Maktub gə́ wɔji dɔ Jɔb 9:5 - Maktub gə́ To gə Kəmee

⁵ Yeḛ ŋgəs gə mbalje gə́ raŋg lal kar dee gər ləm, Yeḛ ɓugu dee naŋg gə oŋg ləa ləm tɔ.

Maktub gə́ wɔji dɔ Jɔb 9:5 ပူးပေါင်းရင်းမြစ်များ

Maktub gə́ wɔji dɔ Jɔb 26:6

Loo gə́ nea̰’g lé ɓee lə njé gə́ d’wəi to raga ndəgəsə ləm, Ɓul mán lé né gə́ nje ko̰ təa godo ləm tɔ.

Maktub gə́ wɔji dɔ Jɔb 28:9

Dəw un jia ɔrɔ ne rɔ kɔr mbal gə́ kədərə, Yeḛ ɔs mbalje gə ŋgira dee bura ɓugu dee.

Maktub gə́ wɔji dɔ Jɔb 34:25

Mbata yeḛ gər néra dee gao, Yeḛ tɔs dee loondul’g tila dee ləm, rəd dee naŋg mbə̰ji-mbə̰ji ləm tɔ.

Maktub gə́ wɔji dɔ Jɔb 40:11

Maji kari kila oŋg ləi gə́ o̰ to gə́ pər bèe lé gə́ raga ləm, Maji kari aa njédɔkədərəje gərərə ar dee d’ula dɔ dee ləm tɔ.

Maktub gə́ wɔji dɔ Jɔb 41:11

Ndo̰ pər teḛ təa’g bilim-bilim Ar ndɔbee ubu pur-pur tɔ.

Pakɔsje 114:6

Seḭ mbalje lé See ɗi ɓa ra sí ɓa talje jagəra-jagəra to gə́ bàl bya̰je bèe wa. Esé seḭ dɔ diŋgri mbalje lé See ɗi ɓa ra sí ɓa tel talje jagəra-jagəra asəna gə ŋgan badje ne ɓəi wa.

Pakɔsje 46:2

Ala to loo-kula-dɔ sí keneŋ gə négəd rɔ sí dɔ’g ləm, Yeḛ to njela sə sí gə́ uba sí ya̰ sí dan néurti’g gɔl kára kara el ləm tɔ.

Pakɔsje 68:8

Ǝi Ala, loo gə́ i teḛ gə́ ŋgaw ta koso-dəwje ləi lé ləm, Loo gə́ i njaa no̰ dee’g mee dɔdilaloo’g ləm tɔ lé

Esai 40:12

See na̰ ɓa wɔji manje gə ŋgo jia wa. See na̰ ɓa wɔji tad lə dara gə dabla jia wa. See na̰ ɓa odo nduji naŋg mee nékwɔji-né Gə́ kaiyee loo munda kun təa kára wa. See na̰ ɓa wɔji kwɔi lə mbalje gə nékwɔjee wa. See na̰ ɓa wɔji kwɔi lə dɔdərlooje gə nékwɔjee wa.

Nahum 1:5

Mbalje yə ɓugu-ɓugu nea̰’g ləm, Dɔdərlooje ləŋg təji-təji ləm tɔ: Naŋg kara ula déréré-dèrèrè nea̰’g ləm, Dɔ naŋg gə dəwje lai gə́ d’isi keneŋ ləm tɔ.

Nahum 1:6

See na̰ ɓa a kaar gəs no̰ oŋg’d ləa wa. See na̰ ɓa a kaar tar no̰ oŋg’d ləa gə́ nuŋga kəd-kəd’g lé wa. Oŋg ləa ɔm dɔ loo’g to gə́ pər bèe. Yee ɓa ar biri mbalje d’yiri njigi-njigi nea̰’g.

Habakuk 3:10

Dɔ mbalje d’ooi ndá d’unda bala, Ko̰ ndi mbél manee naŋg, Ɓul mán ar ndia ɓar wəl ləm, Ar paŋgəm manje d’ḭ gə́ tar ləm tɔ.

Habakuk 3:6

Yeḛ aar naŋg ndá yeḛ wɔji loo gə́ dɔ naŋg nee gə kəmee, Yeḛ aa loo gərərə ndá ar ginkoji dəwje gə raŋg d’unda bala, Dɔ mbalje gə́ to gə ləb dee ləb dee gə no̰ lé Tɔ pɔs-pɔs ləm, Dɔdərlooje gə́ ləw lé Rəm gə́ naŋg ləm tɔ, Deḛ ɓa gə́ kila-rəwje gə́ yeḛ njaa keneŋ kédé lé.

Jakari 4:7

I mbal gə́ boi lé see i to gə́ ɗi ɓa no̰ Jorobabel’g wa. Jorobabel a kari asəna rai-rai. Yeḛ a kɔr ne rudu kɔr mbal kunda ne sém kəi gə́ tar Dan ndu dəwje gə́ ɓar wəl-wəl’d gə́ pana: Maji péd-péd! Maji péd-péd!

Matiyo 21:21

Jeju ila dee keneŋ pana: Ma m’ula sí təsərə, ɓó lé seḭ awje gə meekun gə́ seḭ maḭje gə rɔ sí dɔ’g el ndá né gə́ ra gə kodé neelé gə karee ba ɓa seḭ a raje el, nɛ ɓó lé mbal gə́ boo nee nja ɓa a kulaje pajena: Ɔr rɔi gə ŋgirai oso dan baa-boo’g nee kara né neelé a to togə́bè ya.

Matiyo 27:51

Yen ŋga kubu gə́ gaŋg ne mee kəi-Ala lé un tar til dana njal uru naŋg jig ləm, naŋg yə ləm, mbalje kara ta̰ ɓəgəgə-ɓəgəgə ləma,

Lugu 21:11

Naŋg a yə gə loo ɓugu-ɓugu ləm, yoo-ndag a koso dɔ dəwje’g gə ɓee-ɓee ləm, ɓoo-boo a koso gə loo-loo ləm tɔ. Néje gə́ to ɓəl kədm-kədm a teḛ ləm, gə nétɔjije gə́ boo a teḛ dara ləm tɔ.

1 Njé gə́ Kɔrḭtə 13:2

Ɓó lé m’to gə́ njetegginta m’ɔr ne gin néje lai gə́ to loo-kiya’g ləm, əsé m’to bao-gosonégər gə m’ɔr ne gin gosɔnégərje lai ləma, əsé ma m’to gə́ njeboo-meekun m’as kɔr ne mbal gə ŋgira kunda raŋg ləm tɔ ɓa ɓó lé meenoji godo məəm’g ndá ma m’to né gə́ əḭ el.

Loo gə́ killa rea kəm Ja̰’g 11:13

Mee kàree’g neelé naŋg yə ɓugu-ɓugu ndá dəb ɓee-boo lé tuji loo-kára ndá debeeje nai jinaikara. Dəwje tɔl-dɔg-loo-siri d’wəi keneŋ ndá dɔkal deeje gə́ nai lé ɓəl yaa̰ ləm, d’ula ne rɔnduba dɔ Ala’g gə́ si dara lé ləm tɔ.

Loo gə́ killa rea kəm Ja̰’g 6:14

Dara kə́ dɔ na̰’d mber-mber to gə́ maktub gə́ kə́ na̰’d mber-mber bèe tɔɓəi mbalje gə dɔgoré-looje lé dee ŋgəs d’ya̰ loo-to dee gə́ kédé.