lé gə mba kar sí iŋgaje ne siŋga sí gə mba kaw taaje ne ɓeeje gə́ seḭ a gə dəsje keneŋ gə mba taa gə́ ka̰ sí lé ləm,

Tel tura Godndu 28:14

loo gə́ seḭ a kubaje goo ndukunje lai gə́ ma m’ar sí ɓogənè lé kya̰je mba kawje yo-yo nee-nee, gə mba ndolèje ne goo magəje gə mba raje né kar dee el lé ləm tɔ.

Tel tura Godndu 29:8

Maji kar sí aaje dɔ ta manrɔje neelé kər-kər ləm, raje née ləm tɔ ɓa gə mba kar sí teḛje ne kɔr dɔ néje’g lai gə́ seḭ a gə raje lé.

Tel tura Godndu 29:9

Ɓogənè seḭ reeje aarje no̰ Njesigənea̰ Ala’g lə sí, seḭ lai ləm, gə mbai dɔ ginkojije lə sí ləm, gə ŋgatɔgje lə sí ləm, gə dəwje gə́ boo lə sí ləm, gə dəwje gə́ Israɛl lai ləm,

Tel tura Godndu 31:7

Moyis ɓar Juje ulá ta kəm Israɛlje’g lai ya pana: Wa rɔi kɔgərɔ ləm, gə wa diŋgam məəi’g ləm tɔ mbata i nja a gə kaw gə koso-dəwje neelé mee ɓee gə́ Njesigənea̰ man ne rəa ar bɔ deeje-je gə mba kar dee ndá to i ɓa a kar dee d’aw taa gə́ né ka̰ dee-deḛ ya.

Tel tura Godndu 4:2

Seḭ a kilaje ta gə́ raŋg kára kara dɔ ta gə́ ma m’un ne ndum m’ar sí nee lé el ləm, seḭ a kɔrje ta kára kara keneŋ el ləm tɔ, nɛ seḭ a kaaje dɔ godndu Ala lə sí gə́ Njesigənea̰ kər-kər gə mba karee to gə goo taree gə́ m’ndaŋg ne m’ar sí lé ya.

Tel tura Godndu 5:32

Né gə́ Ala lə sí gə́ Njesigənea̰ un ndia dɔ’g gə mba kar sí raje lé seḭ a raje kaareeje ɔr rɔd ya, seḭ a kawje ne yo-yo nee-nee el.

Jujé 1:1

Loo gə́ Moyis gə́ to kura lə Njesigənea̰ lé wəi mba̰ ndá Njesigənea̰ ula Juje, ŋgolə Nun gə́ to njela gə Moyis lé pana:

Jujé 1:8

Ta gə́ mee maktub godndu’g neelé maji karee lal tai el, maji kari la̰ji toree məəi’g dan kàrá gə loondul’g gə mba ra néje lai gə́ ndaŋg taree keneŋ, togə́bè ɓa kula raije lai d’a maji ne kɔr njal ləm, i kara a teḛ ne kɔr ləm tɔ.

Jujé 1:9

See m’un ndum m’ari m’pana: Wa rɔi kɔgərɔ ləm, wa diŋgam məəi’g ləm tɔ, see m’pa bèe el wa. Ar ɓəl rai el ləm, ar siŋgasa wai el ləm tɔ mbata Njesigənea̰, Ala ləi a nai səi gə loo gə́ rara gə́ i a kaw keneŋ lé ya.

Jujé 11:15

Ndukunje lə Njesigənea̰ gə́ yeḛ un ar Moyis, kura ləa ləm, ar Moyis kara un ar Juje ləm tɔ lé Juje ra tɔl bém ɓó yeḛ ya̰ né kára kara gə́ Njesigənea̰ un ndia dɔ’g ar Moyis lé el.

Jujé 23:6

Bèe ndá waje rɔ sí kɔgərɔ gə mba kaa dɔ taje lai gə́ to mee maktub godndu gə́ ka̰ Moyis’g mba ra née ɓó seḭ a kubaje kya̰je kawje ne yo-yo nee-nee el ŋga.