Jude 1:23 - Maktub gə́ To gə Kəmee

²³ njé gə́ raŋg lé wa deeje dan pər’g wɔgədɔ aji deeje ləma, deḛ gə́ raŋg ya ɓəi kara maji koo kəmtondoo lə dee ya ləm tɔ nɛ arje meḛ sí aar dɔ dee’g kərm ɓəi, won kaiya gə́ nai kubu’g lə dee lé kara ə̰jije bəḭ-bəḭ ya.

Jude 1:23 ပူးပေါင်းရင်းမြစ်များ

Gosota-Kəmkàrje 7:8

Yeḛ dəs tar mba̰-rəw gə́ mbɔr duu-loo’g, Loo gə́ dené kára mbuna denéje’g neelé aar keneŋ. Ndá yeḛ njaa jan-jan par gə́ kəi-siée’g,

Esai 64:6

Dəw kára kara gə́ njeɓar rii Yeḛ gə́ ɔs rəa ɓad mba kɔm səi na̰’d lé godo. Gelee gə́ nee ɓa i iya ne sə sí kəmi, I ya̰ sí ne mba kar sí j’uduje Gə goo néra majelje lə sí.

Nɔ̰-ndôo gə́ wɔji dɔ Jerusalem 4:14

Deḛ d’ila mbir-mbir dan rəwje’g Asəna gə njékəmtɔje bèe, Məs wa rɔ dee mbəgə-mbəgə. Dəw askəm kɔrɔ rɔ kubuje lə dee el.

Ləbije 14:47

Nana ɓa gə́ to mee kəi’g neelé ndá a togo kubuje ləa, nana ɓa gə́ sɔ né mee kəi’g neelé kara a togo kubuje ləa ya tɔ.

Ləbije 15:17

Kubu əsé ŋgira gə́ rara gə́ mán-mɔdə dəw neelé rad keneŋ ndá d’a tɔgee sugu-sugu, tɔɓəi a mina̰ saar kar kàr a kandə tɔ.

Amɔs 4:11

Neḛ m’ɓugu sí naŋg To gə́ neḛ tuji ne Sɔdɔm gə Gɔmɔr kédé bèe tɔ, Seḭ toje asjena gə dɔdum kag gə́ d’ɔree ta pər’d bèe. Nɛ lé togə́bè kara seḭ tel reeje rɔ neḛ’g el. Njesigənea̰ ɓa pa bèe.

Njé gə́ Rɔmə 11:14

Ma m’wa sí mba kɔs ne gel kəmkəḭ lə ŋgakamje gə mba kar ɓó lé lé to keneŋ ndá njé gə́ na̰je d’aji ne.

1 Njé gə́ Kɔrḭtə 15:33

Ǝrje rɔ sí el: kɔr kura gə dəwje gə́ majel lé ɓa néra sí gə́ maji a tuji ne ya.

1 Njé gə́ Kɔrḭtə 3:15

Lée pər o̰ kula ra dəw neelé ndá nai njḛ, darəa ɓa a kaji ya nɛ d’a kée asəna gə dəw gə́ teḛ kəm pər’g pəd-pəd bèe.

2 Njé gə́ Kɔrḭtə 5:11

Jeḛ gə́ n’gər loo ɓəl Mbaidɔmbaije lé jeḛ j’oma̰ gə dəwje mba kar dee d’un ne meḛ dee. Ala gər ndaa sí gao ləm, məəm to yel gə́ dɔ sí’g m’pana: Seḭ nja kara ta gə́ meḛ sí’g ɓa ar sí gərje ne ndaa síjeḛ gao ləm tɔ.

2 Njé gə́ Tesalonikə 3:14

Ɓó lé nana ɓa ra torndu sí gə́ jeḛ j’ula sí taree mee maktub’g neelé el ndá maji kar sí oreeje kəm sí dəa’g ndəŋ, saaje rɔ sí rəa’g mba kar rəa kul ne.

1 Timote 4:16

Unda kəmkàr dɔ rɔi’g ləm, gə dɔ ta gə́ i ndoo dee’g ləm tɔ. Ai məəi sam-sam dɔ’g mbata loo gə́ i ra togə́bè ndá i a kaji ne rɔi ləm, gə deḛ gə́ taa taree tai’g ləm tɔ.

2 Ja̰ 1:11

Nana ɓa gə́ rəa lapia wɔji ne kag noji ndá yeḛ oso gelee’g dɔ néreaje’g gə́ majel lé tɔ.

Jude 1:22

Ndaŋje njé gə́ na̰je gə́ d’isi maḭ gə rɔ dee ɓəi ləm,

Loo gə́ killa rea kəm Ja̰’g 3:18

Ma m’ndəjii mba kari ndogo səm larlɔr gə́ deḛ neán pərə mba kar siḭyee teḛ mée’g mba tel to ne bao ləm, mba kari ndogo səm kubu gə́ nda mba kula rɔi’g kar kudi gə́ to dum lé rɔkulee a godo ləm, mba kari ndogo səm kuma̰ rii ne kəmi ɓó gə oo ne loo ləm tɔ.

Loo gə́ killa rea kəm Ja̰’g 3:4

Nɛ dəwje gə́ na̰je gə́ d’isi səi Sardes lé d’ar yiro wa kubu lə dee el. Deḛ nja d’a njaa səm gə kubu gə́ nda kələw-kələw mbata d’askəm njaa səm ya.