Jujé 1:14 - Maktub gə́ To gə Kəmee

¹⁴ Denéje lə sí ləm, gə ŋgan síje ləma, gə koso-nékulje lə sí ləm tɔ lé deḛ ya d’a nai mee ɓee gə́ Moyis ar sí kel tura baa gə́ Jurdɛ̰ nu, nɛ seḭje lai gə́ toje njésiŋgamoŋje lé a kwaje nérɔje lə sí ji sí’g kawje ne no̰ ŋgako̰ síje’g mba laje ne sə dee

Jujé 1:14 ပူးပေါင်းရင်းမြစ်များ

Teḛ-Raga 13:18

Nɛ Ala ar koso-dəwje d’un rəw gə́ ɔr goŋ par gə́ dɔdilaloo’d gə́ aw par gə́ baa-boo gə́ ria lə baa-Kas. Israɛlje lé d’wa nékadje ji dee’g ɓa d’unda ne loo mee ɓee gə́ Ejiptə teḛ ya.

Bula lə Israɛlje 32:26

Ŋgan síje ləm, gə denéje lə sí ləm, gə koso-nékulje lə sí ləma, gə nékulje lə sí lai ləm tɔ, d’a nai mee ɓee-booje gə́ Galaad,

Tel tura Godndu 20:8

Ɓé-njérɔje lé d’a dəji boo-njérɔje ta gə́ kédé ɓəi pana: See na̰ ɓa to njeɓel lal kwa rəa kɔgərɔ wa. Maji karee tel aw mee kəi’g ləa nà ŋgakea̰je d’a ndaji kəmee tɔ.

Tel tura Godndu 3:19

Ma m’gər gao to gə́ seḭ awje gə nékulje gə́ bula yaa̰ ndá denéje lə sí, gə ŋgan síje gə́ gɔ-gɔ, gə nékulje lə sí ya ɓa d’a nai mee ɓee-booje gə́ ma m’ar sí mba̰ lé

Tel tura Godndu 33:21

Yeḛ mbər néje gə́ doŋgɔr gə́ mee ɓee’g Mbata lée’g neelé d’iya nénduba lə njegel godndu keneŋ, Deḛ d’ɔr no̰ koso-dəwje ləm, Deḛ d’ar néra gə́ gə dɔ najee lə Njesigənea̰ aw lée’g ləma, Gə ndukunje ləa gə́ yeḛ un wɔji ne dɔ Israɛlje lé ləm tɔ.

Jujé 1:13

Arje meḛ sí olé dɔ ndukun gə́ Moyis gə́ to kura lə Njesigənea̰ un ar sí loo gə́ yeḛ pa ne pana: Njesigənea̰, Ala lə sí ar sí loo-kwa-rɔ lə sí ləm, ar sí ɓee neelé ləm tɔ.

Jujé 1:15

saar ndɔ gə́ Njesigənea̰ a kar ŋgako̰ síje loo-kwa-rɔ lə dee to gə́ yeḛ ar sí ne seḭ bèe ləm, gə mba kar dee taa ne ɓee gə́ Njesigənea̰, Ala lə sí ar dee gə́ né ka̰ dee-deḛ ləm tɔ ɓa. Gée gə́ gogo ɓa seḭ a telje reeje mba si ne mee ɓee gə́ to né ka̰ sí-seḭ gə́ Moyis gə́ to kura lə Njesigənea̰ ar sí kel tura-baa gə́ Jurdɛ̰ gə́ nu par gə́ bər ɓəi.

Jujé 4:12

Ginkoji Rubḛje, gə ginkoji Gadje, gə ges ginkoji Manasə lé d’wa nérɔje ji dee’g d’ɔr ne no̰ Israɛlje to gə́ Moyis ula dee ne kédé lé tɔ.

Loo gə́ killa rea kəm Ja̰’g 17:4

Dené lé ula kubu gə́ ndul piro-piro gə kas njir-njir rəa’g ləm, yeḛ ɗɔi rəa gə larlɔr gə jərje gə́ gad dee to yaa̰ gə mərkwɔjije ləm tɔ. Bai gə́ ra gə larlɔr to jia’g ndá néndɔlje ləm, gə ram néje gə́ naŋg nee gə́ mina̰ jɔmri-jɔmri gə́ wɔji dɔ mɔdkaiya ləa ləm tɔ lé rusu bai lé njḭ-njḭ.