Jude 1:4 - Maktub gə́ To gə Kəmee

⁴ Mbata dəwje gə́ na̰je d’andə mbuna sí’g wai-wai, nɛ ta gə́ a gə kwa dɔ dee lé deḛ ndaŋg ləw ba. Deḛ neelé deḛ to njéndɔl-Alaje ɓa deḛ d’un noji lə Ala lə sí telee gə́ né lɔm dɔ néra gə́ kori-kori lə dee ləm, Mbaidɔmbaije Jeju Kristi gə́ to ɓée síje kára ba kiao lé deḛ mbadee saar ləm tɔ.

Jude 1:4 ပူးပေါင်းရင်းမြစ်များ

2 Samel 22:5

Paŋgəm-manje d’aḭ dɔm sub ləm, Kəm-rəw-mán gə́ ka̰ tuji loo lé Am m’ɓəl m’ndəb ne pəd-pəd ləm tɔ.

Pakɔsje 1:1

Dəw gə́ taa ta sula lə njémeeyèrje njaa keneŋ el ləm, Gə ɔs gɔlee naŋg gèŋ rəw’g lə njékaiyaje el ləma, Gə si na̰’d gə njékimlooje el ləm tɔ ndá Yeḛ si gə rɔlel ya.

Pakɔsje 62:2

Oiyo, loo si lɔm ləm lé To mbɔr Ala’g lé ya kára ba, Yeḛ nja ɓa gə́ njegin kajim gə́ m’aji ne.

Matiyo 13:25

Loo gə́ dəwje d’ɔm ɓi yəm ndá njeba̰ ləa aw ila haowa mée’g podé-podé ndá ɔd par aw.

Tagə́maji gə́ Ja̰ ndang 17:3

Gər ndaai-i Ala gə́ gəd kára ba kiao ləm, gə gər ndaa Jeju Kristi gə́ i ulá lé yee ɓa gə́ kəmə gə́ gə no̰ lé ya.

Néra Njékaḭkulaje 11:23

Loo gə́ yeḛ teḛ keneŋ aa loo oo noji gə́ Ala wa sə dee lé ndá yeḛ ra rɔlel, tɔɓəi yeḛ ndəji dee bər-bər mba kar kɔm meḛ lə dee gə́ d’ɔm dɔ Mbaidɔmbaije’g lé d’a reḛ́ keneŋ rḛ́-rḛ́ ya.

Néra Njékaḭkulaje 15:24

Jeḛ lé j’oo to gə́ dəwje gə́ na̰je gə́ d’ḭ ɓee lə sí nee nɛ j’un ndu sí j’ar dee el lé deḛ d’aw d’ula sí na̰’d gə ta lə dee, pélé ne meḛ sí dɔ kankəmrɔ sí’g.

Njé gə́ Galati 2:4

Ta neelé oso mbata lə njé gə́ na̰je gə́ d’wa rɔ dee gə́ ŋgako̰ síje nɛ deḛ to gə́ njéhulaije gə́ d’andə mbuna sí’g gə ŋgəḭ ɓa, mba ŋgəḭ sí koo ŋgonkoji gə́ Jeju ɔm sí ne ta lé, yee ɓa deḛ ra gə mba kwa sí ne gə́ ɓər gogo ɓəi tɔ.

Njé gə́ Galati 5:13

Ŋgakɔmje, deḛ ɓar sí loo ŋgonkoji’g, nɛ loo ŋgonkoji gə́ seḭ sije keneŋ lé maji kar sí raje goso keneŋ mba ra né gə́ ka̰ darɔ ɓa el. Nɛ waje noji gə na̰ mba toje ne kuraje lə na̰.

Njé gə́ Epesə 4:14

Yee ɓa j’a to ne asəna gə ŋganje el ŋga, mbata ŋganje lé d’aw yo-yo nee-nee ləm, leltaje biri dee ləma, sutaje gə ta korije lə dəwje lé tel ne kəm dee ləm tɔ.

1 Timote 5:8

Ɓó lé nana ɓa tɔs kəmee dɔ njénojije’g ləa gə dɔ njékojeeje’g el ndá debee neelé uba meekun ləa ya̰ mba̰ ləm, yeḛ neelé majel ur dɔ dəw gə́ njetar-Ala’g gə́ tar ɓəi ləm tɔ.

2 Timote 2:12

Ɓó lé jeḛ j’ai meḛ sí sam-sam Ndá j’a si səa na̰’d loo-ko̰ɓee’g ləa tɔ. Nɛ ɓó lé j’ɔr rɔ sí gelee’g Ndá yeḛ kara a kɔr rəa rɔ sí’g tɔ.

2 Timote 3:6

Njé gə́ na̰je mbuna dee’g lé ta̰d kudu na̰’g mee kəije’g lə dəwje ndá mbə-denéje gə́ takə̰jije lə dee àr el ləm, to gə́ njékaiyaje gə́ mal néje gə́ ɓəd-ɓəd wa meḛ dee ləm tɔ lé d’wa dee gə́ ɓər.

1 Piɛrə 2:16

Seḭ gə́ toje ŋgankojije lé arje ŋgonkoji lə sí to kubu kon dɔ némeeyèr el nɛ arje néra sí wa bua kuraje lə Ala ya.

1 Piɛrə 2:8

Deḛ daree, d’oso ne mbata d’ila koji dɔ kankəmta’g el, yee gə́ bèe ɓa né gə́ ɔs dee ra dee ne.

1 Piɛrə 4:18

Ɓó lé loo kiŋga kaji lə njemeekarabasur uba mu el ndá see yeḛ gə́ njekɔs-ala-rəw ləm, gə njekaiya ləm tɔ yḛ̀, see ɗi ɓa d’a ra gə rɔ dee wa.

2 Piɛrə 2:10

Deḛ gə́ d’ya̰ rɔ dee d’ar mal néje gə́ yèr gə́ ula pər meḛ dee’g ləm, gə d’ila ndɔl dɔ dəw dɔ deeje’g ləm tɔ lé bo̰ néra dee a kɔs ta dee’g kunda njé gə́ raŋg lai. Deḛje neelé to njédumje ləm, gə njébeeleje ləm tɔ ndá deḛ taji njérɔndubaje gə́ taji ɓó deḛ ndəd kəm dee el.

2 Piɛrə 2:7

ɓó lé yeḛ ɔr Lɔt, njemeekarabasur gə́ mée ea̰ yaa̰ gə mba néra dee gə́ kori-kori lə dəwje neelé gə́ d’ula rɔ dee keneŋ mbiriri lé,

2 Piɛrə 3:7

Tɔɓəi ta gə́ teḛ ta Ala’g lé ɓa dara gə naŋg gə́ ɓasinè lé d’wa ne rɔ deḛ ŋgina ne pər gə́ a ko̰ dee ndɔ gaŋg rəwta’g, ndɔ gə́ dəwje gə́ néra dee to gə goo ka̰ Ala el lé d’a tuji ne ya.

1 Ja̰ 2:22

See na̰ ɓa gə́ njeŋgɔm wa, to yeḛ gə́ ɔs Jeju rəw pana: Yeḛ to Kristi ra wa. Yeḛ gə́ ɔs Bɔ-dəwje rəw ləm, gə ɔs Ŋgonee rəw ləm tɔ ndá yeḛ nja ɓa gə́ Njendaji Kristi lé.

Jude 1:15

gə mba gaŋg rəwta dɔ dəwje’g lai ya ləm, mba kar bo̰ néra gə́ yèr lai gə tapa gə́ yèr lai gə́ njékaiyaje gə́ to njéndɔl-Alaje gə́ d’isi mbuna dee’g d’ila dəa’g lé ɔs ne ta dee’g ləm tɔ.

Jude 1:18

Deḛ d’ula sí pana: ndɔ gə́ rudu lé njédəjinduje d’a si keneŋ ya, d’a ra gə goo mal néje gə́ yèr gə́ ra dee lé.

Loo gə́ killa rea kəm Ja̰’g 15:4

Mbaidɔmbaije, see na̰ ɓa a ɓəli kula ne rɔnduba dɔ rii’g el wa. Mbata i nja kára ba kiao to njerɔkunda. Ginkoji dəwje gə raŋg lai d’a ree d’a kunda barmba nɔḭ’g, Mbata rəwta-gaŋg ləi lé inja kəm dəwje’g ya.