Jude 1:12 - Maktub gə́ To gə Kəmee

¹² Dəwje neelé rɔ dee tila ɓal mbuna sí’g loo-nésɔ-noji’g lə sí ləm, né gə́ rii ta’g ɓa deḛ d’ə̰ji gée gə mba mbula meḛ dee’g ləm tɔ. Deḛ to ndi gə́ lel biree aree unda-dɔ ləm, deḛ to kagje gə́ rɔ dee ndòlé naḭ kàrá gə́ kandə dee godo keneŋ gə́ d’wəi gɔl joo ɓa lel ɔr dee gə ŋgira dee bura moŋgoŋgo̰ ila dee naŋg ɓəi ləm tɔ.

Jude 1:12 ပူးပေါင်းရင်းမြစ်များ

2 Sôrta Gḭka Israɛlje 7:20

m’a tɔr sí mee ɓee’g ləm gə́ ma m’ar sí lé ləm, m’a kɔr rɔm mee kəi’g nee gə́ m’unda gə kəmee gə́ rim ɓar keneŋ kunda rɔm ŋgərəŋ ləm tɔ ndá kəi neelé a to nédəjindu gə nékogo mbuna ginkoji dəwje gə raŋg’g lai ya.

Maktub gə́ wɔji dɔ Jɔb 8:17

Yeḛ dolè ŋgirá mbuna kɔr mbalje’g ləm, Yee aw saar teḛ mee ndògo-bɔrɔje’g ləm tɔ.

Pakɔsje 1:3

Yeḛ to asəna gə kag gə́ mea̰ mbɔr mán’g bèe, Ka̰dee andə gə naḭyee-naḭyee ləm, Kamee kara ndòle el ləm tɔ. Débee neelé néje lai gə́ yeḛ ra lé ɔr dɔ ya.

Pakɔsje 37:2

Mbata deḛ lé ndòlé kalaŋ to gə́ mu bèe ləm, Deḛ gəḭ to gə́ gum mu gə́ təb bèe ləm tɔ.

Gosota-Kəmkàrje 25:14

Dəw gə́ ti rəa gə mḭdé ba dɔ nénoji gə́ yeḛ ɓa ar dəwje lé To asəna gə kil lə ndi gə lel gə́ ula lal mán ndi bèe.

Ejekel 17:9

Maji kam m’pa pana: Mbaidɔmbaije gə́ Njesigənea̰ dəji ta togə́bè pana: See a teḛkɔr ya wa. See niŋgatə̰də gə́ dɔtar lé a tɔr ŋgiraje el wa. See a tɔr ka̰dee karee tudu ar kameje lai gə́ idi lé wa njɔm el wa. Siŋgamoŋ gə́ yaa̰ əsé dəwje gə́ bula digi-digi ɓa gə́ kuma̰ kɔree el.

Ejekel 34:10

Mbaidɔmbaije gə́ Njesigənea̰ pa togə́bè pana: Aa ooje, n’aw gə njékul dəwje gə ta. N’a tel taa dəwje lə neḛ ji dee’g ləm, n’a kar dee d’ul dəwje lə neḛ el ŋga ləma, deḛ nja kara d’a kul rɔ dee-deḛ el ŋga ləm tɔ, n’a kɔr dəwje lə neḛ ta dee’g ndá d’a to nékwa lə dee el ŋga.

Ejekel 34:18

See muje gə́ maji gə́ seḭ aw o̰je ɓa telje tubaje gesee gə́ nai gə gɔl sí lé to né gə́ lam ba kəm sí’g wa. See mán gə́ maji gə́ seḭ aw aije ɓa telje buguluje yee gə́ nai gə gɔl sí lé to né gə́ lam ba kəm sí’g to wa.

Ejekel 34:2

I ŋgon-dəw lé tegginta wɔji ne dɔ njékul Israɛlje! Maji kari tegginta ula njékul deeje lé pana: Mbaidɔmbaije gə́ Njesigənea̰ pa togə́bè pana: Meeko̰ a koso dɔ njékul Israɛlje gə́ d’ul rɔ dee-deḛ nja ba. See njékulbadje lé lé riri kara kəm kar dee d’ul badje el wa.

Ejekel 34:8

Neḛ n’to njesikəmba! Mbaidɔmbaije gə́ Njesigənea̰ pa togə́bè pana: To gə́ badje lə neḛ to nékunda banrɔ ləm, deḛ tel to nékwa lə daje lai gə́ mee wala’g ləm tɔ mbata njékul deeje gə́ godo ləm, mbata njékulbadje lə neḛ d’ar meḛ dee to dɔ badje’g lə neḛ el ləma, deḛ d’ul rɔ dee-deḛ ya yaa̰ ɓó deḛ d’aw gə badje lə neḛ loo-ko̰-mu’g el ləm tɔ ndá

Ojee 6:4

Ǝi seḭje gə́ Eprayim, See ɗi ɓa m’a ra sə sí wa. Ǝi seḭje gə́ Juda, See ɗi m’a ra sə sí wa. Kundam dan kəm sí’g lé To asəna gə mum gə́ oso gə ndɔ bèe ləm, To asəna gə mán tàl gə́ wa ɓa gəḭ gə ndɔ bèe ləm tɔ.

Ləbije 14:43

Loo gə́ deḛ tɔr kɔr mbalje ləm, kər ləma, gə rḛdə mee kəi lé mbiao̰-mbiao̰ ləm tɔ ɓa ɓó lé moro neelé tel ree taa loo mee kəi’g lé pəl-pəl tɔɓəi ndá

Matiyo 13:6

Yee ḭ wububu mbata naŋg to keneŋ ŋgwɔidɔ bèe, nɛ loo gə́ kàr ɔs keneŋ ndá wa mèŋgèŋgḛ̀, ndòlé mbata ŋgirá wa naŋg el.

Matiyo 15:13

Yeḛ ila dee keneŋ pana: Néje gə́ ma̰a lé yee gə́ ra ɓa Bɔm ma̰a el kara d’a tɔr gə ŋgira ɓɔgədɔ-ɓɔgədɔ kɔm kɔ ya.

Mark 4:6

Waga ba ya, loo gə́ kàr ɔs ndá kàr ɔsee aree tudu wa gɔgɔgɔ mbata ŋgira aw naŋg yaa̰ el.

Lugu 12:45

Nɛ ɓó lé kura neelé ə̰ji ta mée’g pana, Mbai lə neḛ a ree dəb el ɓəi, ɓó lé yeḛ ḭ bigim ur dɔ kuraje gə́ diŋgam gə njé gə́ dené ɓa un kudu kunda dee ləm, sɔ né gə́ ai kido aree tɔlee ləm tɔ

Lugu 16:19

Dəw kára gə́ to bao lé ula kubu gə́ ndul piro-piro gə́ bḭ maji rəa’g ləm, si dan maji’g gə dan rɔlel’g gə ndəa-ndəa ləm tɔ.

Lugu 21:34

Meḛ sí dɔ rɔ sí’g nà banelə meḛ sí a to dɔ nésɔ’g gə dɔ nékai’g ya ɓa bururu ləm, gə dɔ néje lai gə́ dɔ naŋg nee gə́ njékar meḛ sí pélé wəs-wəsje ləm tɔ ɓa ndəa neelé a kuba sí naŋg bus.

Lugu 8:6

Njé gə́ na̰je teḛ wa naŋg dɔ mban-ər’g, loo gə́ uba ndá yeḛ tudu wa gɔgɔgɔ mbata naŋg gə́ to təb njɔl godo keneŋ.

Njé gə́ Epesə 4:14

Yee ɓa j’a to ne asəna gə ŋganje el ŋga, mbata ŋganje lé d’aw yo-yo nee-nee ləm, leltaje biri dee ləma, sutaje gə ta korije lə dəwje lé tel ne kəm dee ləm tɔ.

Njé gə́ Pilibə 3:19

Bo̰ néra dee gə́ a kɔs ta dee’g lé yee ɓa to tuji gə́ d’a tuji ne gə no̰ ya. Golé meḛ dee ɓa gə́ Ala lə dee ləm, nérɔkul gə́ deḛ ra lé deḛ beelé dɔ’g ləma, néje gə́ dɔ naŋg ya kára ba ɓa wa meḛ dee ləm tɔ.

1 Timote 5:6

Nɛ yeḛ gə́ si mbata rɔlel gə́ ka̰ darəa-yeḛ nja lé yeḛ si kəmba kara nai gə́ né gə́ wəi mba̰ tɔ.

Ǝbrəje 13:9

Arje taje ɓəd-ɓəd gə́ d’ḭ ne raŋg lé wa meḛ sí el, maji kar noji lə Ala lé ɓa wa meḛ sí ɓiri ɓó nésɔje gə́ d’ɔr kəm dee gə mḭdé ba el.

Maktub gə́ Jak ula ne ar ngan-Allaje 5:5

Seḭ sije ga̰daŋ dɔ naŋg nee dan nérɔlel gə́ wɔji dɔ darɔ sí-seḭ ləm, seḭ sije gə meendan ndɔ ndum mburug-mburug lə dəwje ya ləm tɔ.