Maktub gə́ wɔji dɔ Jɔb 9:8 - Maktub gə́ To gə Kəmee

⁸ Yeḛ nja gə karee ba naji dara ləm, Yeḛ dum dɔ mán baa-boo-kadje’g ləm tɔ.

Maktub gə́ wɔji dɔ Jɔb 9:8 ပူးပေါင်းရင်းမြစ်များ

Gḭ-Néje 1:1

Kédé gə́ dɔtar lé, Ala unda dara gə naŋg nee tɔ.

1 Sôrta Gḭka-Israɛlje 16:26

Mbata magəje lai gə́ ginkoji dəwje gə raŋg pole dee lé To néje gə́ kari ba Nɛ Njesigənea̰ lé ɓa unda dara ya.

Maktub gə́ wɔji dɔ Jɔb 26:13

Kila kəmə pugudu ləa ar dara àr ŋgad-ŋgad ləm, Jia ɔs li gə́ njekaḭ mbudu ləm tɔ.

Maktub gə́ wɔji dɔ Jɔb 26:7

Dara gə́ par gə́ dɔgel lé yeḛ najee mbuna loo gə́ kari ba’g ləm Yeḛ naa̰ naŋg mbuna loo gə́ kari ba’g rḭdoŋ ləm tɔ.

Maktub gə́ wɔji dɔ Jɔb 37:18

See i askəm naji dara karee ndər asəna gə nékoo-kəm Gə́ to lar gə́ léḛ to gə́ yeḛ ra bèe wa.

Maktub gə́ wɔji dɔ Jɔb 38:11

Gə loo gə́ ma m’ulá m’pana: Yee a ree saar kunda ŋgaŋgee nee ɓó Yee a dəs kaw raŋg el ləma, Lée neelé tuŋga poŋgm-poŋgm lə paŋgəm manee a kaar naŋg nee ləm tɔ lé wa.

Maktub gə́ wɔji dɔ Jɔb 38:16

See i aw saar teḛ kəm-rəw-kaḭ’g lə baa-boo-kad wa. See i njaa ɓuleje gə́ uru’g wa.

Pakɔsje 33:6

Ta gə́ teḛ ta Njesigənea̰’g lé Yeḛ unda ne dara ləm, Kṵji təa gə́ tó ne loo pu lé Yeḛ unda ne boo-néje gə́ mee dara’g ya ləm tɔ.

Pakɔsje 77:19

Ndi ləi gə́ ndaŋg lé ɓar paḭ-paḭ dan lel-mal’g ləm, Telee gə́ yee tel lé ndogó dɔ loo gə́ naŋg nee ləma, Naŋg kara ula ne déréré-dèrèrè ya ləm tɔ.

Esai 40:22

Yeḛ nja ɓa si dɔ gwɔi naŋg’d gə́ tar Ndá deḛ gə́ d’isi dɔ naŋg’d lé To d’asəna gə beedéje bèe, Yeḛ naji dara To gə́ dəw naji ne kubu gə́ wɔilɔ bèe ləm, Yeḛ la dara To gə́ dəw la ne kəi-kubu mba si keneŋ bèe ləm tɔ.

Esai 42:5

Ala gə́ to Njesigənea̰ Yeḛ gə́ njekunda dara karee tad rəg-rəg ləm, Yeḛ gə́ unda naŋg nee gə néje lai gə́ to keneŋ ləm, Yeḛ gə́ ar koso-dəwje gə́ d’isi keneŋ d’əmə ləma, Ar deḛ gə́ d’isi keneŋ d’aw kəmba ləm tɔ lé Pa togə́bè pana:

Esai 44:24

Njesigənea̰, njekoga dɔ sí, Yeḛ gə́ njekuba sí meḛ ko̰ síje’g lé Pa togə́bè pana: Ma m’to Njesigənea̰ gə́ njekunda néje lai, Ma nja kára ba gə́ njenaji dara ləm, Ma nja kára ba gə́ njetḭ mee naŋg karee tad rəg-rəg ləm tɔ.

Esai 51:13

Seḭ arje meḛ sí wəi dɔ Njesigənea̰ gə́ njekunda sí’g lé Yeḛ gə́ naji dara gə tum gel naŋg nee. Seḭ undaje bala gə ndɔje kára-kára lai No̰ oŋg’d lə njekula kəm loo ndòo, Mbata yeḛ saŋg loo gə mba tuji sí pugudu! See oŋg lə njekula kəm loo ndòo lé ɓa to ra wa.

Jeremi 10:11

Seḭ a kula deeje togə́bè pajena: Magəje gə́ ra dara əsé naŋg nee el lé D’a sané pá dɔ naŋg nee ləm, Gə gin dara’g ləm tɔ.

Jeremi 10:12

Njesigənea̰ unda naŋg Gə goo siŋgamoŋ ləa ləm, Yeḛ tum gin naŋg nee Gə goo kəmkàr ləa ləma, Yeḛ naji dara gə goo gosonégər ləa ləm tɔ.

Jeremi 51:15

Njesigənea̰ unda naŋg Gə goo siŋgamoŋ ləa ləm, Yeḛ tum gin naŋg nee Gə goo kəmkàr ləa ləma, Yeḛ naji dara gə goo gosonégər ləa ləm tɔ.

Jakari 12:1

Ndərta gə́ Njesigənea̰ pa wɔji ne dɔ Israɛl. Njesigənea̰ gə́ to njenaji dara ləm, Gə njetum gel naŋg nee ləma, Gə njera ndil dəw gə́ to mée’g ləm tɔ lé pa togə́bè pana:

Tagə́maji gə́ Ja̰ ndang 6:19

Deḛ lel to d’aw gə kuru loo as gə́ né gə́ rɔ-joo-giree-mi əsé rɔ-munda jén nja ŋga ndá d’aa loo d’oo Jeju gə́ si njaa dɔ mán’g gə́ rɔ dee’g ta to’g ndá deḛ ɓəl.