Jujé 1:2 - Maktub gə́ To gə Kəmee

² Moyis gə́ to kura ləm lé wəi mba̰, ḭta ɓasinè ya gə́ gaŋg baa gə́ Jurdɛ̰ gə́ nee, i gə koso-dəwje neelé lai gə mba kandə ne mee ɓee gə́ ma m’ar Israɛlje lé.

Jujé 1:2 ပူးပေါင်းရင်းမြစ်များ

Gḭ-Néje 17:8

Ɓee neelé gə́ i si keneŋ asəna gə mbá bèe lé m’a kari gə́ ka̰ ŋgakaije gə́ d’a gə korè gooi, dɔ naŋg gə́ Kana̰ bura a to ka̰ dee-deḛ ya doŋgɔ doi saar-saar gə no̰ ndá m’a to gə́ Ala lə dee lé.

Nehemi 9:23

I ar bula lə ŋgan deeje ḭ dɔ maree’d gə́ kédé-kédé To gə́ kéréméje gə́ dara bèe ləm, I ar dee d’andə mee ɓee Gə́ i un ndui ar bɔ deeje-je mba kar dee taa Gə́ né ka̰ dee-deḛ lé ləm tɔ.

Maktub gə́ wɔji dɔ Jɔb 1:8

Njesigənea̰ dəji Njekurai pana: See i oo kura ləm Jɔb wa. Gar dəw gə́ togə́bè godo dɔ naŋg nee. Yeḛ to njera né gə́ gə goo rəbee ləm, gə njenéra gə́ danasur ləm tɔ, yeḛ ɓəl Ala ləm, unda ne rəa ɓad dɔ néra gə́ majel’g ləm tɔ.

Esai 42:1

Aa ooje kura ləm gə́ m’a gə gədee, Yeḛ gə́ m’ɔree m’undá gə kəmee Gə́ rɔm lelm dəa’g. M’ɔm ndiləm dəa’g ya, Yeḛ a kila mber néra gə́ gə dɔ najee Kar ginkoji dəwje gə raŋg.

Bula lə Israɛlje 12:7

Nɛ kura ləm Moyis lé kea̰ to togə́bè el. Mbata yeḛ njaa gə ŋgonkoji mee kəi’g ləm, wa loo wɔr-wɔr.

Tel tura Godndu 3:28

Un ndui ar Juje ləm, ula diŋgam mée’g ləma, ar siŋgá ḭ dɔ maree’g ləm tɔ, mbata yeḛ nja ɓa a kaw no̰ koso-dəwje’g neelé ləm, yeḛ nja ɓa a kunda dee mee ɓee gə́ a gə kaa gə kəmi lé ləm tɔ.

Tel tura Godndu 31:7

Moyis ɓar Juje ulá ta kəm Israɛlje’g lai ya pana: Wa rɔi kɔgərɔ ləm, gə wa diŋgam məəi’g ləm tɔ mbata i nja a gə kaw gə koso-dəwje neelé mee ɓee gə́ Njesigənea̰ man ne rəa ar bɔ deeje-je gə mba kar dee ndá to i ɓa a kar dee d’aw taa gə́ né ka̰ dee-deḛ ya.

Tel tura Godndu 34:5

Moyis, kura lə Njesigənea̰ wəi lée’g neelé mee ɓee gə́ Moab gə goo ndukun lə Njesigənea̰ lé.

Jujé 1:1

Loo gə́ Moyis gə́ to kura lə Njesigənea̰ lé wəi mba̰ ndá Njesigənea̰ ula Juje, ŋgolə Nun gə́ to njela gə Moyis lé pana:

Jujé 1:11

Awje mbuna koso-dəwje’g loo-si dee’g ndá unje ndu sí arje koso-dəwje neelé pajena: Waje dɔ gɔl nésɔ sí mbata nai ndɔ munda ba ndá seḭ a gaŋgje baa gə́ Jurdɛ̰ gə mba kaw taa ɓee gə́ Njesigənea̰, Ala lə sí ar sí gə́ né ka̰ sí-seḭ lé.