Jujé 1:4 - Maktub gə́ To gə Kəmee

⁴ Rəw-nim-ɓee lə sí a kun kudee dɔdilaloo’g saar teḛ Liba̰ ləm, a kun kudee baa gə́ boo gə́ ria lə Epratə, dəs mee ɓee’g lə Hetje lai saar kaw njal teḛ baa-boo-kad gə́ boi’g par gə́ dɔ-gó ləm tɔ.

Jujé 1:4 ပူးပေါင်းရင်းမြစ်များ

1 Mbaije 10:29

gad pusu-rɔ kára gə́ d’ḭ ne Ejiptə’g ree ne lé ndá d’wɔji larnda tɔl-misa̰ (600) ləm, gad kunda kára ndá d’wɔji larnda as tɔl-dəa-rɔ-mi (150) ləm tɔ. Deḛ ree sə dee togə́bè mbata mbaije lə Hetje ləm, gə mbata lə mbaije gə́ Siri kara ləm tɔ.

1 Sôrta Gḭka-Israɛlje 18:3

Dabid dum dɔ Hadaréjer, mbai gə́ Soba par gə́ Amat loo gə́ Hadaréjer lé saŋg loo gə mba kar ɓeeko̰ ləa aw gə́ kédé-kédé mbɔr baa gə́ Epratə’g.

1 Sôrta Gḭka-Israɛlje 5:9

loo gə́ par gə́ bər lé yeḛ ra ɓee keneŋ saar teḛ dɔdilaloo gə́ un kudee baa gə́ Epratə mbata nékulje lə dee bula mee ɓee gə́ Galaad tɔ.

Esdras 4:20

Kédé lé mbaije gə́ to njésiŋgamoŋje ɓa d’isi Jerusalem d’o̰ loo lai gə́ kel tura-baa gə́ nu ndá d’ar dəwje d’uga dɔ rɔ dee ləm, gə négədɓee ləma, d’ar dee d’uga rəw ɓa dəs ne ləm tɔ.

Teḛ-Raga 23:31

M’a kwɔji ŋgaŋ loo lə sí gə rəw nimee-nimee un kudee dɔ baa-boo gə́ ria lə Baa-Kas saar teḛ ne baa-boo’g lə njé gə́ Pilisti ləm, gə kḭ dɔdilaloo’g saar teḛ ta baa’g ləm tɔ, mbata m’a kɔm njéɓeeje neelé ji sí’g ndá seḭ a tuba deeje no̰ sí’g tɔ.

Tel tura Godndu 1:7

Maji kar sí telje awje, a kawje dɔ mbal’g lə Amɔrje gə looje lai gə́ gugu dəa sub ləm, gə ndag-loo’g ləm, gə dɔ mbalje’g ləm, gə mee wəl-loo’g ləm, gə par gə́ dɔkɔl ləm, gə ta baa-boo-kad’g ləm, gə ɓee lə Kana̰je, gə ɓee gə́ Liba̰ ləma, saar teḛ ne baa-boo gə́ to baa gə́ Epratə ləm tɔ.

Tel tura Godndu 11:24

Looje lai gə́ seḭ a kilaje gɔl sí keneŋ lé d’a tel to ka̰ sí: rəw-nim-ɓee lə sí a kun kudee dɔdilaloo’g saar teḛ Liba̰ ləm, a kḭ baa gə́ ria lə Epratə kaw saar teḛ baa-boo-kad’g par gə́ dɔ-gó ləm tɔ.

Tel tura Godndu 3:25

Kɔgərɔ ya, ya̰ loo am, am m’aw m’oo ɓee gə́ maji gə́ to kel tura-baa gə́ Jurdɛ̰ gə́ nu ləm, gə mbalje nee gə́ kura yaa̰ ləma, gə Liba̰ ləm tɔ.

Loo gə́ killa rea kəm Ja̰’g 9:14

Ndu neelé ula kura gə́ dara gə́ njekɔm dee’g misa̰ lé pana: Tudu kuraje gə́ dara sɔ gə́ tɔ dee dɔ baa-boo’d gə́ ɓaree Epratə lé.