Jude 1:1 - Maktub gə́ To gə Kəmee

¹ Ma Jude, kura lə Jeju Kristi ləm, gə ŋgoko̰ Jak ləm tɔ lé m’ndaŋg maktub nee m’ar dee-deḛ gə́ Ala Bɔ-dəwje ɓar dee ləm, unda dee dan kəmee’g ləma, aḭ bada dɔ dee’g mba kar Jeju Kristi lé ləm tɔ.

Jude 1:1 ပူးပေါင်းရင်းမြစ်များ

Matiyo 10:3

Pilibə deḛ gə Bartelemi ləm, Tomas deḛ gə Matiyo gə́ njetaa lar-gədɓee ləm, Jak ŋgolə Alpe, deḛ gə Tade ləma,

Matiyo 13:55

See yeḛ to ŋgolə njekḭjakag lé el wa. See Mari ɓa to gə́ kea̰je el wa. See Jak gə Jisəb gə Simo̰ gə Jude lé to gə́ ŋgakea̰je el wa.

Mark 3:18

gə Andre, gə Pilibə, gə Bartelemi, gə Matiyo, gə Tomas, gə Jak, ŋgolə Alpe, gə Tade, gə Simo̰ dəw gə́ Kana̰,

Mark 6:3

See yeḛ lé to njera-kula-kagje gə́ to ŋgolə Mari ləm, gə ŋgoko̰ Jak gə Joses gə Juda gə Simo̰ ləm tɔ lé el wa. See kɔnaneeje d’isi mbuna sí’g nee el wa. Yeḛ tel to né gə́ bəg dee ya.

Lugu 6:16

gə Jude, ŋgolə Jak, gə Judas Iskariot gə́ tel to njekun dəa lé tɔ.

Tagə́maji gə́ Ja̰ ndang 12:26

Dəw gə́ rara ɓa ɓó lé ndigi ra né kam ndá maji karee un rəw goom’g, bèe ɓa loo gə́ m’a si keneŋ ndá lé neelé kura ləm a si səm keneŋ tɔ. Dəw gə́ rara ɓa ɓó lé ra né am ndá Bɔm a kila riɓar dəa’g ya.

Tagə́maji gə́ Ja̰ ndang 14:22

Jude, ɓó to Iskariot el lé dəji Jeju pana: Mbaidɔmbaije, see gelee ban ɓa i a riba dɔ rɔi kar síjeḛ ɓa j’oo, ŋga njé gə́ naŋg neelé ndá i a riba dɔ rɔi kar dee el lé wa.

Tagə́maji gə́ Ja̰ ndang 15:16

To seḭ ɓa kɔdmje el, nɛ ma nja m’kɔd sí m’unda sí gə kəmee doi mba kar loo gə́ seḭ a kawje keneŋ ndá seḭ a ka̰dje gə kandə sí njim-njim ləm, kó sí kara a nai keneŋ ya ɓó a kudu el ləm tɔ, togə́bè ɓa né gə́ rara gə́ seḭ a kwɔije Bɔ-dəwje lé gə rim ndá yeḛ a kar sí née ya.

Tagə́maji gə́ Ja̰ ndang 17:15

Ma m’ra tamaji tai’g mba kari ɔr dee naŋg nee el nɛ mba kari taa dee ji Njeyèr’g lé.

Tagə́maji gə́ Ja̰ ndang 17:17

Maji kari ula kankəmta meḛ dee’g ɔr dee ne unda dee gə kəmee doi, ta ləi to kankəmta ya.

Tagə́maji gə́ Ja̰ ndang 17:19

Ma lé m’ɔr rɔm m’unda gə kəmee mbata lə dee mba kar kankəmta gə́ to meḛ dee’g lé a kɔr dee kunda dee-deḛ nja gə kəmee bèe ya tɔ.

Tagə́maji gə́ Ja̰ ndang 6:39

Né gə́ njekulam wɔji lé ɓa nee: Néje lai gə́ yeḛ am ndá m’a kar né kára kara udu pai el nɛ m’a karee unda loo teḛ ndɔ gə́ rudu gə́ gogo lé ya.

Néra Njékaḭkulaje 1:13

Loo gə́ deḛ teḛ ɓée ndá deḛ d’al d’aw mee kəi gə́ tar gə́ rɔd dɔ maree’g loo gə́ d’wa dɔ na̰ keneŋ ta-ta, deḛje neelé to Piɛrə, gə Ja̰, gə Jak, gə Andre, gə Pilibə, gə Tomas, gə Bartelemi, gə Matiyo, gə Jak ŋgolə Alpe, gə Simo̰ gə́ to Jelotə, gə Jude ŋgolə Jak tɔ.

Néra Njékaḭkulaje 20:32

Ɓasinè lé m’ɔm sí ji Ala’g ləm, gə m’ɔm sí ta noji ləa gə́ askəm rɔd sí mba kar sí iŋgaje nénoji lə sí gə njémeendaje na̰’d lai.

Néra Njékaḭkulaje 27:23

Kura lə Ala gə́ dara gə́ ma m’to gə́ kea̰ ləm, m’wá məəm’g ləm tɔ lé teḛ dɔm’g təsərə loondul gə́ nee

Njé gə́ Rɔmə 1:1

Ma Pool, kura lə Jeju Kristi, gə́ Ala ɓarm undam gə́ njekaḭkula ləm, yeḛ ɔrm undam gə kəmee mba karm m’aw m’ila mber Tagə́maji lə Ala lé ləm tɔ.

Njé gə́ Rɔmə 1:6

Seḭje kara seḭ sije mbuna dee’g, seḭ gə́ Jeju Kristi ɓar sí lé.

Njé gə́ Rɔmə 16:18

Mbata dəwje neelé ra kula gə́ wɔji dɔ meḛ dee-deḛ ɓó deḛ ra kula gə mba kar Mbaidɔmbaije lə sí lé el. Ta gə́ rii ləm gə ta lèbè ne kəm dəwje ləm tɔ ɓa deḛ pəl ne meḛ njémeekwɔilɔje.

Njé gə́ Rɔmə 6:22

Nɛ ɓasinè kaiya ɔr dɔ sí’g mba̰ ar sí telje ne ɓərje gə́ ka̰ Ala ndá kó sí to né gə́ ka̰ kunda gə kəmee mba kar sí urje ne loo gə́ seḭ a síje keneŋ gə kəmə gə́ gə no̰ lé tɔ.

Njé gə́ Rɔmə 8:30

Deḛ gə́ yeḛ wɔji dee mée’g kédé lé yeḛ ɓar dee ləm, deḛ gə́ yeḛ ɓar dee lé yeḛ ɔr ta dɔ dee’g ləma, deḛ gə́ yeḛ ɔr ta dɔ dee’g lé yeḛ ula rɔnduba dɔ dee’g ləm tɔ.

Njé gə́ Rɔmə 9:24

Togə́bè ɓa jeḛ n’to mbuna deḛ gə́ yeḛ ɓar dee ɔr dee dan Jibje’g goo kára ba el nɛ dan njépole-magəje’g tɔ

1 Njé gə́ Kɔrḭtə 1:2

jeḛ ndaŋg maktub nee j’ar Eglisə lə Ala gə́ to Kɔrḭtə, deḛ gə́ Jeju Kristi ɔr dee unda dee gə kəmee mba kar dee to njémeendaje lé deḛ gə́ gə loo lai ɓar ri Mbaidɔmbaije lə sí Jeju Kristi, yeḛ gə́ to Mbaidɔmbaije lə dee ləm, gə ka̰ síjeḛ ləm tɔ lé keneŋ.

1 Njé gə́ Kɔrḭtə 6:11

Yee nja ɓa gə́ néra sí-seḭ gə́ na̰je mbuna sí’g. Nɛ ɓasinè Ndil Ala ɔr won kaiya lə sí ndɔs-ndɔs mba̰ ləm, ɔr sí ne unda sí gə kəmee ləma, ɔr ta dɔ sí’g gə ri Mbaidɔmbaije Jeju Kristi lé ləm tɔ.

Njé gə́ Epesə 5:26

Man ləm, gə kankəmta ləm tɔ lé ɓa yeḛ ɔr ne won kaiya rəa’g unda ne gə kəmee

1 Njé gə́ Tesalonikə 2:12

Jeḛ ndəji sí ləm, jeḛ n’gɔl sí ləma, jeḛ j’ɔs sí ɓɔḭ-ɓɔḭ mba kar néra sí aw gə goo ka̰ Ala, yeḛ gə́ njeɓar sí mba kar sí sije ɓeeko̰’g ləa gə dan rɔnduba’g ləa lé ləm tɔ.

1 Njé gə́ Tesalonikə 5:23

Maji kar Ala nja gə́ njeyelko meelɔm lé ɔr sí unda sí gə kəmee ləm, maji karee ŋgəm sí bura, ndil sí ləm, gə kankəmrɔ sí ləma, gə darɔ sí ləm tɔ, mba kar ndɔ gə́ Mbaidɔmbaije lə sí Jeju Kristi a tel ree lé ndá ta kára kara a kwa dɔ sí el.

2 Timote 1:9

Yeḛ nja aji sí ləm, yeḛ ɓar sí ləm tɔ mba kar sí n’ra kula gə́ to gə kəmee ɓəd. Néra sí ɓa, yeḛ ɔr sí ne gə mbəa el nɛ to gə goo né gə́ yeḛ nja wɔji-kwɔji mée’g ləm, to gə goo noji gə́ yeḛ wa sə sí gin Jeju Kristi ɓad ɓa yeḛ tum ne gin naŋg nee ɓəi ləm tɔ.

2 Timote 4:18

Mbaidɔmbaije ɓa a kɔrm dan néje gə́ majel gə́ gə ria-ria lai ləm, a kajim mba karm m’isi ne mee ɓeeko̰’g ləa gə́ dara ləm tɔ. Yeḛ nja ɓa maji kula rɔnduba dəa’g gə ləbee-ləbee saar-saar gə no̰. Amen!

Ǝbrəje 3:1

Togə́bè ŋgakɔmje gə́ njémeendaje, né gə́ deḛ ɓar sí na̰’d gə mbəa lé ḭ dara bèe ndá maji kar sí ə̰jije tor Jeju meḛ sí’g, yeḛ gə́ to njekaḭkula gə́ gəd ləm, gə ŋgɔ-njekinjanéməs gə́ jeḛ j’un meḛ sí j’aree ləm tɔ.

Maktub gə́ Jak ula ne ar ngan-Allaje 1:1

Ma Jak, kura lə Ala ləm, gə ka̰ Mbaidɔmbaije Jeju Kristi ləm tɔ, m’ula gə maktub nee m’ar gin ɓeeje lə Israɛl dɔg-gir-dee-joo gə́ sanéna̰. M’ra sí lapia!

1 Piɛrə 1:2

deḛ gə́ Ala Bɔ síje kuma̰ dee mée’g mbər dee ləm, gə Ndil kara ɔr dee kəmee’g, mbər dee ne ləm tɔ, mba kar dee d’ila ŋgonkoji dɔ Jeju Kristi’g mba kar məsee gə́ saa dɔ naŋg neelé wɔji dɔ dee-deḛ ya. Maji kar noji gə meelɔm uru na̰ gə gɔlee gə́ dɔ sí’g dɔ sí’g.

1 Piɛrə 1:5

gə mba kar sí-seḭ gə́ siŋgamoŋ lə Ala aḭ ŋgaŋ sí gə goo meekun lə sí lé mbata kaji gə́ a gə nduba rəa gə́ raga ndəa gə́ rudee a kun ɗiao lé.

1 Piɛrə 2:9

Nɛ seḭ lé seḭ toje ginkoji dəwje gə́ Ala mbər sí ləm, seḭje toje njékinjanéməsje gə́ gin sí to gə́ mbai ləm, seḭ toje ginkoji dəwje gə́ toje gə kəmee ɓəd ləma, seḭ toje ka̰ Ala nja doŋgɔ doi ləm tɔ mba kar sí ilaje ne riɓar dɔ yeḛ gə́ ɔr sí dan loondul gə́ ndul njudu-njudu’g unda sí dan lookàr’g ləa gə́ àr raŋg-raŋg lé.

1 Piɛrə 5:10

Ala gə́ njeboo-nojije lai gə́ ɓar sí gin Jeju Kristi’g mba kar sí sije səa dan rɔnduba’g ləa gə no̰ lé loo gə́ némeeko̰ a ra sí waga ba ndá yeḛ nja a tel kunda sí maji’g gogo ləm, a kar sí ŋgəŋje keneŋ ŋgəŋ-ŋgəŋ ləma, a kar siŋga sí ḭ dɔ maree’g kar né kára kara askəm yə sí el ləm tɔ.

2 Piɛrə 1:1

Ma Simo̰ Piɛrə, kura lə Jeju Kristi ləm, gə njekaḭkula ləa ləm tɔ. Ma m’ndaŋg maktub nee m’ar deḛ gə́ mbɔl dɔ meekarabasur lə Ala lə sí gə ka̰ Mbaikaji Jeju Kristi lé to ne njéboameekunje lə sí ya.

Jude 1:21

meenoji lə Ala gə́ seḭ sije keneŋ lé rḛ́je keneŋ rḛ́-rḛ́ ŋginaje ne kəmə gə́ gə no̰ gə́ Mbaidɔmbaije Jeju Kristi a kar sí sije ne gə goo meekɔrjol ləa lé ləm tɔ.

Jude 1:3

Seḭ gə́ m’unda sí dan kəm’g lé məəm ɔsm ɓɔḭ-ɓɔḭ gə mba karm m’ndaŋg maktub m’ar sí m’wɔji ne dɔ kaji lə sí gə́ jeḛ j’ɔm na̰ keneŋ sad lé. Bèe ɓa m’isi dɔ gɔlm’g kəgəgə gə mba ndəji sí kar sí badara ne rɔ sí dɔ ta meekun gə́ d’ula ji deḛ gə́ to gə kəmee gɔl kára ba kiao gə́ ŋgaŋgee lé tɔ.