Jude 1:3 - Maktub gə́ To gə Kəmee

³ Seḭ gə́ m’unda sí dan kəm’g lé məəm ɔsm ɓɔḭ-ɓɔḭ gə mba karm m’ndaŋg maktub m’ar sí m’wɔji ne dɔ kaji lə sí gə́ jeḛ j’ɔm na̰ keneŋ sad lé. Bèe ɓa m’isi dɔ gɔlm’g kəgəgə gə mba ndəji sí kar sí badara ne rɔ sí dɔ ta meekun gə́ d’ula ji deḛ gə́ to gə kəmee gɔl kára ba kiao gə́ ŋgaŋgee lé tɔ.

Jude 1:3 ပူးပေါင်းရင်းမြစ်များ

Nehemi 13:25

Ma m’ndaŋg dee ləm, m’ila ndɔl dɔ dee’g ləm, m’kunda njé gə́ na̰je bula mbuna dee’g ləma, m’tɔr yiŋga dɔ dee ləm tɔ ndá m’ar dee manrɔ dee gə ri Ala m’pana: Seḭ a karje ŋgan síje gə́ dené taa ŋgan deeje gə́ diŋgam el ləm, seḭ a taaje ŋgan deeje gə́ dené karje ŋgan síje gə́ diŋgam el ləma, seḭ kara a taa deeje el ləm tɔ.

Esai 45:17

Mbɔl dɔ Njesigənea̰ ɓa Israɛlje d’iŋga ne kaji, To kaji gə́ to saar gə no̰, Seḭ a naije gə rɔkul əsé kəm sɔḭ el Saar-saar gə no̰.

Esai 45:22

Telje gə́ rɔm’g nee Ndá seḭ a kajije ne, Seḭ lai gə́ síje gwɔi naŋg’d lé! Mbata ma nja m’to Ala Ɓó yeḛ gə́ raŋg godo.

Jeremi 9:3

Maji kar nana kara unda kəmkàr dɔ rəa’g Rɔ baokura’g ləa ləm, Maji kar dəw ɔm mée Dɔ ŋgokea̰’g kára kara el ləm tɔ, Mbata ŋgako̰ na̰je lai saŋg loo su kəm na̰ ləm, Baokuraje lə na̰ lai To gə́ njétəd ta kunda ta na̰’dje ləm tɔ.

Néra Njékaḭkulaje 17:3

Yeḛ ɔr ginta wɔji dee rəbee to gə́ némeeko̰ gə́ ra Kristi ləm, gə loo gə́ yeḛ unda ne loo teḛ dan njé gə́ d’wəi’g ləm tɔ lé to gə goo rəw gə́ maktub nee pa lé ya. Yeḛ ula dee pana: Jeju neelé gə́ m’ula sí ta ləa lé yeḛ nja to gə́ Kristi lé ya.

Néra Njékaḭkulaje 18:28

Mbata yeḛ maḭta gə Jibje kəm dəwje’g təsərə tɔji dee gə goo ta gə́ to mee maktub gə́ to gə kəmee lé ar dee d’oo to gə́ Jeju lé to gə́ Kristi ya.

Néra Njékaḭkulaje 20:27

Mbata torndu Ala lai lé ma m’wɔji sí ɓó m’kusu dəa kára kara bèe el.

Néra Njékaḭkulaje 28:28

Bèe ndá maji kar sí ooje to gə́ ta kaji lə Ala lé d’ula njétareeje ndá deḛ d’a taa ya.

Néra Njékaḭkulaje 4:12

Dəw gə́ raŋg rara kara gə́ kaji a kḭ rəa’g lé godo. Ɓó lé seḭ a kawje rara gin dara gə dɔ naŋg nee mbuna dəwje’g kara seḭ a kooje ri dəw gə́ raŋg gə mba kun kaji ne lé el.

Néra Njékaḭkulaje 6:7

Ta lə Ala lé oso gə loo mbidi-mbidi ar bula lə njétaamee-Kristije ḭ dɔ maree’g gə́ kédé-kédé mee ɓee gə́ Jerusalem ləm, boo-njékinjanéməsje kara d’ila ne koji dɔ meekun’g lé ləm tɔ.

Néra Njékaḭkulaje 9:13

Ananias ilá keneŋ pana: Mbaidɔmbaije, m’oo ta néra gə́ majel gə́ dəw neelé ra gə njémeendaje gə́ Jerusalem lé ta dəwje wəg-wəg.

Néra Njékaḭkulaje 9:22

Nɛ siŋga Sool ḭ dɔ maree’g gə́ kédé-kédé ar ta kɔr ləa gə́ ɔr ar dee d’oo to gə́ Jeju to Kristi lé dum dɔ Jibje gə́ d’isi Damas’g lé təs.

1 Njé gə́ Kɔrḭtə 15:3

Aa ooje, ta gə́ ma m’ndoo sí lé m’aree ur dɔ taje’g lai, ma nja kara m’taa gə məəm tɔ. Taree ɓa to nee: Kristi lé wəi mbata kaiya lə sí gə goo ta gə́ mee maktub gə́ to gə kəmee pa ləm,

Njé gə́ Galati 2:5

Jeḛ j’ya̰ loo gə́ ɓəl bèe kára kara j’ar dee el ɓó gə mba kar Tagə́maji gə́ to kankəmta lé to ne njaŋg mbuna sí’g ya.

Njé gə́ Galati 3:28

Bèe ndá Jib əsé Grek godo ləm, ɓər əsé ŋgonkoji godo ləma, diŋgam əsé dené kara godo ləm tɔ, mbata seḭ lai seḭ toje gə́ na̰’d kára ba kiao gin Kristi’g ya.

Njé gə́ Galati 6:11

Aa ooje, kandə ta gə́ moŋg gə́ ma m’ndaŋg ne maktub m’ar sí neelé ma nja m’ndaŋg gə darɔ jim-ma ya.

Njé gə́ Epesə 1:1

Ma Pool, njekaḭkula lə Jeju Kristi gə́ Ala ɔrm kəmee’g to gə́ mée wɔji lé m’ndaŋg maktub nee m’ar deḛ gə́ to gə kəmee Epesə ləm, m’ar majikojije gə́ gin Jeju Kristi ləm tɔ.

Tel tura Godndu 21:9

Togə́bè ɓa seḭ a karje ta kila məs njegelgodo naŋg godo ne mbuna sí’g loo gə́ seḭ a raje né gə́ danasur kəm Njesigənea̰’g lé.

Tel tura Godndu 9:10

ndá Njesigənea̰ am bəgərə mbalje joo gə́ Ala ndaŋg ta keneŋ gə ŋgaw jia lé gə́ wɔji dɔ taje lai gə́ Njesigənea̰ pa ar sí dɔ mbal’g dan pər’g mee ndɔ mbo̰ dɔ na̰’g lé.

Njé gə́ Pilibə 1:1

Ma Pool, jeḛ gə́ Timote, kuraje lə Jeju Kristi lé jeḛ ndaŋg maktub neelé j’ar sí-seḭ gə́ toje gə kəmee gə́ ɔmje na̰’d gə Jeju Kristi gə́ sije Pilibə ləm, j’ar njékaa dɔ Eglisəje gə njékaa dɔ néje lə Eglisəje ləm tɔ.

Njé gə́ Pilibə 1:27

Yee nja m’ula sí kən, arje néra sí wa bua Tagə́maji lə Kristi, togə́bè ɓa, lé m’a kaw koo sí əsé lé m’a godo mbuna sí’g ndá kara m’a koo to gə́ seḭ aarje dɔ gɔl sí’g njaŋg loo kára ba ləm, seḭ undaje siŋga sí na̰’d mba koma̰ gə né gə́ a tuji meekun gə́ wɔji dɔ Tagə́maji lé ləm tɔ,

Njé gə́ Kolosə 1:2

jeḛ ndaŋg maktub nee j’ar ŋgako̰ síje gə́ to majikojije gə́ to gə kəmee gə́ d’ɔm na̰’d gin Kristi gə́ d’isi Kolosə lé. Maji kar noji gə meelɔm gə́ ḭ rɔ Ala Bɔ síje lé nai sə sí ya.

1 Njé gə́ Tesalonikə 2:2

Seḭ gərje gao, to gə́ d’ila rɔkul dɔ sí’g d’ar rɔ sí ndiri ne njigi-njigi mee ɓee gə́ Pilibə nɛ jeḛ j’ɔm meḛ sí dɔ Ala’g, j’wa ne diŋgam meḛ sí’g mba kula sí ne tagə́maji lə Ala gə kəm ŋgon diŋgam dan néje gə́ d’ɔs kaar sí’g.

1 Timote 1:18

Ŋgonəm Timote, ta gə́ m’tɔgi ne neelé to gə́ goo ta gə́ deḛ tegginee d’wɔji ne dɔi kédé lé to mba kar ta nee to kag gədi kari to ne bao-rɔ gə́ gəd ya ləm,

1 Timote 6:12

Aḭ rɔ dɔ meekun’g ləi ləm, kəmə gə́ gə no̰ gə́ deḛ ɓari keneŋ lé wa kɔgərɔ gə goo ta meekun gə́ inja bao gə́ i ɔr ne gée kəm njékɔrgootareeje’g bula lé ləm tɔ.

2 Timote 1:13

Tɔs kəmi dɔ kankəmta gə́ i oo tam’g, ra née gə meekun ləm, gə meenoji gə́ ḭ rɔ Jeju Kristi’g ləm tɔ.

Titə 1:4

Ma m’ndaŋg maktub nee m’ari-i Titə, ŋgonəm gə́ gəd-gəd gin meekun’g gə́ to né gin sí lé. Maji kar noji gə meelɔm gə́ ḭ rɔ Ala Bɔ síje ləm, gə rɔ Jeju Kristi njekaji sí ləm tɔ lé nai səi.

Ǝbrəje 13:22

Ŋgakɔmje, ma m’ra ndòo rɔ sí’g mba kar sí taaje ta gə́ ma m’ndəji sí lé mbata maktub gə́ m’ndaŋg lé m’kai təa wès ba bèe ɓa m’ar sí.

Ǝbrəje 6:9

Seḭ gə́ j’unda sí dan kəm sí’g lé ɓó lé jeḛ m’pa togə́bè kara meḛ sí to dɔ sí-seḭ’g ɓəi, jeḛ n’gər gao, néje gə́ maji unda gə́ d’a kɔm sí rəw-kaji’g ɓa wɔji dɔ sí.

1 Piɛrə 5:12

M’ar Silbɛ̰, ŋgoko̰ sí gə́ majikoji lé ndaŋg maktub nee gə jia ɓəl ar sí, gə mba ndəji sí ne ləm, gə mba kɔr ne goo ta noji lə Ala gə́ seḭ rḛ́je keneŋ lé kar sí gərje gao to gə́ kankəm noji lə Ala ləm tɔ.

2 Piɛrə 1:1

Ma Simo̰ Piɛrə, kura lə Jeju Kristi ləm, gə njekaḭkula ləa ləm tɔ. Ma m’ndaŋg maktub nee m’ar deḛ gə́ mbɔl dɔ meekarabasur lə Ala lə sí gə ka̰ Mbaikaji Jeju Kristi lé to ne njéboameekunje lə sí ya.

2 Piɛrə 2:21

Kar dee d’isi gə́ mbəje dɔ rəw meekarabasur’g maji unda kar dee gər rəbee ɓa d’un kəm dee goo godndu gə́ to gə kəmee d’ubá ne d’yá̰ lé tɔ.

Jude 1:1

Ma Jude, kura lə Jeju Kristi ləm, gə ŋgoko̰ Jak ləm tɔ lé m’ndaŋg maktub nee m’ar dee-deḛ gə́ Ala Bɔ-dəwje ɓar dee ləm, unda dee dan kəmee’g ləma, aḭ bada dɔ dee’g mba kar Jeju Kristi lé ləm tɔ.

Jude 1:17

Nɛ seḭ gə́ m’unda sí dan kəm’g lé arje meḛ sí olé dɔ néje gə́ njékaḭkulaje lə Mbaidɔmbaije Jeju Kristi pa taree d’ula sí kédé lé.

Jude 1:20

Seḭ gə́ m’unda sí dan kəm’g lé undaje siŋga sí dɔ maree’g dɔ meekun’g lə sí gə́ to né gə́ to gə kəmee doi ləm, raje ne tamaji gə goo Ndilmeenda gə́ taa meḛ sí lé ləma,

Loo gə́ killa rea kəm Ja̰’g 12:11

Məs Ŋgonbad lé ɓa deḛ dumee ne ləm, ginta gə́ deḛ d’ɔr njai ɓa deḛ dumee ne ləm tɔ ndá deḛ d’ya̰ rɔ dee yag d’ar yoo ɓó deḛ ɓəl el.

Loo gə́ killa rea kəm Ja̰’g 2:10

Ɓəl nékəmndoo gə́ gə a rai el. Aa oo, njekurai lé a kwa njé gə́ na̰je mbuna sí’g a kila ɗa gɔl sí’g mba kaḭ ne meḛ sí ləm, néurti a ra sí ndɔ dɔg ləm tɔ. Ila ŋgonkoji dɔ Ala’g saar wəi ne, ɓa m’a kari dɔgugu kəmə lé.