Jujé 1:6 - Maktub gə́ To gə Kəmee

⁶ Wa rɔi kɔgərɔ ləm, gə wa diŋgam məəi’g ləm tɔ, mbata i nja ɓa a kar dəwje neelé taa ɓee neelé gə́ ka̰ dee-deḛ to gə́ ma man ne rɔm m’ar bɔ deeje-je gə mba kar dee lé ya.

Jujé 1:6 ပူးပေါင်းရင်းမြစ်များ

Gḭ-Néje 12:7

Njesigənea̰ teḛ dɔ Abram’g ulá pana: Ɓee neelé m’a kar ŋgakaije gə́ ka̰ dee-deḛ. Togə́bè Abram ra loo-nékinjaməs ar Njesigənea̰ gə́ teḛ dəa’g lé.

Gḭ-Néje 26:3

I a si mee ɓee’g neelé waga ndá m’a nai səi ləm, m’a tɔr ndum dɔi’g ləm tɔ. Mbata dɔ naŋg ɓeeje neelé lai lé m’a kari-i gə ŋgakaije ya. M’a ra né gə́ ma man ne rɔm m’ar bɔbije gə́ Abrakam lé karee ɔr rɔd ya.

2 Samel 10:12

Wa rɔi kɔgərɔ ləm, ar sí j’waje diŋgam meḛ sí’g ləm tɔ mbata lə koso-dəwje lə sí ləm, gə mbata ɓee-booje lə Ala lə sí ləm tɔ ndá maji kar Njesigənea̰ ra né gə́ yeḛ oo gə́ né gə́ maji kəm ra ya.

1 Mbaije 2:2

M’a gə kun rəw gə́ dəwje lai gə́ dɔ naŋg nee d’un lé ya. Maji kari wa rɔi kɔgərɔ gə́ dəw gə́ diŋgam ya.

1 Sôrta Gḭka-Israɛlje 22:13

Togə́bè ɓa i a teḛ ne kɔr loo gə́ i a tɔs kəmi bao-bao dɔ ndukunje gə godnduje gə́ Njesigənea̰ un ar Moyis mbata lə Israɛlje lé. Wa rɔi kɔgərɔ ləm, wa diŋgam məəi’g ləma, ɓəl əsé unda bala el ləm tɔ.

1 Sôrta Gḭka-Israɛlje 28:10

Oo ɓasinè, Njesigənea̰ ɔri gə mba kari unda kəi gə́ to gə kəmee. Maji kari wa rɔi kɔgərɔ, gə́ ra né ya.

1 Sôrta Gḭka-Israɛlje 28:20

Dabid ula Salomo̰ pana: Ŋgonəm, maji kari wa rɔi kɔgərɔ, wa diŋgam məəi’g tɔɓəi gə́ ra né ɓó ɓəl el ləm, unda bala el ləm tɔ. Mbata Njesigənea̰, Ala gə́ to Ala ləm lé yeḛ a nai səi ləm, yeḛ a kubai kya̰’i el ləm tɔ saar kari tɔl ne kulaje lai gə́ wɔji dɔ kəi lə Njesigənea̰ lé bém ya.

2 Sôrta Gḭka Israɛlje 15:7

Nɛ seḭ lé ɓasinè maji kar sí waje diŋgam meḛ sí’g ləm, arje ji sí unda ndolè el ləm tɔ mbata kula ra sí lé seḭ a kiŋgaje nédɔji sí keneŋ ya.

2 Sôrta Gḭka Israɛlje 20:11

aa oo, maji gə́ jeḛ n’ra lé tel ree majel dɔ sí’g ar dee ree tuba sí dɔ naŋg gə́ i ar sí gə́ né ka̰ sí lé.

2 Sôrta Gḭka Israɛlje 20:7

Ǝi Ala lə sí, see to i nja ɓa tuba koso-dəwje gə́ mee ɓee’g neelé no̰ koso-dəwje ləi gə́ Israɛl ya̰ ne loo ar ŋgaka Abrakam gə́ d’undai dan kəm dee’g lé gə no̰ el wa.

Pakɔsje 27:14

Maji kari ar məəi to yel gə́ dɔ Njesigənea̰’g! Maji kari wa diŋgam məəi’g ɓó gə wa məəi kɔgərɔ! Maji kari ar məəi to yel gə́ dɔ Njesigənea̰’g ya.

Loo gə́ killa rea kəm Daniel’g 10:19

Tɔɓəi yeḛ ulam pana: I gə́ Ala undai dan kəmee’g lé maji kari ɓəl el ləm, si gə meelɔm ləma, wa rɔi kɔgərɔ wa diŋgam məəi’g ləm tɔ! Loo gə́ yeḛ si ulam ta bèe-bèe ndá siŋgam tel ree rɔm’g am m’pana: Maji kar mbai ləm pata ya mbata i am siŋgam mba̰ ya.

Ajee 2:4

Njesigənea̰ pana: Ɓasinè, i Jorobabel, wa rɔi kɔgərɔ! I Juje, ŋgolə Josadak, ŋgɔ-njekinjanéməs lé wa rɔi kɔgərɔ! Seḭ koso-dəwje lai gə́ mee ɓee’g lé waje rɔ sí kɔgərɔ! Njesigənea̰ ɓa pa bèe. Tɔɓəi raje kula! Mbata neḛ nja nai sə sí ya. Njesigənea̰ gə́ njeboo-néje ɓa pa bèe.

Jakari 8:9

Njesigənea̰ gə́ njeboo-néje lé pa togə́bè pana: Seḭ gə́ ɓogənè ooje taje nee ta njéteggintaje’g Gə́ teḛ mee ndəa gə́ deḛ tum ne gin kəi lə Njesigənea̰ gə́ njeboo-néje lé Loo gə́ d’a gə kunda ne kəi gə́ to gə kəmee lé Arje ji sí ɓar mèr-mèr.

Bula lə Israɛlje 26:53

Ɓee neelé d’a kai na̰ gə mba karee to ka̰ dee ka̰ dee gə goo bula lə dee lə dee.

Bula lə Israɛlje 33:53

Seḭ a taaje ɓee neelé gə́ ka̰ sí-seḭ ndá seḭ a raje ɓee keneŋ, mbata ma m’ar sí ɓee neelé gə mba karee to né ka̰ sí-seḭ ya.

1 Njé gə́ Kɔrḭtə 16:13

Sije kəmba arje kəm sí ɔs loo pal-pal ləm, aarje dɔ meekun’g lə sí njaŋg ləm, waje rɔ gə́ diŋgam ləma, aarje kɔgərɔ ləm tɔ.

Njé gə́ Epesə 6:10

Ŋgakɔmje, namje kaar Mbaidɔmbaije’g lə sí taaje ne siŋgamoŋ ləa gə́ dum dɔ loo oreeje ne maree lə sí.

Tel tura Godndu 1:21

Aa ooje, Ala lə sí gə́ Njesigənea̰ unda ɓee neelé no̰ sí’g, awje aw taaje gə́ ka̰ sí to gə́ Njesigənea̰, yeḛ gə́ to gə́ Njesigənea̰ Ala lə bɔ síje-je ula sí lé, maji kar sí ɓəlje el ləm, arje kaar sí ndəb el ləm tɔ.

Tel tura Godndu 1:8

Aa ooje, ma m’unda ɓee lé no̰ sí’g ya, Maji kar sí awje aw taaje ɓee neelé gə́ ka̰ sí-seḭ ya. Mbata to ɓee gə́ Njesigənea̰ man ne rəa ar bɔ síje-je gə́ Abrakam, gə Isaak, gə Jakob mba kar dee-deḛ gə ŋgaka deeje gə́ goo dee’g ya.

Tel tura Godndu 11:8

Togə́bè ɓa seḭ a kaaje dɔ tornduje gə́ ma m’un m’ar sí ɓogənè lé gə mba kar sí iŋgaje ne siŋga sí gə mba kaw taaje ne ɓeeje gə́ seḭ a gə dəsje keneŋ gə mba taa gə́ ka̰ sí lé ləm,

Tel tura Godndu 31:23

Njesigənea̰ un ndukunje ləa ar Juje, ŋgolə Nun. Yeḛ pana: Wa rɔi kɔgərɔ ləm, wa diŋgam məəi’g ləm tɔ mbata to i ɓa a gə kar Israɛlje d’andə mee ɓee gə́ ma man rɔm gə mba kar dee lé, ndá ma nja m’a nai səi tɔ.

2 Timote 2:1

Ŋgonəm, i kara wa rɔi kɔgərɔ gə goo noji gə́ Jeju Kristi wa səi lé.

Jujé 1:18

Dəw gə́ rara gə́ a kal ta ta godndui’g əsé a mbad ra né gə́ rara gə́ i a kun ndui dɔ’g karee ra lé ndá debee neelé d’a tɔlee gə́ tɔl ya. Nɛ i lé a kwa rɔi kɔgərɔ ləm, gə a kwa diŋgam məəi’g ləm tɔ.

Jujé 1:7

Wa rɔi kɔgərɔ ya ləm, wa diŋgam məəi’g ləm tɔ gə mba ra néje lai gə goo godndu Moyis gə́ to kura ləm gə́ yeḛ un ari lé. A ra karee ɔr rɔd ɓó a k’aw ne yo-yo nee-nee el, bèe ɓa né gə́ rara gə́ i a gə ra lé a teḛ mbi gə teḛ boo ya tɔ.

Jujé 1:9

See m’un ndum m’ari m’pana: Wa rɔi kɔgərɔ ləm, wa diŋgam məəi’g ləm tɔ, see m’pa bèe el wa. Ar ɓəl rai el ləm, ar siŋgasa wai el ləm tɔ mbata Njesigənea̰, Ala ləi a nai səi gə loo gə́ rara gə́ i a kaw keneŋ lé ya.

Jujé 10:25

Juje ula dee pana: Ɓəlje el ləm, undaje bala el ləm tɔ, waje rɔ sí kɔgərɔ ləm, waje diŋgam meḛ sí’g ləm tɔ, mbata yee gə́ bèe ɓa Njesigənea̰ a ra gə njéba̰je lə sí lai gə́ seḭ a gə rɔje sə dee lé.

Jujé 13:6

dəwje lai gə́ d’isi kaar mbal’g, un kudee Liba̰ saar teḛ ne Misrepot-Mayim ləm, gə Sido̰je lai ləm tɔ. M’a tuba dee no̰ Israɛlje’g. Nɛ i lé maji kari kai Israɛlje ɓee neelé gə goo nékwɔji lée gə́ to asəna gə téḛ bèe karee tel to ka̰ dee-deḛ to gə́ m’un ne ndum m’ari lé.

Jujé 18:3

Juje ula Israɛlje pana: Seḭ tilaje gə́ tila. See ɗi ɓa seḭ aw ŋginaje gə mba k’ḭ kaw taa dɔ naŋg gə́ Njesigənea̰ Ala lə bɔ síje ar sí mba̰ lé ɓəi wa.

Jujé 21:43

Togə́bè ɓa Njesigənea̰ ar Israɛlje ɓee lé gə lé bura moŋgoŋgo̰ to gə́ yeḛ man ne rəa gə mba kar ka deeje lé, deḛ taa ɓee neelé gə́ né ka̰ dee-deḛ ləm, d’isi keneŋ ləm tɔ.

Jujé 5:6

Mbata Israɛlje njaa dɔdilaloo’g as ləb dee rɔ-sɔ, saar mba kar ginkoji dəwje gə́ to njérɔje lai gə́ d’unda loo mee ɓee gə́ Ejiptə teḛ lé d’udu guduru mbata deḛ d’ila ŋgonkoji dɔ torndu Njesigənea̰’g el. Gelee gə́ nee ɓa Njesigənea̰ lé man ne rəa gə mba kar ɓee gə́ yeḛ man rəa ar bɔ deeje gə mba kar síjeḛ lé d’a koo el, to ɓee gə́ mbà gə ubu tə̰ji to keneŋ yaa̰.

1 Samel 4:9

Seḭ Pilistije lé waje rɔ sí kɔgərɔ gə́ diŋgamje mba kar sí toje ɓərje lə Ǝbrəje to gə́ deḛ to ne ɓərje lə sí kédé lé bèe el. Waje rɔ sí gə́ diŋgamje ya rɔ deeje.