Maktub gə́ wɔji dɔ Jɔb 9:6 - Maktub gə́ To gə Kəmee

⁶ Yeḛ yə naŋg ɓugu-ɓugu loo siŋgamoŋ’d ləa Ar gaji-gədeeje d’ula déréré-dèrèrè.

Maktub gə́ wɔji dɔ Jɔb 9:6 ပူးပေါင်းရင်းမြစ်များ

Maktub gə́ wɔji dɔ Jɔb 26:11

Gajije gə́ ka̰ gəd dara yə, Deḛ ndəb pəd-pəd mbata ndaŋg ləa.

Pakɔsje 114:6

Seḭ mbalje lé See ɗi ɓa ra sí ɓa talje jagəra-jagəra to gə́ bàl bya̰je bèe wa. Esé seḭ dɔ diŋgri mbalje lé See ɗi ɓa ra sí ɓa tel talje jagəra-jagəra asəna gə ŋgan badje ne ɓəi wa.

Pakɔsje 114:7

Ǝi naŋg, maji kari unda bala tigi-tigi no̰ Mbaidɔmbaije’g Gə́ to Ala lə Jakob.

Pakɔsje 75:3

Njesigənea̰ pana: Mee ndɔ gə́ m’wɔji njaŋg lé ndá M’a gaŋgta gə goo rəbee sur ya.

Esai 2:19

Dəwje d’a kiya rɔ dee mee bolè mbalje’g Gə mee bwaje gə́ naŋg Mba kar ɓəl-boo lə Njesigənea̰ Gə boo-ronduba ləa gə́ ndogó wər-wər lé Tibi mbɔr dee el Loo gə́ yeḛ a kḭ mba kɔm ɓəl dɔ njé gə́ naŋg nee.

Esai 2:21

Ndá d’a kandə kəmbolè mbalje’g Gə kəm kɔr mbalje gə́ ta̰’g Gə mba kar ɓəl-boo lə Njesigənea̰ Gə boo-ronduba ləa gə́ ndogó wər-wər lé Tibi mbɔr dee el Loo gə́ yeḛ a kḭ mba kɔm ɓəl-boo dɔ njé gə́ naŋg nee’g.

Esai 24:1

Aa ooje, Njesigənea̰ a gə tuji ɓee karee tel to dɔ nduba ləm, Yeḛ a kar dɔ naŋg tel wagəsa ləma, A sané dəwje gə́ d’isi keneŋ kad-kad ləm tɔ.

Jeremi 4:24

M’aa dɔ mbalje ndá Aa oo, deḛ yə ɓugu-ɓugu ləm, Dɔdərlooje d’ula déréré-dèrèrè ləm tɔ.

Joɛl 2:10

Naŋg yə ɓugu-ɓugu no̰ dee’g ləm, Dara kara yə ləm, Kàr gə naḭ tel ndul njudu-njudu ləma, Kéréméje kara rɔndɔḭ lə dee godo ləm tɔ.

Ajee 2:21

Maji kari ula Jorobabel, njeguburuɓee gə́ Juda togə́bè pana: N’a gə yə dara gə naŋg nee.

Ajee 2:6

Mbata Njesigənea̰ gə́ njeboo-néje ɓa pa togə́bè pana: Nai lam ba bèe ndá n’a gə́ yə dara gə naŋg nee ləm, gə baa-booje gə loo-gə́-tudu bura ləm tɔ.

Ǝbrəje 12:26

Ndəa neelé ndia ɓar ar naŋg yə ne ɓugu-ɓugu, nɛ ɓasinè yeḛ un ndia ar sí pana: Gɔl kára tɔɓəi m’a yə dara ɓugu-ɓugu ŋga ɓó m’a yə naŋg ɓa gə karee el.

Loo gə́ killa rea kəm Ja̰’g 20:11

Tɔɓəi ma m’oo kalimbai gə́ nda gə́ boi gə yeḛ gə́ si keneŋ lé. Naŋg gə dara d’aḭ tar nea̰’g ndá dəw oo dee gogo el ŋga.

1 Samel 2:8

Yeḛ ɔr njendoo dan babur’g ləm, Yeḛ ɔr njenékəmndoo dan siḭ néje’g ləm tɔ Mba kar dee d’isi gə njériɓarje na̰’d. Nénduba gə́ yeḛ ar dee lé To kalimbai ka̰ rɔnduba. Mbata gaji-ŋgɔ-kagje gə́ gəd ne naŋg neelé To ka̰ Njesigənea̰ Ndá yeḛ nja unda naŋg nee dɔ dee’g tɔ.