Jude 1:17 - Maktub gə́ To gə Kəmee

¹⁷ Nɛ seḭ gə́ m’unda sí dan kəm’g lé arje meḛ sí olé dɔ néje gə́ njékaḭkulaje lə Mbaidɔmbaije Jeju Kristi pa taree d’ula sí kédé lé.

Jude 1:17 ပူးပေါင်းရင်းမြစ်များ

Néra Njékaḭkulaje 20:35

M’ra né ɓəd-ɓəd m’tɔji sí né gə mba kar kula raje gə́ togə́bè ɓa seḭ a kodoje ne yɔ-dəwje ləm, meḛ sí a kolé ne dɔ Mbaidɔmbaije Jeju gə́ yeḛ nja pana: Kun né kar lé to rɔlel unda taa né!

Njé gə́ Epesə 2:20

Seḭ toje kəi gə́ deḛ rɔd dɔ njékaḭkulaje gə njéteggintaje gə́ to gin kəi ləm, Jeju Kristi lé to mbal gə́ moŋg kəi gə́ d’unda ne dɔ kum kəi lé ləm tɔ.

Njé gə́ Epesə 4:11

Yeḛ nja ɓa ar njé gə́ na̰je to gə́ njékaḭkulaje ləm, ar njé gə́ raŋg to gə́ njéteggintaje ləm, ar njé gə́ raŋg to gə́ njékilamber tagə́majije ləma, ar njé gə́ raŋg ya ɓəi to gə́ njékul dəwje gə njékɔrgootaje ləm tɔ,

Ǝbrəje 2:3

ndá ɓó lé jeḛ ndoo bao dɔ boo-kaji gə́ Mbaidɔmbaije ila mberee kédé ləm, deḛ gə́ d’oo ta ləa təa’g d’ɔr ginee d’ar sí j’oo ləm tɔ ndá see j’a kiya rɔ sí ra ɓa mba kar ta wa dɔ sí el wa.

2 Piɛrə 3:2

mba kar sí arje meḛ sí olé ne dɔ ta gə́ njéteggintaje gə́ to njémeendaje lé pa kédé ləm, gə dɔ godndu Mbaidɔmbaije gə́ Njekaji sí gə́ njékaḭkulaje lə sí ndoo sí lé ləm tɔ.

1 Ja̰ 4:6

Jeḛ lé jeḛ n’to gə́ ka̰ Ala, yeḛ gə́ gər Ala lé ndá yeḛ taa ta lə sí ya, nɛ yeḛ gə́ to gə́ ka̰ Ala el ndá yeḛ taa ta lə sí el tɔ. Yee gə́ bèe ɓa jeḛ n’gər ne ndil gə́ ka̰ kankəmta ləm, gə ndil gə́ ka̰ kəsta ləm tɔ.

Jude 1:3

Seḭ gə́ m’unda sí dan kəm’g lé məəm ɔsm ɓɔḭ-ɓɔḭ gə mba karm m’ndaŋg maktub m’ar sí m’wɔji ne dɔ kaji lə sí gə́ jeḛ j’ɔm na̰ keneŋ sad lé. Bèe ɓa m’isi dɔ gɔlm’g kəgəgə gə mba ndəji sí kar sí badara ne rɔ sí dɔ ta meekun gə́ d’ula ji deḛ gə́ to gə kəmee gɔl kára ba kiao gə́ ŋgaŋgee lé tɔ.