Jude 1:14 - Maktub gə́ To gə Kəmee

¹⁴ Enɔk, yeḛ gə́ to ŋgokadɔg Adam gə́ njekɔm’g siri lé yeḛ tegginta gə́ wɔji dɔ dəwje neelé pana: Aa ooje, Mbaidɔmbaije a ree gə njémeendaje ləa gə́ dum tura gə́ dɔ dee a kwa mèŋgèŋgḛ̀

Jude 1:14 ပူးပေါင်းရင်းမြစ်များ

Gḭ-Néje 5:18

Ləb Jered aḭ tɔl dəa rɔ-misa̰ giree-joo (162) ndá yeḛ oji Enok.

Esai 26:21

Mbata aa ooje, Njesigənea̰ ḭ loo-siée’g unda loo teḛ Mba gaŋgta dɔ dəwje gə́ dɔ naŋg nee Gə́ to njéra né kori-korije. Bèe ɓa naŋg a kinja gə məs gə́ ɔm dəa’g gə́ raga Ɓó yee a lɔm dɔ deḛ gə́ tɔl dee lé el ŋga.

Jakari 14:5

Togə́bè ɓa seḭ a kaḭje kawje kəm wəl mbalje’g, Mbata wəl mbalje neelé d’a kaw njal teḛ Asel ya. Seḭ a kaḭje to gə́ seḭ aḭje ne no̰ naŋg gə́ yə’g Mee ləbee gə́ Ojias to ne mbai gə́ Juda lé bèe. Ndá Njesigənea̰, Ala ləm, a ree gə njémeendaje ləa lai na̰’d.

Matiyo 16:27

Mbata Ŋgon-dəw lé a ree gə kuraje ləa gə́ dara na̰’d gə rɔnduba gə́ bɔbeeje a kula dəa’g. Ndəa neelé yeḛ a kuga nana kara gə goo kula rəa-rəa ya.

Matiyo 25:31

Loo gə́ Ŋgon-dəw a gə ree dan rɔnduba’g ləa gə kuraje gə́ dara lé ndá yeḛ a kuba dɔ kalimbai rɔnduba’g ləa lé ndoi si keneŋ.

Tel tura Godndu 33:2

Yeḛ pana: Njesigənea̰ ḭ mbal gə́ Sinai ree ləm, Yeḛ ḭ aar dɔ dee’g dɔ mbal’d gə́ Seir, Yeḛ ndogó jol-jol dɔ mbal gə́ Paran, Yeḛ unda loo mbuna deḛ gə́ to gə kəmee’d gə́ bula digi-digi lé teḛ, Yeḛ ula gə pər gə godndu Gə́ to jikɔlee’g lé ar dee.

1 Njé gə́ Tesalonikə 3:13

Maji karee ar meḛ sí to kɔgərɔ mba kar sí toje dəwje gə́ to gə kəmee gə́ ta kára kara wa dɔ sí no̰ Ala Bɔ síje’g el mee ndəa gə́ Jeju Mbaidɔmbaije a ree gə dəwje ləa lai gə́ to gə kəmee lé.

Ǝbrəje 12:22

Nɛ seḭ lé seḭ rəmje pər gə́ mbɔr mbal gə́ Sio̰, ɓee-si Ala gə́ Njesikəmba gə́ to Jerusalem gə́ dara ləm, gə́ loo gə́ dəwje gə́ dara d’isi keneŋ tap-tap nduba rɔ dee ləm,

Loo gə́ killa rea kəm Ja̰’g 1:7

Aa ooje, yeḛ a gə ree dan loo-kil’g lə ndi. Kəm dəwje lai a mbo̰ na̰ dəa’g ndá deḛ gə́ d’ɔsee gə niŋga kara d’a kée tɔ. Gin koji dəwje-dəwje lai dɔ naŋg nee d’a no̰ sii mbig-mbig gə mbəa. Bèe ya.

Loo gə́ killa rea kəm Ja̰’g 5:11

M’aa loo ndá m’oo ndu kuraje lə Ala gə́ dara bula gə́ gugu dɔ kalimbai gə dɔ nékundaje lə Ala gə́ d’aw kəmba gə dɔ ŋgatɔgje lé sub lé ɓar. Deḛ bula digi-digi dum tura ya.