Maktub gə́ wɔji dɔ Jɔb 9:9 - Maktub gə́ To gə Kəmee

⁹ Yeḛ nja unda kéréméje gə́ ɓar dee Ŋgawgel gə Bisi-tɔb-talje gə Ŋgama̰dje gə́ siri ləm, Gə kéréméje gə́ par gə́ dɔkɔl ləm tɔ.

Maktub gə́ wɔji dɔ Jɔb 9:9 ပူးပေါင်းရင်းမြစ်များ

Gḭ-Néje 1:16

Ala unda néndogóje gə́ boi joo neelé. Yee gə́ boi gə́ ur dɔ maree lé to mba ko̰ɓee dɔ lookàr’g ləm, yee gə́ lam gə́ orè gée lé to mba ko̰ɓee dɔ loondul’g ləm tɔ. Tɔɓəi Yeḛ unda kéréméje tɔ.

Maktub gə́ wɔji dɔ Jɔb 37:9

Lel-mal ḭ par gə́ dɔkɔl ula ləm, Lel ḭ dɔgel ree gə kul ləm tɔ.

Pakɔsje 104:13

Loo-sii gə́ to tar ndoi lé I saa ne mán dɔ mbalje’g Ar kandə kula raije lé kara Rusu ne naŋg nee tub-tub.

Pakɔsje 104:3

Yeḛ ra loo-siée dɔ manje gə́ tar ləm, Yeḛ ar kil-lə-ndi to gə́ pusu-rɔ ləa ləma, Yeḛ aḭ ŋgwɔd dɔ bag lel’g lé ləm tɔ.

Pakɔsje 147:4

Yeḛ tura bula lə kéréméje Unda ne ri dee kára-kára lai.

Amɔs 5:8

Yeḛ lé ra kéréméje Gə́ ɓar dee Ŋgama̰dje-gə́-siri gə Bisi-tɔb-talje ləm, Yeḛ ar loo gə́ ndul njudu-njudu lé Tel to loo gə́ a gə kàr ləm, Yeḛ ar lookàr lé kara tel to loondul ləma, Yeḛ ɓar manje mee baa-boo-kad’g Ar dee d’ər dɔ naŋg nee ləm tɔ lé Ria lə Njesigənea̰ ya.

Néra Njékaḭkulaje 28:13

J’ḭ keneŋ j’aw gə kaar koŋgo’g saar n’teḛ Reggio, bèlè lookàree lel ḭ gə́ dɔkɔl bèe dan pə-pə ar sí j’aw maji as ndɔ sí joo ɓa n’teḛ Pujɔl,