Jude 1:16 - Maktub gə́ To gə Kəmee

¹⁶ Deḛje neelé deḛ to njémeekadje gə́ d’unda ndu d’im ne rɔ dee jim-jim ləm, d’ar mal néje gə́ ra dee ula pər meḛ dee’g ləm, kəsta ɓa ubu na̰ ta dee’g pur-pur ləma, deḛ to njélèbè kəm mar deeje gə nojimeekas ləm tɔ.

Jude 1:16 ပူးပေါင်းရင်းမြစ်များ

Maktub gə́ wɔji dɔ Jɔb 32:21

M’a kɔr kəm dəw kára kara gə mbata lə kəmee el ləm, Ma bɔr bèl dəw kára kara el ləm tɔ.

Maktub gə́ wɔji dɔ Jɔb 34:19

Yeḛ ɔr kəm ŋgan-mbaije unda dee ɓəd ləm, Yeḛ oo bao to gə́ ur dɔ njendoo’g el ləm tɔ, Mbata deḛ lai to néje gə́ jia ɓa ra dee.

Pakɔsje 106:25

Deḛ d’im rɔ dee njim-njim mee kəi-kubuje’g lə dee ləm, Deḛ d’ila ŋgonkoji dɔ tapea’g el ləm tɔ.

Pakɔsje 15:4

Dəw gə́ to kḛji lé Yeḛ ée gə kəm dɔbee, Nɛ deḛ gə́ ɓəl Njesigənea̰ lé ɓa Yeḛ ila riɓar dɔ dee’g. Loo gə́ yeḛ un ndia gə rɔkubu ɓa kədərə səa kara Yeḛ pa njaŋg ɓó yeḛ tel gə ndia gogo el.

Pakɔsje 17:10

Deḛ d’oo kəm lootondoo’g el ləm, Kesta ɓa rusu ta dee tub-tub ləm tɔ.

Pakɔsje 73:8

Deḛ dəji ndu mar deeje ləm, Gosɔyèr gə́ d’a ra gə mba kula ne kəm mar deeje ndòo lé to gə́ tapa dee ləma, Deḛ d’ɔr sor d’əs ne ta yaa̰ ləm tɔ.

Gosota-Kəmkàrje 28:21

Kɔr kəm dəwje lé to sur el, Dəw lé ya̰ rəa yag dan kaiya’g gə mbata goŋ muru ba ya.

Esai 29:24

Deḛ gə́ takə̰ji lə dee gə́ àr godo lé D’a tel to njégosonégərje ləm, Deḛ gə́ njejémta gə ŋgan gwɔs deeje lé kara D’a kya̰ rɔ dee kar dee ndoo dee né ləm tɔ.

Ləbije 19:15

Seḭ a raje né gə́ lal najee loo-gaŋg-rəwta’g el ləm, seḭ a kɔrje kəmta lə njendoo ɓəd el ləma, seḭ a ndigije ta lə dəw gə́ boo el ləm tɔ, nɛ seḭ a kɔrje kəmta lə mar síje gə goo rəbee ya.

Bula lə Israɛlje 14:36

Dəwje gə́ Moyis ula dee gə mba kar dee d’aw mba tən loo mee ɓee’g lé ɓa deḛ tel ree pata gə́ yèr dɔ ɓee’g ɓa d’ar dəwje lai jém ta d’im ne rɔ dee dəa’g lé

Bula lə Israɛlje 16:11

Gelee gə́ nee ɓa, i seḭ gə kudu-dəwje ləi lai seḭ mbo̰je dɔ na̰ ḭje ne gə Njesigənea̰ gə mbəa! See Aaro̰ to gə́ na̰ ɓəi ɓa seḭ jémje ta ndɔleje ne ɓəi wa.

Lugu 15:2

Parisiḛje gə njéndaji-maktubje wédé na̰ ta pana: Dəw neelé wa kaiya-dəwje gə́ rəa’g sɔ sə dee né.

Lugu 19:7

Loo gə́ koso-dəwje d’oo togə́bè ndá deḛ jém ta gə ŋgan gwɔs dee pana: Yeḛ aw uru kəi lə njekaiya mbidi.

Lugu 5:30

Parisiḛje gə njéndaji-maktubje jém ta gə ŋgan gwɔs dee dəji ne njékwakila Jejuje pana: See ban ɓa seḭ sɔje gə aije né gə njétaa lar-gədɓee gə kaiya-dəwje togə́bè wa.

Tagə́maji gə́ Ja̰ ndang 6:41

Jibje d’ula ta dee naŋg njum-njum d’imee mbata yeḛ pana: Neḛ n’to muru gə́ ḭ dara gə́ n’ree dɔ naŋg nee.

Tagə́maji gə́ Ja̰ ndang 6:61

Ta dee gə́ d’ula naŋg njum-njum d’isi d’imee ne lé Jeju gər meḛ dee gao ɓa yeḛ ila dee ne keneŋ pana: See ta neelé ila sí kag wa.

1 Njé gə́ Kɔrḭtə 10:10

Imje na̰ to gə́ njé gə́ na̰je mbuna dee’g d’im ne na̰ lé el, deḛ lé deḛ ra togə́bè nɛ njetuji dəwje ndum dee ne mburug-mburug.

Njé gə́ Galati 5:16

Ta gə́ ma m’pa ɓa nee ya: Njaaje gə goo rəw gə́ Ndil ɓa tɔji sí, togə́bè ɓa mal né gə́ wɔji dɔ ka̰ darɔ lé seḭ a raje el tɔ.

Njé gə́ Galati 5:24

Deḛ gə́ to gə́ ka̰ Jeju Kristi lé d’wa darɔ dee gə mal né gə́ ula pər meḛ dee’g ləm, gə né gə́ meḛ dee ndigi ləm tɔ lé d’wa bura ɗar kaar kag’d ya.

Tel tura Godndu 1:27

Seḭ imje rɔ sí mee kəi-kubuje’g lə sí pajena: Njesigənea̰ lé ə̰ji sí bəḭ-bəḭ, gelee gə́ nee ɓa yeḛ ar sí j’undaje ne loo mee ɓee gə́ Ejiptə n’teḛje ne, gə mba kya̰ sí ji Amɔrje kar dee tuji sí ne.

Njé gə́ Pilibə 2:14

Raje néje lai gə rɔkim el ləm, gə maḭje gə rɔ sí dɔ’g el ləm tɔ.

1 Njé gə́ Tesalonikə 4:5

ɓó a ra gə goo malee gə́ ula na̰’d el mbata yee ɓa gə́ néra njépole-magəje lé.

1 Timote 6:5

gə maḭta gə́ gə mḭdé-mḭdé ləm tɔ. Deḛ gə́ ra togə́bè lé ndum ta ɓa wa meḛ dee, ar kankəmta kára kara uba meḛ dee təb el tɔ, dee tel ta kwa Ala mée’g gə goo rəbee lé tel to gə́ rəw nékiŋga ba.

2 Timote 4:3

Mbata ndəa gə́ kàree a gə teḛ lé dəwje d’a taa ta ndoo gə́ gəd lé el. Nɛ mbi dee a ndo̰ dee səgə-səgə mba koo ne ta gə́ rii ndá d’a mbo̰ ne njéndoo dee néje gə́ d’a bula yaa̰ dɔ dee’g to gə́ meḛ dee-deḛ nja wɔji.

1 Piɛrə 1:14

Raje to gə́ ŋganje gə́ njékilakojije ɓó arje mal néje gə́ ra sí kédé loo gə́ seḭ naije ne dan mbə’g lé areeje ra sí el ŋga.

1 Piɛrə 2:11

Seḭ gə́ ma m’unda sí dan kəm’g gə́ awje dɔ naŋg nee asəna gə mbáje ləm, gə njédə̰tarje ləm tɔ lé ma m’ndəji sí mba kar sí ɔgje rɔ sí dɔ mal né gə́ ka̰ darɔ gə́ rɔ gə meḛ sí lé.

1 Piɛrə 4:2

gə mba kar loo gə́ yeḛ nai ne gə kəmee ɓəi lé yeḛ a si kəmba mba ra ne né gə́ mee Ala wɔji ɓó gə mba tɔl ne mal néje gə́ ra dəwje gə́ dɔ naŋg nee el.

2 Piɛrə 2:10

Deḛ gə́ d’ya̰ rɔ dee d’ar mal néje gə́ yèr gə́ ula pər meḛ dee’g ləm, gə d’ila ndɔl dɔ dəw dɔ deeje’g ləm tɔ lé bo̰ néra dee a kɔs ta dee’g kunda njé gə́ raŋg lai. Deḛje neelé to njédumje ləm, gə njébeeleje ləm tɔ ndá deḛ taji njérɔndubaje gə́ taji ɓó deḛ ndəd kəm dee el.

2 Piɛrə 2:18

Deḛ d’un ta beeléje pa ne ta gə goo kaiya ra dee gə́ ula pər meḛ dee’g ɓa su ne kəm deḛ gə́ d’unda loo rad dan dəwje gə́ d’isi ndəm lé teḛ ya.

2 Piɛrə 3:3

Kona ta gə́ kəm gər kédé lé ɓa to nee: Ndəa gə́ rudee a gə kun ɗiao lé ndá njédəjinduje d’a kḭ gə ta dəjinduje lə dee lé deḛ gə́ d’a gə ra né gə goo malee gə́ ra dee-deḛ lé

Jude 1:15

gə mba gaŋg rəwta dɔ dəwje’g lai ya ləm, mba kar bo̰ néra gə́ yèr lai gə tapa gə́ yèr lai gə́ njékaiyaje gə́ to njéndɔl-Alaje gə́ d’isi mbuna dee’g d’ila dəa’g lé ɔs ne ta dee’g ləm tɔ.

Jude 1:18

Deḛ d’ula sí pana: ndɔ gə́ rudu lé njédəjinduje d’a si keneŋ ya, d’a ra gə goo mal néje gə́ yèr gə́ ra dee lé.